About

Pages

Sunday, August 28, 2011

Mirang pawl thuhla






Britain heh hlanlai ah leilungvumpui veksen deuh thaw in lo uk awng tu i ai, ziangtlukin a ram hmin um zia dangdai i tihnak UK leh Britain ti hnak sik tlang cul a sing ih.

 UK

 UK kin tihnak tu Scotland, England , Walse tiin ram thumkawm ramkhat din hnak i ai. UK ram ai tlang sang ber tu Ben Nevis tin ko ai 1343 metre sang i. Scotland capital city tu Edinburgh ciatah mipui 5,222,100 dung um i. Northern Ireland heh Scotland in kilometers 21 dung hla i ai, UK ai lake (cirhti) tu Lough Neagh i ai Northern Ireland ah um i. UK ah river (rawn) a sau ber tu Severn i England ah um. Cardiff tu Walse ram khawpui i ciatah minung 3,006,400 dung um in London UK khawpui ah million sarih vum dung dung um ve thung i.


Britain hmin dik tak

 Britain- or Great Britain (GB) tin kin ling hnak a hmin umziatu England i, England mi lek kawh hmuh hiam hnak i cen England miphun pawl tu English tin ko la la ai tunlai leilungvum pawn kin hmang hnak ber i hang. The United Kingdom (UK) kin ti hnak tu England, Scotland, Wales leh Northern Ireland heang pawl i, a veksen in square kilometers 250,000 dung I ai 1 727 570 km2  kau vet hung i. The British government tu the UK rampumpui uk tu government i pah i.

Mitamtakin English ti heh UK miphung hmuah hmuah a ti duh san hnak lo vuah de i sing napui khia tih i lo i English ti hnak tu England minung pawl lek a rel hiam hnak sawn i. the Scots, Welsh leh Northern Irish pawl khai British ti thil pah i sing, napui ramdang miphun deuh pawl in heang pawl heh English tin a ko fang a can can fang thinraw in daih hang de lo i. Scots leh wales pawl in khei a mah te pawn dang nio nei ve sio ai amah te pawn nio heh ngaisang ngai ve i.

Cia lak sungin Bristish miphun laksungah hnam kahpia tamngai um bial ve ai tehkhinhnak in tunhlan 1950s leh 1960s dung ai a nu leh pa ramdang mi Caribean, India, Pakistan, Hong Kong leh hmundang in kawi pawl um bial ve ai ciami tefa te pawl in in leh lo pawl tu London khuapui hmun pawimawh tak tak ah leh, Birmingham leh Manchester heang pawl ah lei in tunnitiang lo um hlen tu khei tam ngai um pah i, mi vai pawl ti a hang sin.


Pawn

UK heh a tlangpui in tu English heh hmang sio thah ai, napui Gaelic khai the west leh north of Scotland leh Northern Ireland heang pawl ah hmang thil ve thung i, cen Welsh khai heh Wales ram mipui hrekkhat deuh thaw in hmang hnak ve i, napui tunsan ah ngawn English in neh ngai i hang English lo lek pawng tam i hang. UK ah heh ramdang pawn tam ngaiin lo um bial ve ai Hindi, Urdu, Punjabi, Mandarin, Cantonese leh Chinese heang pawl khai um ve pah i, cen religions bang dun lo tak tak khai tam ngai um pah i napuikhaw a ram sakhuabiakhnak tu Kristian i.


Ram hla

The Scots, the Welsh leh the Irish heang pawl heh a mah te nio in ramhla lo nei ve ai ziangmawcan tibang tehkhinhnak in English club ti bang um fang Scotland leh Wales, Scots pawl in hla a sa de hnak tu flower of Scotland, Welsh pawl in Land of My Father, napui khaw UK national hla tu English pawl a hmang hnak God Save the Queen ti hnak i. He UK Queen Elizabeth heh 1926 fang suak hnak I ai a kum 25 fang Siangphahrang nu per pan i hang tunah tu 86 in upa i hang, nung lai. cen he nu heh Australia leh New Zealand lam tiang Siangphahrang nu din hmun lo awh ngeu tu i India ah khei Siangphahrang I awng napui Britains pawl in India a suah san fang awl kio sal i.

Hmin

Hnamhmin (last name) etc Mac or Mc etc  McDonald he heh Scottish miphun leh Irish miphun pawl hnamhmin deuh tlang pui i. ´O´ in pan (etc O’ Brien) heang le khaw tu Irish I teng teng de I, cen Morgan leh Jones heang pawl tu Welsh miphun pawl i.

