Thufim khanpui 10

Solomon Thufiim

10 Hete heh Solomon thufiim ii. Fapa fiim in a pa aang ruai ii; Fapa
voi in a nu thasia ruai ii.
2 A dik lo pui ai na ngahhnaak in phathnaak na pe tuh lo ii.
Ikhalselai, dikcanghnaak in na nunhnaak na o tuh ii.
3 Bawipa in mipha te rikaam ai um tuh siang lo ii.
4 Thazawng hnaak in farahhnaak suak ruai ii, Thakol hnaak in naihhnaak
suak ruai ii.
5 Rongkhawm cuu ai, rong khawmtu heh mifiim ii, Rong khawm cuu ai
mitmutu khiah zakthih kuul ii.
6 Mipha in hmuifu dong tuh ii; Mi phalo pa ai ponkam in a phatlohnaak
nundaan thup ii.
7 Mi pha te hih tio heh hmuifu ii, Ikhalselai mi phalo te hming tu mi
in hai rang tuh ii.
8 Mifiim te in khuaruah pha pe hnaak saang ii, Mivoi pongtam te tu
hnawmcanhnaak ah hleng tuh ii.
9 Mi dikcang te tu cak ai muang ii, Ikhalselai mi dikcanglo te tu mi
in ling tuh ii.
10 Thudik thuptu in harhnaak suak ruai ii, Ikhalselai zapui lin ai mi
sawitu in remhnaak suak ruai ii.
11 Mipha pa ai ponkam khiah nunhnaak cirhti ii, Ikhalselai mi phalo
ponkam in phatlohnaak nuncan thup ii.
12 Cimhnaak in remlohnaak suak ruai ii, Ikhalselai iithnaak in
mawhhnaak zongzong hlat sah ii.
13 Mifiim in suullam nai pong ii, Ikhalselai mivoi te tu cawh kuul ii.
14 Mifiim in fiimhnaak khawl ii, Ikhalselai mivoi te ponkam khiah
harsahnaak thawn hla lo ii.
15 Naihhnaak in minai te khaakber ii, Farahhnaak in mi farah te hnawmcan ii.
16 Phathnaak bawnman khiah nunhnaak ii, Ikhalselai sualhnaak in tu
sual aam aam tuh in mi hoi ii.
17 Thu reel hnaak ngaaitu te nung tuh ii, Ikhalselai I mawh ii ti nuam
lotu caa laukuul ii.
18 A thup niu ai mi cim naitu khiah thudon reel te ii, Mi hmingsiahnak
reeltu te heh mivoi ii.
19 Tam deuh pong lesikhaw tam deuh khelh tuh ii si, Mifiim ilesikhaw,
na pon suup tu.
20 Mipha pa ponkam heh nguun phaber bang ii, Mi phalo pa khuaruah tu
man nai lo ii.
21 Mi pha pa ponkam in mi tampui hnempui ruai ii. Ikhalselai na voi
hnaak in nangmah veve reek duun thai ii si.
22 Bawipa hmuifu khiah na lian ruaitu ii, Naper tampui na perhnaak in
na lian rui hluan lo ii.
23 Thilsual bawn heh nuam titu khiah mivoi ii. Mifiim te tu fiimhnaak
songah aang ii.
24 Mi dikcang te in amah te daihhnaak ngah ii, Ikhalselai mi phalo
tein amah te lau ber hnaak tawk ii.
25 Khuahu zuang fangin mi phalo te laan tuh sek ii, Ikhalselai mi
dikcang te tu him tuh ii.
26 Na napertu tuh in thazawng te lang mah, Lang lesikhaw na kam caa ah
cabit thuur bang ii tuh ii; Na mit caa ah maikhu bang ii tuh ii.
27 Bawipa thu hluun tu, na san na sau tuh ii. Mi phalo te tu thih cuu
hlaan pah thi de ii.
28 Mi pha te ai uumhnaak in aangpha um ruai ii, Mi phalo te ai
uumhnaak tu thulovaang ii.
29 Bawipa in mi dikcangte khaak in ber ii, Ikhalselai thil phalo
bawntu te khiah hnawmcan ii.
30 Mi dikcaang te tu him tuh tio ii, Ikhalselai mi phalo te tu ram
songah umhmun nai tuh lo ii.
31 Mi dikcang te in fiim thu reel ii, Ikhalselai mi phalo te lai khiah
cem leh tuh ii.
32 Mi dikcang te’n tu reel tuh thu mawi nai ii, Ikhalselai mi phalo
te’n tu hawmcanhnaak thu loleek reel de ii.