Thufim khanpui 3

Tlangvaal Te Tiamhnaak

3 I fapa, na zirh ing cia te lo hai mah, Bawn na ruai ing cia te hih tu hleen.
2 I thu cuukhnaak in san sauhnaak le nunnuamhnaak na pe tuh ii.
3 Nunkuunghnaak le rinkuul na ihnaak in zaikom khai na hlum mah
seh. Na hawng ah velh tu lai na thin ah ngaan tu.
4 Ciabang in bawn lesikhaw, Pathian hmaai le mihing te hmaai ah hmaaiphahnaak le
thangphathnaak ngah tuh ii si.
5 Bawipa khiah na thinlung veeksen in ring tu. Na ruah hnak le na linhnaak te ring mah.
6 Na bawn hnaak caang ah Pathian hih tu hleen, Amah in lamkhung cang na hmuh tuh ii.
7 I fiim bang paam tiin ruat mah; Bawipa thu hluun tu lai, sualhnaak khiah hlum tu.
8 Cia bangin bawn lesikhaw, sii pha bang cang tuh ai, Na hmaihma le na uur na lawm tuh ii.
9 Bawipa khiah na sum le saw le, na rong tharhmuasaber thawn thangphat tu.
10 Cia bangin bawn lesikhaw, na been ah rong dim tuh ai, Na cabitti beel ah cabit thar leet tuh
tliatlo ii.
11 I fapa, Bawipa thutiamhnaak khiah zainamlo in um mah, Na hau fangin
na thin uur in zaangtaak mah.
12 Zaimaan in tifangin, pa in a iithnaak
a faa te hriing ai cuuk bangin, Bawipa in a iithnaak te thu cuuk de ii.
13 Fiimhnaak naitu te khiah mi hmuifu ii, Lingthilhnaak nai te
khai mi hmuifu ii.
14 Fiimhnaak heh nguun tahin man sawn ii, Sui tahin mankhung sawn ii.
15 Fiimhnaak heh lungvaar tahin mankhung sawn ai,Thil sam thawn teh thilh lo ii.
16 Fiimhnaak in san sauhnaak, naihhnaak le zuulhnaak na pe ii.
17 A lamkhung heh nunnuamhnaak lampui ii ai, A lam hluun in kin him ruai ii.
18 Fiimhnaak nai te khiah aang ii. Fiimhnaak in nunhnaak pe ii.
19 Bawipa in a fiimhnaak thawn laipua bawn ai, A thulinhnaak thawn
vaan kho ruai ii.
20 A fiimhnaak in ruun ti zuu ruai ai, Lai vum ah ruahsi tuh in mairo um ruai ii.
21 I fapa, na fiimhnaak le na thu lingthilhnaak khiah kho in awh tu
tio, Zaikom in khai na hnen an tlaan ruai mah, Ciate in nunhnaak na pe tuh ii;
22 Na rauhla caa ah nun hnaak ii tuh ai, Na hawng caa in mawi hnak cang tuh ii.
23 Lampui dunghluun ah himniu in feh thil nga
sikhaw, Bah khai na bah tuh lo ii.
24 Zaan na it fangin na lau tuh lo ai Muang ngaai in zaanvaar mitmu tuh ii si.
25 Mi phalo te kongcung ah
khuahusia bang ai hnawphnaak hleng fangin, Zai khai thin na cawl tuh lo ii.
26 Bawipa in him le cak niu in na kilkhawl tuh ai, Thang tawi
hnaak songah na tlok ruai tuh lo ii.
27 A kuul le a sam te kongcung ah na bawn thai tawp in thilpha bawn tu.
28 Na innhneen khiah a tuun fefo
ai bawm thil thai hnaak ilekhaw thaaininghla tian iang mah.
29 Nangmah na ring ai na hiang ai umtu na innhneen kongcung ah harsahnaak bawn
tum mah.
30 Na kongcung ai hnawmcanhnaak bawn awng lotu khiah hau mah.
31 Mi lellawk thai khiah lo ot mah. Amah bang ai bawn tuh ngaaisung mah.
32 Zaimaan in ii ti fangin, Bawipa in thil phalo bawn te ningdul ai, Mi dikcang te khaakber ii.
33 Bawipa in mi phalo te inn khiah awrsiat ai, Mi dikcang te inn khiah hmuifu pe ii.
34 Mi zainam lo te khiah zai khai nam ve lo ai, Hniatacuh te kongcung ah a iithnak laar
ruai ii.
35 Mifiim te in zuulhnaak le songlawihnaak ngah tuh ai, Lungmutlawm te’n tu zakthihpha leek co tuh ii.