Cancan fang hnihsa zing dun kawng in daihkoh Rem dun fawm in Scotsmen pawl ko dan `Jock´ lole ´Jimmy´ tin ko dun de i, Irishmen pawl ko dan ve thung tu ´Paddy´ lole ´Mick´ tiin ko la la ai Welshmen pawl tu ´Dai´ lole ´Taffy´ tin ko de i. Napui mah hmellin lo leh rualpui pha ti lo fang in tu zing dun de cuang lo.


Mirang pawl mizia


Mipui in a rel danah Irish pawl tu pawng hiam ze ze ti, cen Welsh pawl leh thio hlasa thiam ngai ngai ti la la. Scots pawl le khaw mi aipuang minung leh hnihsa sa hiam lo pawl ti ai  tangka lamah fimkhur thiam ngai ngai tin ti i. Napui Welsh pawl tu actor ah thiam ngai ngai ve thung i --- Anthony Hopkins, Catherine Zeta Jones leh Tom Jones heang pawl sik le singkhaw.

Great British pawl tu Breakfast ei hmang minung i ai sunah laphehti ding napui restaurant leh hotel, take away, fast food hebang pawl lei hmang ngai ngai I ai, a bawngsia British food tin rawng ur ngai2  heh lo um ngel cel lo i rawngsuang thazawng ngai ngai i tuh i rawng heh special nei lo manin caiman a nit e tu Pizza Itally rawng Chinese food or Japanese food, Indian Food, France Food hebang dawr heh UK ah tam ngai um ai cia bang ah lut tam fik de i, cen British pawl in Coffee heh ding ze hang lo ai anite in tea (laphehti) khuat 3.39 (khuat li dawn dawn) dung nikhat ah ding de in nikhat ah kum 15 vum minung in tea a ding hnak 200,000,000 hezah dung ding de i. Hlanlai ah tu milian pawl lek in tea ding ben de ai China in kawi hnak pawl ding de i, napui tunsan ah tu India in kuat ve murhmo hang ai miveksen deuh thaw in ding ben hang i, napuikhaw mikhrekhat in tu khia tea heh taksa hriselhnak siatsuah i tiin ruat ai cawihnawi rawi in ding de i taksa hrisel hnak siatsuah lo tuh in. Cen coffee tu 1.65 dung in ding de i.

Benfang lingkul ngai hnak pakhat tu British minung pawl tu midamkhep mi pawn repro nei lo i ai news siar thei minung i, nisiar in 71% kum 15 vum minung in newspapers siar de ai, nisiar in 22 millions vumdung newspapers print de i. cen mipui pawl in TV sik heh uar ngai ngai ve ai 97% dungin in cangah TV nei sio i, TV channels khei a phun phun um ai, the BBC (British Broadcasting Corparation) khai pahnih in um ai BBC1 leh BBC2 tin khan i cen BBC heh tlangkai pawl hrang ah lai zir hnak fawm in khai hmang de i ai news thuthang rel hmun in khai hmang de i cen documentaries zir hnak ah khai hmang pah i, cen ITV (Independent Telivision) heang channel lar tak tak khai um lai i he channel ah tu religions lam leh documentaries pawl pe deuh tlangpui i. Cen British ah tu naupang kum 5 in 15 tiang tlawngkai kul ngeu i. Tlawngin ah Sawngen dan leh Pathian thu pawl khei zir fawm cih de i. British pawl in tu foreign language thiam tlang lo ngai ngai i cen hnikpuan lam uar lo ngai pawl khai i fawm i Europe countries ah tu. Office can fang in suits heh sil tlangpui sio de ai weekend ti bang fang tu jeans sil thio la la de i.


In leh insungsang

Tunnia can ah tu he ramah heh mah in nio ah um tam sawn i 67% (16.7 million in mah in ah um) south of England ah 74.7% south east ah 72.8% south west ´ Wales´ ah 71.5% i ai Northern Ireland ah 71.4 i ai, napui khaw Scotland lam ah tu 60.2% dung i.

He ram ah insungsang hmunkhat ah um ti uar ze hang lo ai 2.4 dung lek in ian insangkhat ah um tlang de i, he heh European countries ah a tam ber lam din hmunah  ah ding ban i. mi 65% kum upa lam pawl tu a mah te nio lek in um tam sawn i. Nu leh pa in fa te nei nei ai a fanu fapa te khang murhmo fang nu leh pa hlum in university kai maw lole naper in um ai tangka nei fang in tu amahte nio in inhmun lei in ciatin a nu leh pa in ben hiam de lo hang i, mah nio um heh hiam sawn ti sio de i hang- miring pawl dan i insungsang heh nupui pasal nei lo in khei indang ce tam ngai i kum 18 in in dang tum ce thil i EU ah tu.

