Samtawk

 Evangelist leh RK

Minung kin talent leh kin uar zawng  kin intersting zawng ah tu aisu aisu khai kinmah tawk nio ah kin ca sio i. Minung pakhat ah thiam hnak leh lingthiam thei cuang ce hnak pofim tu nei sio ten i sing he heh Pathian in kin mah hrang liau liau in kin pe hnak i, aisu in khai kin thiam bang in thiam lo ai, kin thiam hnak bang thiah thiah in thiam tu aisu khai um tuh lo i he leilungvum ah.

Laimi te heh kin farah ngai napuikhaw kin bawngpha hnak tu a nung Pathian kin bia hnak heh a sunglawi ze in kin bawngpha ze hleihlawr in hmu ing, cia tih lo selai tu suah man nei lo pit tawp miphun i tuh i sing tin um ing. Kin ram heh Asia khuamual ah um i bang in Kawl kut sungah rei ze um i tuh i sing, kin mizia leh kin thinlung, mi kin pawn dan, mi hmai ah kin tlangleng dan, kin khung vat dan, mifim leh mivoi kin pawn dan heang pawl heh sik le sing khaw kin hnam te nau ze hleihlawr lai i tih dak ngai de i. Kawl pawl in rauh ze in kin uk neh zo i hang ti tu pheh pha um lo i hang. A ngai ngai tifang in Laimi kin unua pawl India ai um Mizo pawl sik le singkhaw uar um ngai ngai de i, a ni te pawl tu (Vai) Indian mizia leh thinlung nei ve lo ai Mizo thinglung thiang nio nei ngeu de i, he heh kin Laimi pawl ai kin mizia dik tak leh kin um tuh dan dik tak sawn i.

Mi heh kin hnak in thiam sawn deuh le khaw Saya tin ko dun vut vo de i sing he dan heh zir lo hram kin pha i. Short cut zawng in veikhat ah crusade hmun ah feh ve ing khaw, Evan pakhat thu rel hnak ngai tuh in ciatin sun ah zir hnak in zanah sermons hnak thawn kin hiam ngai de i. Pathian thu lam ah khai tha zang ngah ngai phah ing. Ciatin nel dun ngai i ing. Sunday zing veikhat tu rawng ei tlang i ing ai Pastor te nupa leh a mah Evan leh midang mi pa 5 dung thawn. Cabuai ah tu – arsa, voksa, kawlpawsa, arti, phak si meh, ngasa leh thlaihnah phunkim in khim ngai i a meh khai meh cawk lo i ing, cia tin rual rual in samtawk pum 5 dung khai um ngeu ve i, kin ling cia bang pah in mirang ram lam ah tu samtawk heh hmu pha um lo law law i ai, mirang ram rel ma hang India rori sung ah khai um lo i hang. 

Ciatin rawng tu ei tlang i hang ing. Kin ka khei ur ngai i, thu nuam rel tlang in. Cia lak ah cabuai lai ai samtawk tu Evan pa in lang kiau ai a pakan ham ah dah in a mah lek in lo kial muk mo ai ur ngat law law in....... Minung pawl kin daih ber hnak tu a um hmun lo ai thil um leh kum rei ngai ei awng lo hnak ei sal he heh kin thil cak hnak ber i. (khaini um lo hmun ram in India or Malaysia ai khaini or kuber cah)....  Ciatin samtawk tu kin mit in en tlang dek i ing, kin ei cak tlang tuh dan tu ruat tu men ma hang :-)

 

Evan pa samtawk a ei hnak tu sik hlen ing, Pastor pawl leh midang pawl in khai ir tlang bik bik i. Pum 2 ei kio zo pum 3 leh tang hang, ei ning hiam ve awm tih kin ti tuh hmel dak lo ze man- kei tuar lo hmaisawng lo nio in tho tur to in samtawk pakhat tu lang ingkhaw i to hmun ah to sal in kei ve buk bo ve ing, a kum tawr leh cheng in i ei lo hnua, i ei sal hnak i man a ur dan heh tunnia tiang i lei ah ling hlen de lai ing. Cia mi hnua in tu Evan pa khai a hmaisawng i tuh i, ei su ning duh ve pa? Tin midang pawl zawt ai, aisu in khai kei i duh ti ngam tu um lo hang i. Ziang man in maw? Aw e samtawp in pa 2 lek tang ang hang e minung le pasarih lai mmm napui nupuinu pakhat khei ei cak ve ze i tuh i keimah in i duh ti ve ciaman a ni khai  a liam cia kum 10 lai liam hnua samtawk a veikhat ei sal hnak can ngah sal i. 

Minung heh fimthiam kin kul i Evan, Pastor, Rev, ti um lovin mi lakah nun dan mawi zir kin kul i, Lai lam bang in mi upa pawl in sa pha pha le a ngek ngek ei in, in tek pawl intu a fe a bang ei hebang heh minung dan a i in i lo i, . Pathian naper pui pui kin i ta bet fang tu kin ei, kin sil tuh hnak pawl in midang pe in ei ruai hmang ruai thiam sawn kin kul i. Bawi Zisu in sang pahnih leh nga panga a pung ruai fang a mah in khei in ei ve ti um lo i.