Thufim khanpui 1

Note: He Thufim lai cianghlim pawl heh Zaam Ro Lian @ Ku Ku, USA, Midland ai um in ngan hnak sio i a veksen in. Thufim  bung a veksen in khim nio in siar thil sio hang i si.
A siar tu ning veksen vum ah pa Pathian in fim hnak leh nun dan mawi hnak tam puiin ning lo pe tu hram seh tiin daihsakhnak sangber ning hlan ing.

Nu Le Pa Sualhnaak Raalring Tu

I fapa, I fiimhnaak le I linhnaak te phatak in ngaai tu lai phatak
in ngaaisung tu.
2 Cia fangin kontih in ziaza pha nai thil tuh ing ti
ling nga si, Na ponkam in na thu linhnaak khiah laar ruai tuh ii.
3 Nupang dauzal awkaa heh khoiti bangin hlum tuh ii, A ponkam khiah olif
thau bangin naal tuh ii.
4 Inapui ai a tawpkhum ah tu A kha le harsahnaak leek hlum tuh ii.
5 Amah in mithi khua ah na zuk duuk tlap ngaai khaw, A hluun hnaak lam khung khiah thihhnaak lamkhung ii.
6 Nunhnaak lampui ah um loin vaaivaak ai, Zai cang ii ti khai ling duun lo ii.
7 I fapa, I thu ngaai tu lai, I reel hnaak thu zaikom in khai lo hai mah.
8 Cia bang nupang khiah cang tu; A dawngkhaam hiang ah rin lo vaak mah.
9 Cang hlah le sikhaw na naih sa upathnaak khiah Mi in na sut tuh ai mi ninghio nai lo kut in, Na nauta laai pah thi tuh ii si.
10 Mi phundang tein na naih le siah na sut tuh ai, Na nihlawh khiah
misam in ngah tuh ii.
11 Na thi dawn fangin na kam riat nga sikhaw, Na
ti le sa te zur in rom tuh zianzo ii.
12 Cia fangin, “Zaimaan in zir ta lo ing? Zaimaan in thu I cuuk hnaak zainam lo in um I pa ing?
13 I cuuktu te thu hluun lo ing. I reeltu te zai inkhai nam fawn lo ing.
14 Ciamaan in rinlopui mi hmaai ah Zakthih tuar ing, tiin ti leh tuh ii si.
15 Na nupui kongcung ah kuung in um tu lai, Amah pakhat leek iit tu.
16 Asam nupang ai na cawi sah hnaak faa te in, Na phathnaak zaikhai
bawn tuh lo ii.
17 Na faa te na bawm tuh in hon khang tuh ii, Mi phundang te’n na bawm tuh lo ii.
18 Ciamaan in na nauta laai ah na nupui kongcung ah aang tu, A kongcung ah aang tu lai thinnuam tu.
19 Amah khiah kiho nu bangin mawi ai daihkuul ii. A daihkuul hnaak in na
aang ruai tuh ai, A iithnaak in na zeel tuh ii.
20 I fapa, zaimaan in nupang sam daih ii si? Zaimaan in mi nupui mawi hnaak khiah daih sawn
ii si?
21 Bawipa in na bawn hnaak zongzong hmu sek ii. Na feh hmun
caang ah na siik ii.
22 Mi siava te sualhnaak heh thang tawi hnaak
bang ii, A tawi hnaak suurthang ah mi te awk ii.
23 Amah veve kilkhawl duun ben lo maan in thi ii, A voi ze hnaak in hlaankua ah hleng tuh ii.

Read more »

Thufim khanpui 2

Fiim Man

2 I fapa, na cuuk ing cia zir tu lai, Na bawn ruai ing cia na thin
songah khawi tu.
2 Fiimhnaak heh zai ii ti ngaai tu lai, Ling thil tuh in na thinlung thawn zuam tu.
3 Ii ee, hmuhnaak le linhnaak te khiah ngeen ai, Thil lingthilhhnaak caa khai kuun le sikhaw;
4 Nguun bangin ngah na hiam ai, Hlawnthil thup hnaak bangin sii le sikhaw;
5 Bawipa kihzah heh zai ii ti le Pathian ling heh zai ii ti ling thil tuh i si.
6 Fiimhnaak petu heh Bawipa ii ai, Amah hnen an thulinhnaak le
lingthilhnaak hleng ii.
7 Mi dikcang te le lungtluang te khiah bawm ai Khaak in ber ii.
8 Misam te kongcung ai thil mawi bawntu te khaakber ai Amah iittu te khiah kiil ii.
9 I thu I ngaai le sikhaw zaitu heh dik, mawi, cang ii ti le I bawn
tuh hnaak zai ii ti ling thil tuh ii si.
10 Fiimhnaak na thin songah
tlum tuh ai, Hmuh le linhnaak in na aang ruai tuh ii.
11 Na fiim le na lingthilhnaak in na khaakber tuh ai,
12 Thil pha lo bawn tuh na kham
tuh ii. Pong phalo hmang ai mi hnok ruaitu lak an na kiil tuh ii.
13 Cia tein khuathim song um hiam in lamcang khiah hlum ii;
14 Thil phalo bawn khiah amah te hiamhnaak ii ai, Thilkhelh bawn fangin aang de ii.
15 Ring tuh lo le, san tuh lo hnaak mihing te ii.
16 Kaa naal dengdo ai na zawltu nupang phalo hnen an na o tuh ii.
17 Cia nu tu a pasal hnen ai kuung lotu le, Pathian hnen ai a thutiam zainam lotu ii.
18 A inn ah feh le sikhaw thihhnaak lamkhung hluuntu I hang si.
19 A hnen ai fehtu heh aisu khai let nawn lo ii. Nunhnaak lampui tawk nawn lo ii.
20 Cia ii maan in mipha te lampui khiah hluun
tu lai Mi dikcang te nung bangin nung tu.
21 Mi dikcang le mipha te tu he laivum ah um tuh ii.
22 Ikhalselai mi phalo te tu cia ram ah Pathian in hnawn tuh ai, A hnuk pah phaai tuh sek ii.

