Thufim khanpui 4

Fiimhnaak Ai Hnempuihnaak

4 I faa te, pa te ai ning cuuk hnaak phatak in lo ngaai tu ih lai,
Lingthilhnaak nai thai tuh in lo hih tu ih.
2 Ning cuuk ing cia heh a
pha ii manin hih tu tio ih.
3 I nu le I pa fapa naihlam ing ai, I
nauta laai pah,
4 I pa in thu I tiam ii, “I reel hnaak thu khiah hih
tu tio lai, Zaikom in khai hai mah. I reel bangin bawn tu lai na nung
ngaai.
5 Fiimhnaak le lingfianhnaak lang tu lai, I reel hnaak thu
zainam loin zaangtaak mah.
6 Fiimhnaak khiah hlum tlap mah lai na kiil
tuh ii, Iit tu lai, na him ruai tuh ii.
7 Fiimhnaak nai heh na bawn
thil hnaak thil thupui ber ii, Zai sam na nai tah in fiimhnaak nai tu
sawn.
8 Fiimhnaak daihtu lai na hon do tuh ii, Kho in awh tu tio lai
zuulhnaak na pe tuh ii.
9 Amah khiah na lu vum ai Songlawihnaak papaar
lukhip mawi ii tuh ii.”
10 I fapa, I thu ngaai tu, I reel hnaak rohpui in ruat tu lai na nun
na sau tuh ii.
11 Nuncan pha na hmuh zo ing, Fiimhnaak te khai na cuuk
zo ing.
12 Fiim niu in feh lesikhaw na lampui zai in khai na khaak tuh
lo ai, Na dawp fangin na bah tuh lo ii.
13 Na zir hnaak te pom kho tu
lai, Phatak in kilkhawl tu. Na nunhnaak ii.
14 Mi phalo te feh hmun ah
feh mah; Mi taktaailo te nuncan lo cuung mah.
15 Bawn puipa mah! Mi
phalo te hnen an tlaan tu lai, Pial tu lai feh tu zianzo.
16 Misual te
tu thil phalo zaital bawn lo fangin mitmu thil lo ii. Mi pakhat teng
tuahmawh hlah lekhaw mitmu thil lo ii.
17 Sualhnaak khiah sanghum
bangin ai ii; Mi tuahmawhhnaak khiah zu bangin ding ii.
18 Ikhalselai mipha te lampui khiah ziingkhuan an sun tian vaar aam
aam khuavaar bang ii.
19 Mi phalo te lampui tu zaan khuathim bang ii,
Zai ber fon ai kin bah ti khai ling lo ii.
20 I fapa, I reel hnaak thu phatak in ngaai tu, I pong hnaak hluun tu.
21 Na hnen an zaikom inkhai paai ruai puipa mah, Hih tu tio lai na
thin songah khawi tu.
22 A lingthiltu zongzong caa nunhnaak ii ai, A
hmutu caa cakhnaak ii.
23 Khuaruat fangin raalring tu, Zaimaan in
tifangin na khuaruah in na nun na rem sah ii.
24 A dik lo thu zaikhai
reel mah, Pon khelh le thudon te reel mah.
25 Hlaanlam cangniu in siik
tu lai muang roh in vaak tu; Zakthi in na lukhup suk mah.
26 Na bawn
tuh hnaak hlaanvom in khuakhangtu, Ciatih ai na bawn hnaak te heh bawn
ben tuh zianzo ii si.
27 Thil phalo khiah cang tu lai hlaanlam ah a
cang in feh tu, Lampui dik an kal khat khai tliar mah.