About

Pages

Monday, September 21, 2015

Ziangman in mirang pawl Khristian hiam lo i

Khristian hiam lo hnak

Leilungvum ai Christian pawl heh a pan hmun tu Bawi Jesuh a thi hnua kum tam ngai fang Rome (Italy) pawl heh Christian mi ah cang ai ciatin Rome acozah kuthnia ai um pawl tu alulu nio in Chirstian dan ah Rome te in lut ruai sio i. (Chirstian tin miin a ko hmasaber hmun tu - Hnuahlunpawl - 11:26 Antiok ai hnauhlunpawl khiah Khristian tiin ko hmasaber i. Hemi Hnuahlunpawl san lai ah Rome pawl le Greekmi pawl heh Khristian ah lut tam ngai i tin Bible ah hmu thil i sing. Ciatin Rome tu a ram ukhnak cak te te ai Christian khai karh zai sin sin le France pawl khai first centure BC dung fang tu Christian ah lo cang sio aung i.

Cen North lam ah heh kum 1100 dung fang Franch leh British pawl in Khristian biak hnak heh kawih hnak i. Cia bang can lai tu mipui te in Biakinn heh a phathei ang ber in sa de i.
Mipui pawl in hotu khiah hril de ai, biakinn in thu leh ana nei ngai de i. Mipui pawl in thenharthenkhat khiah  biakinn ah pe de i. Cia hlei ah Rome ai um Pope hnenah khai tax pe kul de i yiangman ti fang Catholic kut hnia ah um man in i (tunnia tiang kin ram ai Catholic pawl tu Pope hnenah tax pe de lai i) Cia tin biakhnak tu lian te te ai thu nei te te i hang. Sangbawi or Pope te in biakin ah thil (tangka) tam pui pui pe tu ih ning thi fang vanram ah kai tuh i si ih tin ti man milianpawl leh mithupui ngai ngai pawl tu biakinn ah tangka le thildang tam pui pui pe de i, ciabang pe ben pawl tu sangbawi le pope te ai daihsakhnak co cuang ce de i.

Cia san lai ah biakhnak heh thunei ngai i. Zing a tho fang sawngen de, cen zanlam fang khai sawngen, rawng ei ben fang khai Pathian hmunah ang hnak thu rel de i. A sawnngen hnak pawl tu Jesuh hnen lek ah ngen lo in Mary hnenah khai ngen kul de i. Nipuinia ah a teng teng in mipui veksen naper lo in biakinn ah feh kul de i. He mi Catholic dan heh nasa ngai in thunei ai mipui pawl a thi fang khai pastor or sangbawi te lek in vui thil aung de i.
Hlanlai ah North lam pawl Khristian a i hlan ah tu lung le thingkung dung dung bia ve ai puai khai thingkung, ruah, ni tiin puai heh a phun phun nei ai inapui Khristian a i hnua tu Jesuh a suak nia leh a thi a tho etc heang pawl lek puai ah hmang tam hang i.

Ciaman Mirang hrekkhat tam tak tu Khristian biakhnak heh dan lo ze i tin ti de i biakinn in yiang hmuah hmuah control sio, cia bak ah heang biak hnak tu Rome biakhnak i tin ti tu tam khai roh i ciaman in mirang pawl heh Khristian hiam lo tam ngai i.

0 comments:

Post a Comment

 
Design by Free WordPress Themes | Bloggerized by Lasantha - Premium Blogger Themes | cheap international calls