Read more »

Thufim khanpui 3

Tlangvaal Te Tiamhnaak

3 I fapa, na zirh ing cia te lo hai mah, Bawn na ruai ing cia te hih tu hleen.
2 I thu cuukhnaak in san sauhnaak le nunnuamhnaak na pe tuh ii.
3 Nunkuunghnaak le rinkuul na ihnaak in zaikom khai na hlum mah
seh. Na hawng ah velh tu lai na thin ah ngaan tu.
4 Ciabang in bawn lesikhaw, Pathian hmaai le mihing te hmaai ah hmaaiphahnaak le
thangphathnaak ngah tuh ii si.
5 Bawipa khiah na thinlung veeksen in ring tu. Na ruah hnak le na linhnaak te ring mah.
6 Na bawn hnaak caang ah Pathian hih tu hleen, Amah in lamkhung cang na hmuh tuh ii.
7 I fiim bang paam tiin ruat mah; Bawipa thu hluun tu lai, sualhnaak khiah hlum tu.
8 Cia bangin bawn lesikhaw, sii pha bang cang tuh ai, Na hmaihma le na uur na lawm tuh ii.
9 Bawipa khiah na sum le saw le, na rong tharhmuasaber thawn thangphat tu.
10 Cia bangin bawn lesikhaw, na been ah rong dim tuh ai, Na cabitti beel ah cabit thar leet tuh
tliatlo ii.
11 I fapa, Bawipa thutiamhnaak khiah zainamlo in um mah, Na hau fangin
na thin uur in zaangtaak mah.
12 Zaimaan in tifangin, pa in a iithnaak
a faa te hriing ai cuuk bangin, Bawipa in a iithnaak te thu cuuk de ii.
13 Fiimhnaak naitu te khiah mi hmuifu ii, Lingthilhnaak nai te
khai mi hmuifu ii.
14 Fiimhnaak heh nguun tahin man sawn ii, Sui tahin mankhung sawn ii.
15 Fiimhnaak heh lungvaar tahin mankhung sawn ai,Thil sam thawn teh thilh lo ii.
16 Fiimhnaak in san sauhnaak, naihhnaak le zuulhnaak na pe ii.
17 A lamkhung heh nunnuamhnaak lampui ii ai, A lam hluun in kin him ruai ii.
18 Fiimhnaak nai te khiah aang ii. Fiimhnaak in nunhnaak pe ii.
19 Bawipa in a fiimhnaak thawn laipua bawn ai, A thulinhnaak thawn
vaan kho ruai ii.
20 A fiimhnaak in ruun ti zuu ruai ai, Lai vum ah ruahsi tuh in mairo um ruai ii.
21 I fapa, na fiimhnaak le na thu lingthilhnaak khiah kho in awh tu
tio, Zaikom in khai na hnen an tlaan ruai mah, Ciate in nunhnaak na pe tuh ii;
22 Na rauhla caa ah nun hnaak ii tuh ai, Na hawng caa in mawi hnak cang tuh ii.
23 Lampui dunghluun ah himniu in feh thil nga
sikhaw, Bah khai na bah tuh lo ii.
24 Zaan na it fangin na lau tuh lo ai Muang ngaai in zaanvaar mitmu tuh ii si.
25 Mi phalo te kongcung ah
khuahusia bang ai hnawphnaak hleng fangin, Zai khai thin na cawl tuh lo ii.
26 Bawipa in him le cak niu in na kilkhawl tuh ai, Thang tawi
hnaak songah na tlok ruai tuh lo ii.
27 A kuul le a sam te kongcung ah na bawn thai tawp in thilpha bawn tu.
28 Na innhneen khiah a tuun fefo
ai bawm thil thai hnaak ilekhaw thaaininghla tian iang mah.
29 Nangmah na ring ai na hiang ai umtu na innhneen kongcung ah harsahnaak bawn
tum mah.
30 Na kongcung ai hnawmcanhnaak bawn awng lotu khiah hau mah.
31 Mi lellawk thai khiah lo ot mah. Amah bang ai bawn tuh ngaaisung mah.
32 Zaimaan in ii ti fangin, Bawipa in thil phalo bawn te ningdul ai, Mi dikcang te khaakber ii.
33 Bawipa in mi phalo te inn khiah awrsiat ai, Mi dikcang te inn khiah hmuifu pe ii.
34 Mi zainam lo te khiah zai khai nam ve lo ai, Hniatacuh te kongcung ah a iithnak laar
ruai ii.
35 Mifiim te in zuulhnaak le songlawihnaak ngah tuh ai, Lungmutlawm te’n tu zakthihpha leek co tuh ii.

Read more »

Thufim khanpui 4

Fiimhnaak Ai Hnempuihnaak

4 I faa te, pa te ai ning cuuk hnaak phatak in lo ngaai tu ih lai,
Lingthilhnaak nai thai tuh in lo hih tu ih.
2 Ning cuuk ing cia heh a
pha ii manin hih tu tio ih.
3 I nu le I pa fapa naihlam ing ai, I
nauta laai pah,
4 I pa in thu I tiam ii, “I reel hnaak thu khiah hih
tu tio lai, Zaikom in khai hai mah. I reel bangin bawn tu lai na nung
ngaai.
5 Fiimhnaak le lingfianhnaak lang tu lai, I reel hnaak thu
zainam loin zaangtaak mah.
6 Fiimhnaak khiah hlum tlap mah lai na kiil
tuh ii, Iit tu lai, na him ruai tuh ii.
7 Fiimhnaak nai heh na bawn
thil hnaak thil thupui ber ii, Zai sam na nai tah in fiimhnaak nai tu
sawn.
8 Fiimhnaak daihtu lai na hon do tuh ii, Kho in awh tu tio lai
zuulhnaak na pe tuh ii.
9 Amah khiah na lu vum ai Songlawihnaak papaar
lukhip mawi ii tuh ii.”
10 I fapa, I thu ngaai tu, I reel hnaak rohpui in ruat tu lai na nun
na sau tuh ii.
11 Nuncan pha na hmuh zo ing, Fiimhnaak te khai na cuuk
zo ing.
12 Fiim niu in feh lesikhaw na lampui zai in khai na khaak tuh
lo ai, Na dawp fangin na bah tuh lo ii.
13 Na zir hnaak te pom kho tu
lai, Phatak in kilkhawl tu. Na nunhnaak ii.
14 Mi phalo te feh hmun ah
feh mah; Mi taktaailo te nuncan lo cuung mah.
15 Bawn puipa mah! Mi
phalo te hnen an tlaan tu lai, Pial tu lai feh tu zianzo.
16 Misual te
tu thil phalo zaital bawn lo fangin mitmu thil lo ii. Mi pakhat teng
tuahmawh hlah lekhaw mitmu thil lo ii.
17 Sualhnaak khiah sanghum
bangin ai ii; Mi tuahmawhhnaak khiah zu bangin ding ii.
18 Ikhalselai mipha te lampui khiah ziingkhuan an sun tian vaar aam
aam khuavaar bang ii.
19 Mi phalo te lampui tu zaan khuathim bang ii,
Zai ber fon ai kin bah ti khai ling lo ii.
20 I fapa, I reel hnaak thu phatak in ngaai tu, I pong hnaak hluun tu.
21 Na hnen an zaikom inkhai paai ruai puipa mah, Hih tu tio lai na
thin songah khawi tu.
22 A lingthiltu zongzong caa nunhnaak ii ai, A
hmutu caa cakhnaak ii.
23 Khuaruat fangin raalring tu, Zaimaan in
tifangin na khuaruah in na nun na rem sah ii.
24 A dik lo thu zaikhai
reel mah, Pon khelh le thudon te reel mah.
25 Hlaanlam cangniu in siik
tu lai muang roh in vaak tu; Zakthi in na lukhup suk mah.
26 Na bawn
tuh hnaak hlaanvom in khuakhangtu, Ciatih ai na bawn hnaak te heh bawn
ben tuh zianzo ii si.
27 Thil phalo khiah cang tu lai hlaanlam ah a
cang in feh tu, Lampui dik an kal khat khai tliar mah.

