Kin ram

Burma or Myanmar mi i sing

Keimah lek in zan it thil lo in khua i ruat de fang Laimi te heh ram nai lo i ni sing maw tiin khuaruat can tam ngai nai de ing. Kin ram harsa ze man in kulihlawh in Mizoram lamah Laimi a tawr tawr in feh sing khaw Mizote in Burmami tiin kin ti de ai nasa lio in kin thinraw de i. Ziang man i ni? Ziangman in Burmami rori Burmami tiin ko kin daih lo i? heheh nasa lio in ruat kin kul i.
Tunai kin um hmun ram heh Pathian in kin pe hnak ram lio lio i ai hlanlai kin pupa san lai pah in kum rei ngai um zo i sing, inapui khaw kin ram ah tu Laimi/Chin pawl heh kin tlawm ze ai kawl pawl in kin lo ciah neh ze hang le tunnia tiang Laimi pawl in ram ti pha nei ve lo sing. Hlanlai kin pupa pawl in kin ram heh kin ram tin ko hal de lo heh a mawh roh in hmu ing, kin pupa pawl in kin ram heh kawlram ti ngeu de hang le atesinfa pawl tiang in khai kin ram heh kawlram tiin ko ngeu i sing, kin mawh bul lo i ziangman ti fang kin thlah tute in kin zirh hang tu.
Kin ram harsa ze man sum hlawh in Mizoram ah naper in a tawr tawr in feh sing khaw Mizo pawl in Burmami kin ti de ai nasa lio in kin thinraw sap bai de i, pha nio in ruat le sing khaw Burmami tiin kin ko tuh hrim hrim hnak pan i. Kinmah kin vawi ze hang le thinraw ngah pang sawn de i sing, kin mawh law2 i. Kinmah tlang tlang fang in le kin tu kawlram mi te tiin ti du de i sing pha nio in ruat le sing khaw tu kawl tih umzia tu kawl=burma thawn dun i ciaman tun ai kin umhmun ram heh kawlram kin ti sung hmuah tu Laimite ram nai lo i sing, kawlte ram ah um sing tih thawn bang dun i.
Mirang ram kin hleng fang le tehkhinhnak ah kin umhmun Europe, USA, Australia leh Canada lam kin hleng fang le cia ram pawl khiah kin ram tiin ko la la i sing, zakthi kul roh i ziangman in mirang ram tu kin ram tiin ko ai kin ram sawn ngai ngai Burma tu kawlram tiin ko i sing? unaute pha nio in ruat kin cu zo i. Mirang ram ai kin umhmun khua pawl le kin khua tiin ko la la ai, mirang tangka pawl khai kin ram tangka, mirang ram ai minung pawl khai kin ram minung pawl tiin ko la la de hmm mmm pha nio in ruat le sing khaw mirang ram heh kin ram a i hnak hikti tia nio khai um lo i ciaman kin ram tiin ko hlah hang sing ih.  Kin ram Burma ai thil pawl tu kawlram tangka, kawlram mi, kawlram president etc tiin ko leh thio la la i sing hmm mmm mi in khai kin ling pang ai khaw a thupnio in kin hnisan dek tu na khaw. Cia man in hlanlai kin pi pu leh nu le pa pawl in kin ram Burma heh Kawlram tiin a ko ta in khai kin santhar mino pawl in tu kin ram or kin Burmami pawl tu tiin ko dun a hang sing ih tiin ning sawm ing.