Thufim khanpui 9

Fiimhnaak Le Voi-hnaak

9 Fiimhnaak in a inn sa zo ai, a khuam pasarih bir ii.
2 Puai bawn
hnaak ah sum-aar ro ii, A cabitti ah rimhmui rawi ai cabuai khai pharh
zo ii.
3 Khua laaiteng ai hmun saangber an khua sap tuh in A nupang
omhlawh te hlat ai,
4 “Khuaruah tem deuh te zongzong heta ah kawi tu
ih,” tiin sap ii. Mivoi deuh te hnen ah,
5 “Kawi tu ihlai I sanghum ai
tu ih, I roihsa cabitti ding tu ih.
6 Voi hnaak hlum tu ihlai, nung tu
ih. Fiimhnaak lampui hluun tu ih,” tiin ti ii.
7 Mi hngalpa thu cuuk le sikhaw zoh na suam tuh so ii. Mi phalo
mawhhluuk lesikhaw maa liam tuh ii si.
8 Mi hngal te zaikom inkhai thu
cuuk mah, Cuuk lesikhaw na cim tuh ii. Ikhalselai mifiim thu cuuk
lesikhaw na zuul tuh ii.
9 Mifiim thu cuuk tu lai fiim tuh aam ii; Mi
dikcang thu cuuk tu, a thiamhnaak tam tuh aam ii.
10 Pathian kihzah heh fiim hampanhnaak ii. Cianghlim Pathian ling
lesikhaw lingthilhnaak nai ii si.
11 Fiimhnaak in san na sau ruai tuh
ii. 12 Fiimhnaak nai lesikhaw hnempuihnaak na pe tuh ii, Fiimhnaak
hnawl lesikhaw harsahnaak tuartu ii tuh ii si.
13 Voi hnaak heh a kaa tam ai khuaruah zaikhai nai lo ii, Zakthih
nailo, nupang pongtam bang ii.
14 A inn dawngkhaam ah to ii;
Ihlahlekhaw khua laaiteng hmun saang ber ah to ai,
15 Mah naper ruat
kong ai lam vaak te khiah,
16 “Khuaruah nailo te, he lam ah kawi tu
ih,” tiin ti ii. Mivoipa hnen ah,
17 “Ruuk hnaak tidap heh hlum
caangce ii, Ruuk hnaak sanghum heh uur deuh ii,” ti ii.
18 A inn ai
fehtu te thi sek ai, A inn song tlum ben zo te in tu, Mithi khua
thuukpui ah um ii ing ti ling tlaang lo ii.