Nunghing ei kin kul tuh

Heang nunghing (insects) kin ti hnak pawl heh kin hmailam can ah tu rawngmeh in hmang tuh hang i sing tin EU commission pawl in lo rel i. Cancinbumi lam pang pawl in insects pangang nunghing pawl a vul tu swedes mi Hans Visser hnenah zawt hnak bawn awng ai  he pa in he bang nung hing pawl heh a in hnia thilri dah hmun ah lo vul bial ai a rel dan ah kum 20 lai vul zo ing tin rel i. He nunghing pawl heh thil a phun phun ah hmang in zuar ai a tlangpui in tu ramsate hrang in zuar de i. Mipui tamtak in he bang nunghing pawl heh vul tuh lo hang in nawr tlang napui thil cuang lo i.

Hans in a rel dan he bang nunghing pawl heh university tlawng ti bang ah khei lo zuar de ing tin rel ai, a ni tein hamburger ah lo rawi de ai i napui tlawngta naupang tamtak in ngawn ei tuh in um lo ing tin ti i, he nunghing pangang pawl heh protein pha ngai i kin minung pawl hrang ah tin rel fawm i.

Heang nunghing pangang pawl heh thlaihnah thlairah or sa pawl tahhnak in rauh ngai in a man bai tuh i tin rel i.  He kin leilungvum ah minung billion 7 lai um kin i hang man ei in tuh kin harsa ai khaw sa leh thlaihnah thlairah har te te tuh man kinmah minung te in he heh mawhphur hnak sang ber nei i sing ai minung pawl thil a phun phun ei hiam hnak thinlung nei a sing khaw, cia canah tu he nunghing pawl heh protein le um man le bai man in ei kin kul teng teng leh tuh i tin rel i. He nunghing pawl heh sa pangai thawn a ur dan bang sio pa i ai invulh ransa pawl thawn bawngdun mualmo i tin rel i.

 
Hebang nung hing ei heh ram farah Asia khuamual lam pawl ah tu thilmak ze i hang lo ai, kin te pawl tu rulsa le ei pangang leh nunghing a phun phun mom le ei ciaman kin hrang ah tu thil mak ze i hang lo, napui he mirang pawl hrang ah tu thil hrangsa thah ngai i ai inapuikhaw ei kul tuh leh pah i.

He nunghing pawl heh 2020 dung in ei pan tuh hang in um tlang i tehkhinhnak in fastfood ti bang in e maw.