Read more »

Thufim khanpui 5

Nu Le Pa Sualhnaak Raalring Tu

5 I fapa, I fiimhnaak le I linhnaak te phatak in ngaai tu lai phatak in ngaaisung tu.
2 Cia fangin kontih in ziaza pha nai thil tuh ing ti ling nga si, Na ponkam in na thu linhnaak khiah laar ruai tuh ii.
3 Nupang dauzal awkaa heh khoiti bangin hlum tuh ii, A ponkam khiah olif thau bangin naal tuh ii.
4 Inapui ai a tawpkhum ah tu A kha le harsahnaak leek hlum tuh ii.
5 Amah in mithi khua ah na zuk duuk tlap ngaai khaw, A hluun hnaak lam khung khiah thihhnaak lamkhung ii.
6 Nunhnaak lampui ah um loin vaaivaak ai, Zai cang ii ti khai ling duun lo ii.
7 I fapa, I thu ngaai tu lai, I reel hnaak thu zaikom in khai lo hai mah.
8 Cia bang nupang khiah cang tu; A dawngkhaam hiang ah rin lo vaak mah.
9 Cang hlah le sikhaw na naih sa upathnaak khiah Mi in na sut tuh ai mi ninghio nai lo kut in, Na nauta laai pah thi tuh ii si.
10 Mi phundang tein na naih le siah na sut tuh ai, Na nihlawh khiah misam in ngah tuh ii.
11 Na thi dawn fangin na kam riat nga sikhaw, Na ti le sa te zur in rom tuh zianzo ii.
12 Cia fangin, “Zaimaan in zir ta lo ing? Zaimaan in thu I cuuk hnaak zainam lo in um I pa ing?
13 I cuuktu te thu hluun lo ing. I reeltu te zai inkhai nam fawn lo ing.
14 Ciamaan in rinlopui mi hmaai ah Zakthih tuar ing, tiin ti leh tuh ii si.
15 Na nupui kongcung ah kuung in um tu lai, Amah pakhat leek iit tu.
16 Asam nupang ai na cawi sah hnaak faa te in, Na phathnaak zaikhai bawn tuh lo ii.
17 Na faa te na bawm tuh in hon khang tuh ii, Mi phundang te’n na bawm tuh lo ii.
18 Ciamaan in na nauta laai ah na nupui kongcung ah aang tu, A kongcung ah aang tu lai thinnuam tu.
19 Amah khiah kiho nu bangin mawi ai daihkuul ii. A daihkuul hnaak in na aang ruai tuh ai, A iithnaak in na zeel tuh ii.
20 I fapa, zaimaan in nupang sam daih ii si? Zaimaan in mi nupui mawi hnaak khiah daih sawn ii si? 21 Bawipa in na bawn hnaak zongzong hmu sek ii. Na feh hmun caang ah na siik ii.
22 Mi siava te sualhnaak heh thang tawi hnaak bang ii, A tawi hnaak suurthang ah mi te awk ii.
23 Amah veve kilkhawl duun ben lo maan in thi ii, A voi ze hnaak in hlaankua ah hleng tuh ii.  

Read more »

Thufim khanpui 6

Thufiim 6 : 1 - 35  
            
Raalrintuh A Hincaang
 
6:1 I fapa, mi pakhat khat ai laiba hnaak ah, thu lo kam awng aw sim?
2 Na ponkam in na tawi ngah ai, Na thukhaamhnaak in na awk ii awm? 3 Ciatih ilekhaw I fapa, cia pa kut ah um ii si ai, Hetih bang ian in thang ri hawk thil tuh ii si. A hnen ah rang roh in feh tu lai, suak tuh in ngeen tu.
4 Mitmu in com meenma mah.
5 Sadawi kut songan vaaniu le kiho suak teu bangin Thang an suak tuh tum tu.
6 Thazawng te in sirsing khiah siik tu seh. Sirsing nuncan siik in zir tu seh.
7 A ni te in tu, hoitu bawi le uktu nai lo ii.
8 Ikhalselai khaal teng ah rong khawl ai Khuasik cuu caa ringcia ii.
9 Thazawngpa tu zai cam tian mitmu tuh ii laai? Zaikom in tho tuh ii ni? 10 Amah in tu, “Cam khat zau rih ngaang, Cam khat niu kut sih in com rih ngaang,” ti ii.
11 Ikhalselai, a mitmu teng ah farahhnaak tawk tuh ii; Vaang hmuh in ruko ai a thilri sut tuartupa bangin Samhial in um tuh ii.
12 Zaitlaak lo le mi siava te tu Thudon tuh in khuaha vaak de ii.
13 Mit na khiap tuh ai kut na zah tuh ii.
14 Cia bangin thin siava hnaak thawn phatlohnaak thu reel ai, Hmun cang ah harsahnaak suak ruai ii.
15 Ciamaan in amah te kongcung ah harsahnaak hleng vut ngaai khaw, Thithai tian in maa tuar tuh ii.
16 Bawipa cim hnaak thil paruk um ii, A ningdul hnaak pasarih um ii.
17 Hngal mithmaai, Thudon reel tu lai, Mawhnailo reektu kut,
18 Thusia leek ruattu thinlung, Thilsual bawn tuh zuanzangtu ke,
19 Thudon ree ai thulingpuitu ihnaak, Suahpui unau lakai harsahnaak suak ruaitu te ii.
     Nu Le Pa Sualhnaak Raalring Tuh
20 I fapa, na pa reel hnaak bangin bawn tu lai, Na nu cuukhnaak zaikom in khai hai mah.
21 Amah te reel hnaak thu te hih tu tio lai, Na thin ah khum tu.
22 Khual na sii fangin na cuuk cia thu te in kong na hoi tuh ai, Zaan fangin na kilkhawl tuh ai, sun fangin ruahhnaak na pe tuh ii.
23 Na cuukhnaak thu te khiah vaar tuh tio ai, Amah te thu cuukhnaak in na nundaan na zirh tuh ii.
24 Nupang phalo le mipui te zawlhnaak an na khaak na hup tuh ii.
25 Na thin in amah te mawihnaak iir mah, Mit khiap hnaak in na zawl mah seh.
26 Mi pakhat in tisazuarnu khiah, Sang hlom khat man thawn zawng thil ii, I khalselai, mi nupui, mi pasal thawn sualhnaak in tu, A naih hnaak thi zongzong lek zolo in a nunhnaak tian bo ruai tuh sek ii.
27 Na pon kaang lo niu in na kaang ah mai dah thil aw sim?
28 Na ke kaang lo niu in mailing vum ah vaak thil aw sim?
29 Cia bangpah in, mi nupui ihpui heh laukuul roh ii, A ihpuitu aisu khai reem tuar tuh ii.
30 Riikaam ai rong rutu khiah mi in zohsuam cel lo ii,
31 Ikhalselai pom ngah lio lekhaw a let letsarih ruul tuh ai, A naih hnaak zongzong khiah pe tuh ii.
32 Ikhalselai mi nupui sualpuitu heh khuaruah nai lo lungmutlawm ii. Amah veve hnawmcan duun ii.
33 Cawhkuan an tuh ai a hming sia tuh ii; Kumzaangza zakthih phur tuh ii.
34 Pasal in a nupui khiah umhlah lekhaw Roh bik in haa tuh ai a phuusukhnaak khiah dap nawn lo ii.
35 Zai bang ai luut inkhai a thin dap ruai thil lo ii.