.Nu le pa dinhmun

Tunlo 2020 fang tu he ram pawl ah nupa khek dun tam hnak ber ram cang tuh i tin ruat hnak um i. A hlanah tu nupa dun in hmunkhat nio ah um kawm in khek dun tuh heh a har ta law law- a cang thil lo bang tluk i inapui khung pakhat um hnak tu nupui e maw pasal e maw thi fang lek khek dun thil awng i. Napui tunsan ah tu “partner or living together” hmunkhat um kawm nupa dun ciah hlawng lovin 60% dung tu um i hang, napui a nite living together tihnak tu nupa ngai ngai pah i kin lam dan in tu a neih hmuah2 hmun khat ah hmang kawm lo tih i menma cia lo tu nupa tak tak pah i- Pathian hmai ah kutsih hnak bawn lek fang in nupa tin ko i anite tu.

UK lam ah tu nupang tamtakin bai nio in fapai hiam lo tawr i hang, a naper lam pawl hmasa in tluangngai in awngmin tum hmasa de lai i ciatin nau nei man vut de lo man in kum 30 hlahle 40 lam fang fa nei murhmo tam i. Hlanlai ah tu fa te a nei hlanah nupa dun de napui tuntu 40% nuapang pawl tu nu leh pa nei lo thah sio i ai. Nupui pasal hmunthumthen ah hmunhnih tu khek dun hnak fa te i ai, hmunthumthenah hmumkhat tu nupui pasal nei lo law law (zawlfa) i. Government puiin zawlfa naupang pawl tu single parents tin ko ai bawm de ai napui khaw government pui khai tangka lamah harsa ngai pah i. He ram ah kum siar in 310,000 dung in mopuai bawn ai 161,000 kum siar in khek dun de tho tho i.

 Ziangman tifang in nupang pawl in a insungsang din hmun siatsuah sio de man khek dun de hnak i. Hlanlai ah tu British nupang pawl tu in ah um tam ai insunsang naper in fa te pawl pha nio in peng de i, a pasal te pawl naper hmunin tlung le khaw nupui in cang hleihhlo in a pasal hrang rawng te suang sah de ai, tunnia ziang bawn pa si na cawl awm? Na sinpi awm? Titebang in zawt de ai remtlang ngai awng de napui i. Inapuikhaw tusan ah tu British nupang pawl in a pasal te bang in naper murhmo hang ai a pasal te hnak insungsang leh fanau te peng khei bawm ruai de hang i, a pasal te naper sinpi lo le khaw a nupui te in ziang khei zawt hiam de lo hang ai amahte na nio lek ngaihsak ve de hang i ciatin a pasal te thinraw in hnua ta ta fang tu a pasal in nupui hlum kio in nupui dang nei in khek kio de i hang.

London Khuapui

London khawpui mawi tak heh hminthang ngai i ai khuapui ham ber i Europe ah, khawpui mawi leh famkhim maksak khawpui i fawm i leilungvum ah. Cen Tokyo leh New York pawl khei tel ban ve i leilungvum khuapui mawi ah. UK he leilungvum pui ah single market leh international banking pawl tam hnak ber i ai leilungvum banks a phun phun 80 dun official in London ah um i, bank a veksen in tu 600 banks phun phun um i khia khuapui ah.

He khua heh Romans pawl khuatauh hnak i ai ” Londinium” tiin AD 50 dung fang in. square mile kau ngai leh bang sang bik bik in din hnak awng khua i. 1300 dung fang money-lenders Lombardy tin in Italy in Londinium ( London) tiin kawi hnak i ai. Cia tin ciami bang sang bik ham dungah business a phun phun bawn ai, tunnia tiang ciami hmun dung pawl tu Lombard tiin ko lai i. tunnia ah tu bangkulh sang ngai ngai pawl um lo hang i napui tunnia tiang cia teng area’s tu the City of London tin ti ai, cia hmun pawimawh ah Bristish pawl ai business centre um sio i. mihrekkhat in cia hmun khiah ´the square mile´ tin ti tu um lai pah i, khia teng hmun heh banks tlawm lo um hmun i ai. The Bank of England khai heh khia teng ah um i


 
Design by Free WordPress Themes | Bloggerized by Lasantha - Premium Blogger Themes | cheap international calls