Arti ei a pha hnak phun 8

1. Mit hrangah pha:  Arti ah heh antioxidants tihnak tam ngai um ai cia mi antioxidants in kin mitmol (cataract) tuhhnak tam ngai kham ben i.

2. Rikam zia um deuh: Ar ti ei le si khaw sun ah na rikam roh puiin zia um tuh i, ziangman ti fang arti ei heh rong kham nel thei ngai i.

3. Sam mawi thei kutin ketin kho thei: Arti ah heh amino acids leh minerals pawl um man sam te mam ruai ai kutin ketin te kho ruai ben i.

4. Ruh ek ruh tontai zia um: Arti ah vitamin D leh calcium pawl tel ve man ruh kho ruai i.

5. Hat thei: Arti ah protein tiang pawl khai um tho tho man thawhhlam (breakfast) kin ei fang arti ei tel tio le sing khaw kin hat ai khaw thil te bang ti hiam riap ro tuh i sing.

6. Protein tam ngai: Protein heh taksa hrangah kul ngai man arti ei le sing khaw protein tam ngai nei tuh i sing.

7. Hluak hrang pha: Arti ah cholinergic tihnak khai um tho tho man kin thisan zam lam leh hluak hnawm hnak pawl a thar in bawn sal teng to de i, Cia man hluak lam roh pui in pha ruai ben i.

8. Aharah (nutrients) tam ngai ngah tuh i si: Arti em tam le si khaw aharah tam ngai ngah tu i sing, ziangman ti fang arti ah heh vitamin A, vitamin D, vitamin E, tandat leh calcium etc a phun phun kin taksa in a kul hnak pawl khim liang in um man arti ei tam heh pha i.

Read more »

2016 apiaka suh pakhathnak ngah tu

Tunkum 2016 Las Vegas ah leilungvum ai "apiaka (porn)" pornstar zaiber leh thiamber hril hnak nai ai kum 20 mi Miami, Florida khua suak Abella Danger in pakhat ngah lio i.

Abella Danger heh 1995 November 19 ah Miami ah suak ai ciatin a kum 18 fang fang apiaka zaih pan hnak i hang. A mah heh Ukrain ai Judah miphun i ai inapui USA ah suak pawl i. Danger heh a tun mawi law2 cia hlei ah zai roh, pasal te dawh thiam ngai tin ti i.
Danger in a rel hnak ah apiaka a zaih hnua pasal heh 57 ti hang ing tin rel i.

Source : Google :P

Read more »

Kin ram

Burma or Myanmar mi i sing

Keimah lek in zan it thil lo in khua i ruat de fang Laimi te heh ram nai lo i ni sing maw tiin khuaruat can tam ngai nai de ing. Kin ram harsa ze man in kulihlawh in Mizoram lamah Laimi a tawr tawr in feh sing khaw Mizote in Burmami tiin kin ti de ai nasa lio in kin thinraw de i. Ziang man i ni? Ziangman in Burmami rori Burmami tiin ko kin daih lo i? heheh nasa lio in ruat kin kul i.
Tunai kin um hmun ram heh Pathian in kin pe hnak ram lio lio i ai hlanlai kin pupa san lai pah in kum rei ngai um zo i sing, inapui khaw kin ram ah tu Laimi/Chin pawl heh kin tlawm ze ai kawl pawl in kin lo ciah neh ze hang le tunnia tiang Laimi pawl in ram ti pha nei ve lo sing. Hlanlai kin pupa pawl in kin ram heh kin ram tin ko hal de lo heh a mawh roh in hmu ing, kin pupa pawl in kin ram heh kawlram ti ngeu de hang le atesinfa pawl tiang in khai kin ram heh kawlram tiin ko ngeu i sing, kin mawh bul lo i ziangman ti fang kin thlah tute in kin zirh hang tu.
Kin ram harsa ze man sum hlawh in Mizoram ah naper in a tawr tawr in feh sing khaw Mizo pawl in Burmami kin ti de ai nasa lio in kin thinraw sap bai de i, pha nio in ruat le sing khaw Burmami tiin kin ko tuh hrim hrim hnak pan i. Kinmah kin vawi ze hang le thinraw ngah pang sawn de i sing, kin mawh law2 i. Kinmah tlang tlang fang in le kin tu kawlram mi te tiin ti du de i sing pha nio in ruat le sing khaw tu kawl tih umzia tu kawl=burma thawn dun i ciaman tun ai kin umhmun ram heh kawlram kin ti sung hmuah tu Laimite ram nai lo i sing, kawlte ram ah um sing tih thawn bang dun i.
Mirang ram kin hleng fang le tehkhinhnak ah kin umhmun Europe, USA, Australia leh Canada lam kin hleng fang le cia ram pawl khiah kin ram tiin ko la la i sing, zakthi kul roh i ziangman in mirang ram tu kin ram tiin ko ai kin ram sawn ngai ngai Burma tu kawlram tiin ko i sing? unaute pha nio in ruat kin cu zo i. Mirang ram ai kin umhmun khua pawl le kin khua tiin ko la la ai, mirang tangka pawl khai kin ram tangka, mirang ram ai minung pawl khai kin ram minung pawl tiin ko la la de hmm mmm pha nio in ruat le sing khaw mirang ram heh kin ram a i hnak hikti tia nio khai um lo i ciaman kin ram tiin ko hlah hang sing ih.  Kin ram Burma ai thil pawl tu kawlram tangka, kawlram mi, kawlram president etc tiin ko leh thio la la i sing hmm mmm mi in khai kin ling pang ai khaw a thupnio in kin hnisan dek tu na khaw. Cia man in hlanlai kin pi pu leh nu le pa pawl in kin ram Burma heh Kawlram tiin a ko ta in khai kin santhar mino pawl in tu kin ram or kin Burmami pawl tu tiin ko dun a hang sing ih tiin ning sawm ing.

Read more »