Read more »

Thufim khanpui 7

7 I fapa, I reel hnaak lo hih tu tio lai, Bawn tuh ai na ruai ing cia
hai mah.
2 I reel hnaak bangin bawn tu lai na nung tuh ii, I
thucuukhnaak te khiah na mitmu bangin kilkhawl tu.
3 Na cuuk ing cia
te hih tu tio lai, Na thin songah ngaan tu.
4 Fiimhnaak heh I farnu ti
tu lai, Lingthilhnaak khiah I rualpui phaber ii si, tiin ti tu.
5 Mi
nupui le mi zawlthai pong thiam nupang an na hup tuh ii.
Nupang Sual
6 Vai khat ah I inn kotka an sumpua hliir ingkhaw,
7 Khuaruah nai lo
naupang te lakah, Lungmu nai deuh lo tlangvaal pakhat hmu ing.
8 Amah
khiah nupang phalo umhmun inn lampui lamah feh ii.
9 Zaanlam khuathim
hnua ah ii.
10 Cia le, nupang phalo in lo caang ii. Cia nupang tu
tisazuarnu bangin thilthuam vong ii.
11 Amah heh mi pangam le zakthih
nailo nupang ii, inn taang lo ai vaak tio de ai,
12 Vai khatkhat ah
lampui ah, ihlahlekhaw, lam ning le thil zuar hmun ah ding ai
tlangvaal bawh de ii.
13 Cia tlangvaal khiah kuah ai thuut ii; zakthi
loin siik ai,
14 “Tuun nia hibawl ing ai, hibawlhnaak sa khai nai ing.
15 Ciamaan in na sii tuh in, inn an suak ingkhaw tuun in na tawk hang
ing.
16 I khuahluan ah Izipt vopon mawi roh phah zo ing.
17 I khuahluan khiah mura le aloe rimhmui phiah zo ing.
18 Kawi tu lai,zaan vaar nuamhnaak ah niat duun nga sing, Kuah duun in nuam kawm nga
sing.
19 I pasal inn ah um lo ii, Ram hlapui ah khualsi ii.
20 Tangka dipdim in keng ta khaw, Hla thuul hlaan lo tu tlung tuh lo ii,” tiin ti ii.
21 Daihkuul a ponkam hlum niu in zawl ngah ai, A mi lawm
thiamhnaak in hoi teu ii. 22 Kawlpaw cang in a reh tuh hmun lam hluur bangin,
23 Cankiang ai kah tuh kiho ai thang a rah bangin, Cia nupang
khiah hluun ii. Vaaniu heh thang ah to ngah bangin A nunhnaak caa
laukuul ii ti linglo ii.
24 Cia iimanin I fapa te, ngaai tu ih. I reel hnaak thu phatak in ruat tu ih.
25 Cia bang nupang phalo lam ah ning thin nong ruai mah ih, A hnua khai hluun mah ih.
26 Amah maan in pasal tampui hnawm ai thi zo ii.
27 A inn ah feh lesikhaw mithi khua feh thawn ning bang ii hang,
Thihhnaak horkuam thawn bang duun ii.

Read more »

Thufim khanpui 8

Fiimhnaak Thangphat

8 Ngaai tu! Fiimhnaak in na ko ii, Lingthilhnaak khiah au hnelhno ii.
2 Lamkhung hiang ai mual phundiir vum ah le, Lam kheek ah ding ai,
3 Khuapui tlum hmun kawldawng ah au ai,
4 “Mihing te, ning ngeen ing, Laivum um mi zongzong ning ko ing.
5 Ruathnaak lam ai puikim laailo te, puikim tuh in zir tu ih.
Lungmutlawm te, khuaruah pha zir tu ih.
6 A pha hlaihlawr I thu te ngaai tu ih, I reel hnaak heh dik ii.
7 I reel hnaak heh thutak ii. Thudon heh I cim hnaak ber ii.
8 I kaa an suak hnaak thu zongzong heh dik ii, Mi khelh ruai hnaak le
diklo um lo ii.
9 Lingthiltu te caa tu fian sek ai, Fiimhnaak hmutu te caa ah dik sek ii.
10 Tangka tah in ning ruai ing cia riil tu sawn ih, Sui phaber tah in
fiimhnaak riil tu sawn ih.
11 “Kai heh fiimhnaak ing ai, lungvaar tah in pha sawn ing, Na daih
hnaak zai thawn khai saanteh thil tuh lo ii si.
12 Kai heh fiimhnaak ing ai, lingthilhnaak khai nai ing. Linhnaak le
thukhan thilhnaak nai ing.
13 Bawipa kihzah heh sualhnaak cim ii hang. Hngal le puar, lamkhung
sual te, pong diklo te cim ing.
14 Khuakhan bawntumhnaak nai ing khaw bawn pet sek ing, Lingthilhnaak
nai ai I haat ii.
15 Ram uk naper ah kumpibawi te bawn ing, Ram ukhnaak daan pha bawn
tuh in uktu te bawm ing,
16 Laivum ai ram uktu te, ram napertu te le, Ukhnaak lam ai upa te
hmuah khiah kaimah bawm hnaak thawn ram uk ii.
17 I iitu te iit ing, I siitu in I tawk tuh ii.
18 Naihhnaak le hmingthanghnaak nai ing, Sum le saw nai ing ai mi nai nung ing.
19 I hnen an na ngah hnaak te tu, A pha ber sui le nguun tahin pha sawn ii.
20 Dikcanghnaak lampui ah feh ing, Lampui dik khiah hluun ing.
21 I iittu te khiah nai ruai ai, Amah te inn heh hlawnthil thawn dim
ing. 22 “Bawipa in he hlaanlaai ai a thil bawn hnaak lakah, Kaimah I
bawn hmasaber ii.
23 Laipua seem hlaan ah kaimah heh hmasaber ai bawn hnaak ii.
24 Tipuithuanthum le ruunpui te um hlaan ah I suak zo ii.
25 Mual le tlaang te um hlaan ah, I suak zo ii.
26 Laipua le ram te le kut zawi dim laivut a bawn hlaan ah Pathian in
I bawn zo ii.
27 Vaan a bawn teng le tipuithuanthum a bawn tengah um zo ing.
28 Mairo te vaan ah hon dah tengah ii seh, Tipuithuanthum tihnaar te a
um ruai tengah ii seh;
29 Tipui te a puut hmun tah ai saang sawn ah kaai tuh lo thu pe teng
ah um zo ing. Laipuapui a ham toh tengah khai um ing.
30 Naupang bangin a hiang ah um ing, Nisiar ai a aanghnaak heh kaimah
ing, A hmaai ah I aang tuh tio ii.
31 Laivumpui le a vum um mihing te kongcung ah, Thin I khim ii.
32 I faa te, I reel hnaak thu ngaai tu ih. I reel hnaak bangin bawn tu
ih lai ning nung ngaai.
33 Ning cuuk ing cia ngaai tu ih lai, fiim tu ih, I thu zainam lo in um mah ih.
34 I thu ngaai ai nisiar I dawngkhaam hiang ah um ai, Inn song I tlum
tuh lo iangtu khiah aang tuh ii.
35 Kaimah I hmutu in nunhnaak ngah tuh ai, A kongcung ah Bawipa aang tuh ii.
36 Kaimah I tawk lotu heh amah nunhnaak hnawmcantu ii ai, I huatu heh
a thi hiamtu ii.

