Mi lau kul ber thi zo

Kum 10 sung rori leilungvum thil ti ben ber USA puiin a si ngel ngo hnak wanted ber minung tu USA ralkap pawl in  2011 may 2 ah a kum 54 tiin USA ralkap pawl in lo kap kio zo i.

He pah Osama heh al-qaeda  terrorsim mi hnoksak bawi ber awng i ai, leilungvum ai terrorsim turu ber 2001 september 11 ai vanzuang pahnih thawn  Twin Tower (WTC)  pui lo taih awng ai minung 3000 lai in nun hnak tiang liam tuar in cia mi hnua in tu USA in Osama bin Laden heh si tio i hang.

Mi tamtak in tu he pa heh Afghansistan leh Pakistan karlak tlang kualak ah kurik i tuh i tin um tlang bial ai. Napui khaw a ni tu Pakistan khuapui pakhat ah lo um ngeu sawn hnak i. A in pui heh Abbottabad khuapui ah i ai cia teng ah Pakistan ram ai mi nei fik fik pawl um tam ngai i. Obama in a rel dan ah tu USA ralkap pawl in pawm tuhin a in pui a kulh sio lai ah mipui pawl in o ze ze man, Osama bin Ladin heh a nung nio in pawm ngah lo hnak i ing ti i.

Mipuiin he misual pa a thi hnua tu terrorism khai rok ngaiin dap tuh I hang ti ai, ziangman ti fang in bin Laden tu terrorism ho tu pawimawh ber I ai hmuntin hmuntang nuam hmun cang cang  ai terror pawl ho tu mipawimawh ber I man in I ti tlang i.

He pa heh USA ralkap pawl in a lu ah kap in thi hnak i ai he mi man leilungvum mipui tam ngaiin ang tlang bik bik ai, US mipui pawl am am ang ze hleihlawr hnak in puai khai bawn liang lo tu tlawm lo i, he pa a mak sak ve hnak tu 1957 march 10 fang suak in a kum 17 fang Najwa Chanem leh Latakia, Syria pawl thawn nei dun ai a kum 54 a thi dung  fang tu fa 20 lai lo nei man i. A phum hmun tu North Arabian Sea ah lo phum zo i.

He thil hleng heh mi tamtamin USA heh dem tlang ngai ngai ai, ziangman rek i? Rek tuk hnak i lo pui pawm ai khaw thu te pawl zingzawi in thawng in ah dah tuh hnak i bang e ti tu khai um bial pah i. USA tu leilungvum heh a mah te thu thu in lek bawn ana suai kin daih lo ti tu khai um napui khaw USA cing cing le.