Cukcu thula tlawm lai

Leilungvum pui heh bung puak in a sung ai um minung pawl le ramsapawl hmuah hmuah thi sio in le ci pai sio in um khal khai selai cukcu pawl tu nung ben hlen tuh i tiin mifim pawl in ti i. Ciami tu cukcu pawl heh leilungvum ah kum million 300 lai um zo ai hemi can sung hmuah hmuah ai leilungvum boruak (climate) thleng hnak hmuah hmuah etc. asa, adap, auap, hlivuasia leh tisian heang pawl hmuah hmuah heh anite tu boruak zir in tuar ben hnak nai i cia man a ni te tu nung suak ben tuh i tiin mifimte in rel i.

Cukcu phun le urhnak: Leilungvum ah cukcu heh phun 4 000 dung um ai inapui phun tlawm nio lek ian kin te in hmu i sing, a tam sawn tu ramhnia lam ah tam roh um bial i. Cukcu hrekkhat pawl tu minung um hmun ah etc. inn, restaurant, dawr, coka le hmuk bawn hmun heang ah khai a tawm tawm in um thei bial i, minung um hmun cang ah um ve sio tih ca i. Cukcu pawl tu mikei thai lo napui urhnak leh zawka a phung phung minung pawl hrangah laukul leh thihnak tiang kin hlen de i, cia pawl tu sawr, luur (headache), pumur leh taksa rit men heang ur pawl kin hlen de i.

A rong ei hnak pawl: Cukcu pawl tu ei pha le pha lo khai khuaichia thiam lo i, a hnawm uih, a muat, cia lek zo lo minung pawl hrangah laukul tur(poison) nai hnak pawl khai anite tu ziang khai pawi lo in ei thei sio i. Anite heh a hlum duh ngai i, cini te khai ur ti roh e cia lek i lo satpia, savun,rong hing, rong uih leh mehkhing a vek sen a hmu hnak hmuah ei thei sio i. Cia man kin mehkhing pawl le rongbel pawl pha nio in sin ttio de kin kul i.

Asan sau dan : Cukcu pawl heh a sua lam 10 centimeter lai um ben ve i a sua pawl tu. Cen cukcu phun hrekkhat pawl tu rong lo in hla khat le ti lo in zarh khat lai tiang nung ben i. Cia lek zo lo a lu tel loin khai zarh khat pek po nung ben tho tho i. Boruak le a hmun zir in cia tahhnak in rai khai nung ben i lu tel lo in.