Leivum ai upa ber te pahnih

Nupang tar ber

Japan mi Misao Okawa in tun law law se ah leilungvum ai nupang san sau ber tiin world record ngah i 2014 ah.

Zarh tlawm lai a liam hnua ah he nu in Guinness World Record hnak in leivum nupang nung rei ber tiin certificate pe i. He tih bang in i nun sau tuh i tih heh um dun ben lo napui hetih bang in i nun sau hnak ah i ang ngai i tin rel i. He Okawa heh march 5 fang a kum 115 a khim hnak khaih Japanese ram nursing home tihnak Osaka khua ah puai sunglawi ngaiin bawn sah i. He puai ah Okawa in a duh ber hnak Sushi ei tlang in puai bawn i.

Okawa in march 5- 1898 fang suak hnak i ai cen 1919 fang pasal nei ai a pasal thawn fa pathum nei kawm i, a fate pahnih tu tunah kum 90 dung hmang ve teng i hang ciami a fate pahnih khai nung lai i.

He Okawa in tu pali nei ai tusin paruk nei i. A kum heh upa ngai hang napui a nun cak ngai lai i, inapui a kum 102 fang a khuk heh lo hnawm aung i.



Pasal tar ber

India mi Premsai Patel ti hnak pa tu a mah ve ve heh leivum ah upa ber ing tiin ti dun i. He pa heh a ID card ai bang in i le khaw kum 1896 may 11 ah suak i, ciami umzia tu tunah kum 118 khim i hang. ( keimah I um dan menma in ngawn vai pawl thu ngawn sang thil lo ing :P)

He pa heh thingtlang khuate nio ah a insang rual ngai thawn um tlang i ai tunnia tiang ur hnak leh hrisel lo hnak nei lai ing ti dun i. Cen tunnia tiang a ke in vak ben lai i ai a man can fang in Hindu scripture siar de lai i.

Mi te in ziangman in a nun sau i ni tiin zawt de le khaw, rawng phittalu ei de ing ti i (vegetable leh pee (pulses) ei de ing ti i. He pa heh sa leh nga ti bang pawl ei aung bul lo i.