4:28 AM
zanniat
Kin dung hla April lam ah France ram ah Muslim nupang pawl a hmai tuam hnak puan sau pui Veils kin ti hnak pawl leh hmaikhup hnak Niqab tin kin ko hnak hmel dak lo Muslim nupang pawl a hmang de hnak thuam hnaw pawl tu France miuk acozah pawl in mipui vantlang tual leng hmun te bang ah hmang siang lo hang i.
Cen mipui um tam hmun khung lak te bang ah khai siang cuang lo i. Bus sung e maw metro, yatha cen office sung tibang ah khai hmang siang cuang lo i niqab hmang heh.
He ang thu pawl ngai lovin miphat khat in he ang hnikpuan (taksa tuam sio hnak hnik puan, muslim te hmang hnak) hmang pah pah I le khaw tu Police hmun tiang hleng thei tuh din hmun tiang ah um i. Cen mipakhat khat in Eeils (thuam hnaw fual) leh khiabang hnikpuan taksa tuam sio hnak pawl hmang lovin um le khaw tu France asoyeah in 1400 krona pe tuh ai, napui hmang ngeu pah i le khaw tu 300 krona kuang ve thung tuh tin france in ti i.
He mi dan a suak pan hnak tu muslim nupang pahnih in amahte thuamhnaw hmaikhuh pui thawn Notre Damme ti hnak biakin pakhat sung ah lut hnak man i, ngai ngai ti fang tu biakin sung ah he bang sakhua dang silh fen mawi lo tak in lut hnak heh siang lo i.
He mi dun leh dan heh European ram hmuah hmuah minung zalen hnak ti siatsuah ti i ti in. He mi dan man in keimah minung i co vo leh mipui kua lak ai zalen ngaiin i leng thil hnak pawl khai i kham sio i ti bet in i biakhnak sakhua khai i siat suah i tiin Muslim nupang pakhat in ti rel i. a hmin tu ngan tuh lo ing.
France ram nuam takah Muslim pawl heh million 4 leh 6 karlak dung um ai, napui hmai tuam bial Niqab hmang pawl tu 2000 dung lek um in, niqab hmang heh mipui vantlang a rel tam hnak ber i ai, rel khai ngam ze de hang sawn lo i. Mihrekkhat in tu hetihbangin siang lo in khap tial hnak heh pha ti tu um bial ai. Hrekkhat leh thio in tu hebang dan bawn heh pha ti ve ngaiin tunah tu hebang hnikpuan hmang niqab hmag lo tam phah ngai i tin ti bet i.
Mipui ziangmawzat in tu he heh pha lo i ti tu khai um pah bial ai, hemi heh france president Nicolas Sarkozy ai bawn hnak in neh hnua vote a thlak fang in a neh hiam hnak man i ti tu khai um bial pah i.
Muslim nupang k´pakhat a rel dan ah tu tih bang in dun leh dan a bawn hnua tu tu sumpua suak heh i tam ze lo hang ai, a ni ni in in sung lo lek ah um i tam i hang tin news lam ah rel i. Mipui hrekkhat la la in tu he ang thil man in nupang hrekkhat tamtaktu sumpua suak lovin in sung ah tang de i hang ti thio tu khai um bial pah i.
France Parliment intu vote thlak hnak ah daih lo ti tu tam ngai ai, he heh Belgien lam ah khai hmang pan vivo hang in, party pakhat Nederland ram pawl khai cung tum ve i hang niqad leh taksa tuam sio hnak hnikpuan hmang siang tuh lo in.
0 comments:
Post a Comment