Read more »

Thufim khanpui 9

Fiimhnaak Le Voi-hnaak

9 Fiimhnaak in a inn sa zo ai, a khuam pasarih bir ii.
2 Puai bawn
hnaak ah sum-aar ro ii, A cabitti ah rimhmui rawi ai cabuai khai pharh
zo ii.
3 Khua laaiteng ai hmun saangber an khua sap tuh in A nupang
omhlawh te hlat ai,
4 “Khuaruah tem deuh te zongzong heta ah kawi tu
ih,” tiin sap ii. Mivoi deuh te hnen ah,
5 “Kawi tu ihlai I sanghum ai
tu ih, I roihsa cabitti ding tu ih.
6 Voi hnaak hlum tu ihlai, nung tu
ih. Fiimhnaak lampui hluun tu ih,” tiin ti ii.
7 Mi hngalpa thu cuuk le sikhaw zoh na suam tuh so ii. Mi phalo
mawhhluuk lesikhaw maa liam tuh ii si.
8 Mi hngal te zaikom inkhai thu
cuuk mah, Cuuk lesikhaw na cim tuh ii. Ikhalselai mifiim thu cuuk
lesikhaw na zuul tuh ii.
9 Mifiim thu cuuk tu lai fiim tuh aam ii; Mi
dikcang thu cuuk tu, a thiamhnaak tam tuh aam ii.
10 Pathian kihzah heh fiim hampanhnaak ii. Cianghlim Pathian ling
lesikhaw lingthilhnaak nai ii si.
11 Fiimhnaak in san na sau ruai tuh
ii. 12 Fiimhnaak nai lesikhaw hnempuihnaak na pe tuh ii, Fiimhnaak
hnawl lesikhaw harsahnaak tuartu ii tuh ii si.
13 Voi hnaak heh a kaa tam ai khuaruah zaikhai nai lo ii, Zakthih
nailo, nupang pongtam bang ii.
14 A inn dawngkhaam ah to ii;
Ihlahlekhaw khua laaiteng hmun saang ber ah to ai,
15 Mah naper ruat
kong ai lam vaak te khiah,
16 “Khuaruah nailo te, he lam ah kawi tu
ih,” tiin ti ii. Mivoipa hnen ah,
17 “Ruuk hnaak tidap heh hlum
caangce ii, Ruuk hnaak sanghum heh uur deuh ii,” ti ii.
18 A inn ai
fehtu te thi sek ai, A inn song tlum ben zo te in tu, Mithi khua
thuukpui ah um ii ing ti ling tlaang lo ii.

Read more »

Thufim khanpui 10

Solomon Thufiim

10 Hete heh Solomon thufiim ii. Fapa fiim in a pa aang ruai ii; Fapa
voi in a nu thasia ruai ii.
2 A dik lo pui ai na ngahhnaak in phathnaak na pe tuh lo ii.
Ikhalselai, dikcanghnaak in na nunhnaak na o tuh ii.
3 Bawipa in mipha te rikaam ai um tuh siang lo ii.
4 Thazawng hnaak in farahhnaak suak ruai ii, Thakol hnaak in naihhnaak
suak ruai ii.
5 Rongkhawm cuu ai, rong khawmtu heh mifiim ii, Rong khawm cuu ai
mitmutu khiah zakthih kuul ii.
6 Mipha in hmuifu dong tuh ii; Mi phalo pa ai ponkam in a phatlohnaak
nundaan thup ii.
7 Mi pha te hih tio heh hmuifu ii, Ikhalselai mi phalo te hming tu mi
in hai rang tuh ii.
8 Mifiim te in khuaruah pha pe hnaak saang ii, Mivoi pongtam te tu
hnawmcanhnaak ah hleng tuh ii.
9 Mi dikcang te tu cak ai muang ii, Ikhalselai mi dikcanglo te tu mi
in ling tuh ii.
10 Thudik thuptu in harhnaak suak ruai ii, Ikhalselai zapui lin ai mi
sawitu in remhnaak suak ruai ii.
11 Mipha pa ai ponkam khiah nunhnaak cirhti ii, Ikhalselai mi phalo
ponkam in phatlohnaak nuncan thup ii.
12 Cimhnaak in remlohnaak suak ruai ii, Ikhalselai iithnaak in
mawhhnaak zongzong hlat sah ii.
13 Mifiim in suullam nai pong ii, Ikhalselai mivoi te tu cawh kuul ii.
14 Mifiim in fiimhnaak khawl ii, Ikhalselai mivoi te ponkam khiah
harsahnaak thawn hla lo ii.
15 Naihhnaak in minai te khaakber ii, Farahhnaak in mi farah te hnawmcan ii.
16 Phathnaak bawnman khiah nunhnaak ii, Ikhalselai sualhnaak in tu
sual aam aam tuh in mi hoi ii.
17 Thu reel hnaak ngaaitu te nung tuh ii, Ikhalselai I mawh ii ti nuam
lotu caa laukuul ii.
18 A thup niu ai mi cim naitu khiah thudon reel te ii, Mi hmingsiahnak
reeltu te heh mivoi ii.
19 Tam deuh pong lesikhaw tam deuh khelh tuh ii si, Mifiim ilesikhaw,
na pon suup tu.
20 Mipha pa ponkam heh nguun phaber bang ii, Mi phalo pa khuaruah tu
man nai lo ii.
21 Mi pha pa ponkam in mi tampui hnempui ruai ii. Ikhalselai na voi
hnaak in nangmah veve reek duun thai ii si.
22 Bawipa hmuifu khiah na lian ruaitu ii, Naper tampui na perhnaak in
na lian rui hluan lo ii.
23 Thilsual bawn heh nuam titu khiah mivoi ii. Mifiim te tu fiimhnaak
songah aang ii.
24 Mi dikcang te in amah te daihhnaak ngah ii, Ikhalselai mi phalo
tein amah te lau ber hnaak tawk ii.
25 Khuahu zuang fangin mi phalo te laan tuh sek ii, Ikhalselai mi
dikcang te tu him tuh ii.
26 Na napertu tuh in thazawng te lang mah, Lang lesikhaw na kam caa ah
cabit thuur bang ii tuh ii; Na mit caa ah maikhu bang ii tuh ii.
27 Bawipa thu hluun tu, na san na sau tuh ii. Mi phalo te tu thih cuu
hlaan pah thi de ii.
28 Mi pha te ai uumhnaak in aangpha um ruai ii, Mi phalo te ai
uumhnaak tu thulovaang ii.
29 Bawipa in mi dikcangte khaak in ber ii, Ikhalselai thil phalo
bawntu te khiah hnawmcan ii.
30 Mi dikcaang te tu him tuh tio ii, Ikhalselai mi phalo te tu ram
songah umhmun nai tuh lo ii.
31 Mi dikcang te in fiim thu reel ii, Ikhalselai mi phalo te lai khiah
cem leh tuh ii.
32 Mi dikcang te’n tu reel tuh thu mawi nai ii, Ikhalselai mi phalo
te’n tu hawmcanhnaak thu loleek reel de ii.

