Tumtah

Tumtah nei pha


                   Pathian in minung leh ziang hmuah hmuah bawn tih ling ing. Keimah khei minung pakhat in I bawn ve i. Nu leh pa u leh nau sungkhat, cen in leh lo pawl khei keimah tawk nio in mi bang i lo in khei famkhim ngai in I pe ve i. Inapuikhaw mi bang in ke pha I pe lo i.

Inupuikhaw tunnia tiang normal ngai in I lo nung ve hnel hno lai i. Inapui ke in vak ben cuang lai lo ing. Na rimsu pawl per thil lo ing, inapuikhaw minung dang te bang in a hiam, a ûr leh a cuk pawl ling ve pah ing.

I insang te pawl in tlawngkai I hiam hnak ling man sizuangvaitheu leh rimsu ngaiin thlawng I tauh i, inapuikhaw inhnen te in I rel sia i.

Tunah tu buaihnak nei lo hang ing I vak ben lo hnak vum ah. Kut leh ke in a bawn ben ve lo hnak tam ngai bawn thil hang ing. Inapuikhaw minung te tu kin ti ben lo hnak pawl ian kin hmu sah de i.

Keimah nio in khua I ruat hnak I uham fang politic lamah feh tuh leh ing.

I inhnen te in I hnih san i. I nu leh pa a lungsia sio i, inapuikhaw um dun ngeu ing minister cang leh tuh ing tiin. Ling hlen ing minister naper heh naper pha ngai tih. Minister pakhat cang tuh hnak ah kut leh ke him sio kul fek fek lo i.