Thufim khanpui 2

Fiim Man

2 I fapa, na cuuk ing cia zir tu lai, Na bawn ruai ing cia na thin
songah khawi tu.
2 Fiimhnaak heh zai ii ti ngaai tu lai, Ling thil tuh in na thinlung thawn zuam tu.
3 Ii ee, hmuhnaak le linhnaak te khiah ngeen ai, Thil lingthilhhnaak caa khai kuun le sikhaw;
4 Nguun bangin ngah na hiam ai, Hlawnthil thup hnaak bangin sii le sikhaw;
5 Bawipa kihzah heh zai ii ti le Pathian ling heh zai ii ti ling thil tuh i si.
6 Fiimhnaak petu heh Bawipa ii ai, Amah hnen an thulinhnaak le
lingthilhnaak hleng ii.
7 Mi dikcang te le lungtluang te khiah bawm ai Khaak in ber ii.
8 Misam te kongcung ai thil mawi bawntu te khaakber ai Amah iittu te khiah kiil ii.
9 I thu I ngaai le sikhaw zaitu heh dik, mawi, cang ii ti le I bawn
tuh hnaak zai ii ti ling thil tuh ii si.
10 Fiimhnaak na thin songah
tlum tuh ai, Hmuh le linhnaak in na aang ruai tuh ii.
11 Na fiim le na lingthilhnaak in na khaakber tuh ai,
12 Thil pha lo bawn tuh na kham
tuh ii. Pong phalo hmang ai mi hnok ruaitu lak an na kiil tuh ii.
13 Cia tein khuathim song um hiam in lamcang khiah hlum ii;
14 Thil phalo bawn khiah amah te hiamhnaak ii ai, Thilkhelh bawn fangin aang de ii.
15 Ring tuh lo le, san tuh lo hnaak mihing te ii.
16 Kaa naal dengdo ai na zawltu nupang phalo hnen an na o tuh ii.
17 Cia nu tu a pasal hnen ai kuung lotu le, Pathian hnen ai a thutiam zainam lotu ii.
18 A inn ah feh le sikhaw thihhnaak lamkhung hluuntu I hang si.
19 A hnen ai fehtu heh aisu khai let nawn lo ii. Nunhnaak lampui tawk nawn lo ii.
20 Cia ii maan in mipha te lampui khiah hluun
tu lai Mi dikcang te nung bangin nung tu.
21 Mi dikcang le mipha te tu he laivum ah um tuh ii.
22 Ikhalselai mi phalo te tu cia ram ah Pathian in hnawn tuh ai, A hnuk pah phaai tuh sek ii.