Read more »

Thufim khanpui 11

11 Cuai hmaanlo hmangtu te khiah Bawipa in cim ii, Ikhalselai cuailung
hmaan te aan ii.
2 A hngal te in mi zohsuam tawk tuh ii, Ciamaanin, hniatacuh pha sawn ii.
3 Mi pha khiah dikcanghnaak in kong hoi ii, Santlaaklo te tu amah te
dikcanglo hnaak in hnawmcan ii.
4 Thih niakhua hleng fangin naihhnaak heh hnempui lo ii. Ikhalselai
dikcanghnaak in na nunhnaak na o thil tuh ii.
5 Dikcanghnaak in mi pha pa nunhnaak nuam ruai ii. Ikhalselai mi phalo
te tu, amah te phatlohnaak in amah te nunhnaak sawn ruai ii.
6 Dikcanghnaak in mi dikcang luat ruai ii, Ikhalselai santlaaklo tu, a
pamhaphnaak in awk ii hang.
7 Mi phalo pa thi fangin amah uumhnaak khai thi fawm ii. Naihhnaak
ringtu khaih zaikhai hnempui lo ii.
8 Mi dikcang te tu harsahnaak song in o ai, Mi phalo te hnen sawn ah
harsahnaak hleng ii.
9 Pathian zainam lotu te ponkam in hnawm na can thai ii, Ikhalselai mi
dikcang te fiimhnaak in na o thai ii.
10 Mi dikcang te bawngphathnak tawk fangin khuapui in aang ii, Mi
phalo thi fangin aang ai au tlaang ii.
11 Mi dikcang te in hmuifu pe fangin khua heh hon khang ii, Ikhalselai
mi phalo te ponkam in khua hnawm ruai ii.
12 Mi zohsuamhnaak ponkam hmangtu khiah mivoi ii, Na fiim lekhaw na pon suup tu.
13 Kaatam te’n thuthup phuang de ii, Ikhalselai ringtlaak te in tu thup ben ii.
14 Konghoihnaak um hlah lekhaw ram hnawm ii, Khuaruah pha petu tam
hmun ah himhnaak um ii.
15 Na ling awng lo hnaak pa caa laiba ruul sah lesikhaw, na sir leh
tuh ii. Paaipawh hlah silai na caa pha sawn ii.
16 Mi ngaiharthai nupang khiah mi in zuul ii, Ikhalselai ziaza pha nai
lo nu heh zakthih kuul ii.
Thazawng in sum le saw nai tuh awng lo ii, Ikhalselai thakol te khiah
lian tuh ii.
17 Mi ninghiothai ilesikhaw nangmah veve hmaaipha pe duun ii si, Mi
ninghio nai lo ilesikhaw, nangmah veve hnawmcan duun ii si.
18 Mi phalo tein hnempuihnaak taktak tawk thil lo ii, Ikhalselai
thildik bawn lesikhaw perman ngah tuh fefo ii si.
19 Aisu khai phathnaak bawn tuh ngaaisungtu khiah nung tuh ii,
Ikhalselai phatlohnaak bawn tiotu aisu khai thi tuh ii.
20 Bawipa in thinlung pha lo te cim ii, Ikhalselai thildik bawntu te daih ii.
21 Mi phalo te khiah reem ii tuh ii ti fian ii, Ikhalselai mi dikcang
te luat tuh ii.
22 Mawi roh napui, khuaruah thiam lo nupang khiah, Vok hnaar ai sui
vuh sah bang ii.
23 Mipha te daihhnaak in phathnaak suahpui de ii, Mi phalo te in amah
te daihhnaak ngah fangin mi zongzong thinraw ii.
24 Mi haatlam te tu siang roh in tangka mi pe khalselai, nai aamaam
ii, Mi sam te in suup khalselai farah aamaam ii.
25 Siang in nung tu lai nai tuh ii si, Mi bawm tu lai, mi in na bawm tuh ve ii.
26 A man khang iang ai rong zuar sianglotu khiah mi in awrsiat ii,
Ikhalselai a zuar siangtu khiah mi in aan ii.
27 Na bawntumhnaak pha lekhaw mi in na zuul tuh ii, Ikhalselai
harsahnaak sii lesikhaw tawk tuh ii si.
28 Naihhnaak ringtu te khiah khuakhaal thing hnah bangin tlok tuh ii,
Ikhalselai mi dikcang te tu tlim bangin hing tuh hleen ii.
29 A innsaang ai harsahnaak hleng ruaitu khiah, A tawpkhum ah zaikhai
nai tuh lo ii.
Lungmutlawm te khiah mifiim te omhlawh ii tuh tio ii.
30 Dikcanghnaak ai a thai khaih nunhnaak ii, Ikhalselai phatlohnaak in
nunhnaak paai ruai ii.
31 Mi pha tein laivum ah phat man co lekhaw, Mi phalo le misual tein
zaizah cawhkuan ngah ngaai ti heh fian ii.

Read more »

Thufim khanpui 12

12 Fiimhnaak daihtu te sual khelh fangin thu reel daih ii.
Thureelhnaak daih lotu tu lungmutlawm ii.
2 Bawipa in mi pha te lawm ii, Ikhalselai phatlohnaak bawn tuh reeltu
te hnawl ii.
3 Phatlohnak in mi khaakber lo ii, Ikhalselai mi dikcang te tu kho roh
in ding ii.
4 Nupui pha tu a pasal sui lukhuk ii, Ikhalselai a pasal zakthi ruaitu
nupui khiah, A ruh song ai khensar uurhnaak bang ii.
5 Mi dikcang in tu thintluang niu in mi kom ii, Mi phalo te in tu mi
zawl tuh leek ruat ii.
6 Mi phalo te ponkam tu mi reek tuh hnaak thu ii, Ikhalselai midik te
ponkam in mi o ii.
7 Mi phalo te tu thihhnaak tawk ai cii hmit ii, Ikhalselai mi dikcang
te innkua khiah kho ngaai in um ii.
8 Mifiim ilesikhaw mi in na lawm tuh ii, Thinlung pha lo ilesikhaw mi
in zoh na suam ngaai.
9 Mah nunhnaak caa naa per beetbotu mizaran ii tuh khiah, Mi thupui
roh bang ai um bawn ai riikaam tah in pha sawn ii.
10 Mi pha te in a sumhnam kilkhawl ii, Ikhalselai mi phalo te in amah
te sumhnam ninghio lo ii.
11 Thakol lovaaipa in aihtuh tampui nai ii, Ikhalselai zai hnempuilo
naa per ai a cuu bo ruaitu khiah mivoi ii.
12 Mi phalo te daih hnaak thil tu thil phalo bawn tuh sii khiah ii
hang, Ikhalselai mi dikcang te tu kho roh in ding ii.
13 Mi phalo tu amah ponkam in awk ii, Ikhalselai mi pha pa tu
harsahnaak an amah thu luat ruai duun ii.
14 Na reel hnaak le na bawn hnaak ah na ngah tuh um ii. Nangmah caca
in ngah tuh ii si.
15 Lungmutlawm te in kin dik ii tiin ruat duun tio de ii, Mifiim te in
tu mi khuaruah pehnaak saang ii.
16 Lungmutlawm te in a thinrawhnaak laar ruai vual ii, Mifiim in tu,
mi zohsuamhnaak rin dapniu in tuar ii.
17 Thudik na reel maan in dikcanghnaak laar ruai ii. Ikhalselai thudon
in thudiklo lam ah mi hoi ii.
18 Khuaruah nai cel lo ponkam in vaangsau sun hnaak bangin thuuk roh
in mi sun ii, Ikhalselai mifiim ponkam in hmaihma lawm ruai ii.
19 Thu don heh a san com ii, Ikhalselai thudik tu kumzaangza kho ii.
20 Phatlohnaak bawn tuh thureeltu khiah amah veve zawl tu ii,
Ikhalselai daphnaak remreeltu te hnenah aanghnaak um ii.
21 Mi dikcang te kongcung ah thil phalo hleng lo ii, Ikhalselai mi
phalo te in tu harsahnaak leek tawk ii.
22 Bawipa in thudon reel tu te ciim ii, Ikhalselai mi dikcang tu aan ii.
23 Mifiim te in a linhnaak thup ii, Ikhalselai lungmutlawm te in tu, a
voi hnaak laar ruai de ii.
24 Na naper haathnaak in huthawm na pe tuh ai, Thazawnghnaak in sal na
can tuh ii.
25 Thincawlhnaak in na aanghnaak hnawn tuh teu ii, Ikhalselai
iithnaak, ngaihharhnaak ponkam in thazaang na pe tuh ii.
26 Mi dikcang pa khiah rualpui konghoitu ii, Ikhalselai mi phalo pa
lampui in rualpui te lam khelh ruai ii.
27 Tha na zawng lekhaw na sii hnaak ngah tuh awng lo ii si, Inapui ai,
tha na kol lekhaw na lian tuh ii.
28 Dikcanghnaak khiah nunhnaak lampui ii; Phatlohnaak tu thihhnak lampui ii.

Read more »

Thufim khanpui 13

13 Fapa fiim in a pa in thu reel fangin ngaai ii, Ikhalselai mipuar in
tu sual peu ing ti awng lo ii.
2 Mi pha in a ponkam thai ai tuh ii, Ikhalselai mi zawlthai te in
phatlohnaak leek caak ii.
3 Na reel hnaak raalring tu lai, na nunhnaak hup tu. Raalring lo ai
pongtu khiah amah veve hnawmcan duun ii.
4 Thazawng in a thin song an thil daih roh de ii; Ikhalselai, zaikhai
ngah hluan lo ii. Naper khung per tu in a daihhnaak caang ngah tuh ii.
5 Mi dik te in tu thu diklo cim ii. Ikhalselai mi phalo ponkam te tu
zakthihkuul le ningdulkuul ii.
6 Dikcanghnaak in mawhnailo te khaakber ii, Phatlohnaak heh misual te
tluhnaak ii.
7 Mi haatlam tu minai bangin um ii, Ikhalselai zaikhai nai lo ii; Mi
haatlam tu farah bangin um ii, Ikhalselai thilri tampui nai ii.
8 Minai in amah te nunhnaak tlanhnaak tuh tangka hman pha nai ii,
Ikhalselai mi farah khiah aisu in khai reek tum lo ii.
9 Mi dikcang te vaarhnaak heh a vaar aam bang ii, Mi phalo te mai-inn
tu dit leh tuh vual ii.
10 Puarhnaak in tu harsahnaak leek suah ii, Misam te ruahhnaak ngeen
heh phasawn ii.
11 Baai niu ai na ngah hnaak na thilnaih heh zaicamlo pah paai ruai
tuh ii si. Harsa roh ai na hlawh hnaak tu rai roh na tha tuh ii.
12 Uumhnaak ngah lo fangin thin uur ii, Ikhalselai daihhnaak khim
lekhaw nun heh aanghnaak thawn khim ii.
13 Thureel hnaak thu zainam lotu te khiah, Amah te veve hnawmcan duun
tuh ii. Thureel hnaak hluuntu te him tuh ii.
14 Mifiim te cuukhnaak heh nunhnaak cirhti ii, Na nunhnaak kihkuul
song ai a um fangin, Ciami te in na luat ruai tuh ii.
15 Fiimhnaak in zuulhnaak hlawh ii, Ikhalselai sangtlaaklo te tu
hnophnaak lamkhung hluun ii.
16 Mifiim te tu, thil bawn hlaan ah khua ruat de ii, Ikhalselai
lungmutlawm te in tu, a voi hnaak sawn phuang ii.
17 Ringtlaak lo khuasaptu te in harsahnaak hleng ruai ii, Ikhalselai
ringtlaak nalaang te in tu daphnaak suak ruai ii.
18 Thureelhnaak hluunlo heh farah hnaak le mualpho hnaak ii,
Ikhalselai thureelhnaak hluuntu in zuulhnaak ngah tuh ii.
19 Mah daihhnaak ngah heh zaizah in pha ii, Lungmutlawm te in tu,
phatlohnaak an letleh tuh nuam lo ii.
20 Mifiim te kom tu lai na fiim tuh ii, Lungmutlawm kom lesikhaw harsa
tawk tuh ii si.
21 Misual te khiah harsahnaak in konzongha ah hluun ii, Ikhalselai mi
dikcang te tu phathnaak laksawng co tuh ii.
22 Mi pha in a tu le a faa tian a naihhnaak ro siah tuh ii, Ikhalselai
misual te naihhnaak tu midik te kut ah hleng tuh ii.
23 Vaai lo hnaak lo song an farah te caa rong tampui suak tuh napui
ai, A cang ai thu reel lo mihing te’n vaai siang lo ii.
24 Na fapa hriing hlahlesikhaw, iit lo ii si. Iit lesikhaw thu cuuk tuh ii si.
25 Mi dikcang te in aihpha rong nai ii, Ikhalselai mi phalo te tu a
rii kaam tuh tio ii.

Read more »

Thufim khanpui 14

14 Nupang fiim te in a umhmun inn sa ii, Ikhalselai a voi te in, amah
te kut lala in bal sek ii.
2 Misam te in Bawipa kihzah ii, Ikhalselai mi awkrawl te in tu zainam lo ii.
3 Mivoi hngal in tam ze pong ai Mifiim pa ai ponkam in amah khiah hup ii.
4 Napertu tuh kawlpaw cang te um lo fangin Na been kawlawng tuh ii,
Ikhalselai kawlpaw cang te thazaang in rong tampui suah tuh ii.
5 Rintlaak thulingpuitu in thudik reel de ii. Ikhalselai rintlaaklo in
tu thudon leek reel ii.
6 Mi puar te tu mifiim cang thil lo ii, Ikhalselai mifiim te in tu
baai niu in thu zir ii.
7 Mivoi hiang ah um mah, Na zirh pha zai khai nai lo ii.
8 Zaimaan in mifiim te fiim ii ni? Zai bawn tuh ing ti ling maan in
fiim ii. Zaimaan in mivoi te voi ii? Ling ing ti ai vuah duun maan in
ii.
9 Mivoi te tu sual in khai zai poi lo ii, Ikhalselai mi pha in tu
sualhlat zo hnaak ii tuh khiah daih ii.
10 Na aanghnaak heh nangmah ai ii, Na thasiahnaak khai nangmah ai ii;
Aisu in khai na naih bawm ve lo ii.
11 Mi phalopa inn khiah hnawm sek hnua ah rin mipha pa inn tu kho tuh hleen ii.
12 Lampui dik ti ai ruat hnaak in thihhnaak ah kong na hoi tuh ii.
13 Hnihhnaak aw in thasiahnaak aw khum thil ii, Ikhalselai aanghnaak
bo fangin, Thasiahnaak taang tuh hleen ii.
14 Mi phalo te’n phatlohnaak man ngah tuh ai, Mi pha in phatman ngah tuh ii.
15 Khuaruah tem tein a linghnaak zongzong sang ii, 16 Mifiim te in tu
ralring in um ai phatlohnaak khiah cang ii, Ikhalselai lungmutlawm in
tu raalring loin a rang in thil bawn de ii.
17 Mi thincom te tu voi hlawh in thil bawn de ii, Ikhalselai mifiim
deuh te tu hniatacuh in um ii.
18 Khuaruah tem te in voi man ngah tuh ii, Ikhalselai mifiim te in tu
fiim man ah fiimthiamhnaak ngah tuh ii.
19 Miphalo te khiah mipha te hmaaiah lu kuun in, mithmaai pha ngah duh
in ninghio ngeen ii.
20 Mi farah te khiah innhneen tein rin cang ii, Ikhalselai minai in
rualpui tampui nai ii.
21 Aang na hiam lekhaw mi farah ninghio tu. Mi zohsuam heh sualhnak ii.
22 Phathnaak caa thu reel lesikhaw, Mi in na um ngaai khaw na zuul tuh
ii. Ikhalselai phatlohnaak caa thu reel heh khelhhnaak ii.
23 Naper khung per tu lai cawm duun ben tuh ii si, To kong ai pong li
meenma khiah farah hnaak ii. 24 Mifiim te khaih naihhnaak laksawng pe
tuh ii. Ikhalselai mivoi te tu amah te voi hnaak in lin thilh ii.
25 Thudik reel thulingpuitu in nunhnaak o tuh ii, Ikhalselai thudon
reeltu khiah mi zuartu ii.
26 Pathian kihzahhnaak in pasal pakhat le a innkua te hnen ah, Mah
veve umduunhnaak le himhnak pe ii.
27 Thihhnaak an luat na hiam awm? Bawipa kihzah heh nunhnaak cirhti ii.
28 Kumpibawi ai a hu le thawm khiah, A ukhnaak tam le tem thu ah um
ii. A ukhnaak um lo fangin amah leek tu zaikhai ilo ii.
29 Dapniu in um lesikhaw mifiim ii si, Ikhalselai thin na com lekhaw
na voi laar ruai ii si.
30 Thin daphnaak in tisa cak ruai ii, Ikhalselai iirsihhnaak tu
khensar bang ii.
31 Mi farah te reem lesikhaw, Mi farah bawntu Pathian zohsuam ii si.
Ikhalselai farah ninghiotu khiah Pathian kihzahtu ii.
32 Mi phalo te tu amah te bawnhnaak thilphalo in hnophnaak ah hleng
ruai ii. Ikhalselai mi pha te tu, amah te dikcanghnaak in o ii.
33 Fiimhnaak heh mifiim te thinlung ah um ai, Mivoi te thin songah
umhmun nai lo ii.
34 Dikcanghnaak in miphun hon do ii, Sualhnaak in miphun mualpho ruai ii.
35 Kumpibawiin naper kuung te aan ii, Ikhalselai a kuung lo ai naa per
te cawh ii.

Read more »

Thufim khanpui 15

15 Awka neem ai mi sawnhnaak in thinraw dap ruai ii, Ikhalselai pong
ho in thinrawhnaak suak ruai ii. 2 Mifiim te lai in fiimhnaak zaai
ruai ii, Mivoi te kaa in voi hnaak suak ruai ii.
3 Bawipa in hmun caang ai thilcanghnaak hmuah hmu sek ii, Phathnaak
kin bawn fangin ii seh, siathnak kin bawn fangin ii seh, Kin siik
hleen ii.
4 Ninghiohnaak ponkam in thinlung nung ruai leh ii, Ikhalselai
ninghiohnaak tel lo ponkam in tu thin khoi ruai ii.
5 Pa thucuukhnaak eeltu khiah mivoi ii, Thucuukhnaak saangtu khiah mifiim ii.
6 Mi dikcang tein a sum le saw khawl ii, Ikhalselai mi phalo in tu
harsa hleng fangin lo hmang sek zo hang ii.
7 Mifiim te maan in fiimhnaak pungzaai ii, Mivoi te maan ai pungzaai
hnaak ilo ii.
8 Mi pha te sawngeen fangin Pathian aang ii, Ikhalselai mi phalo te
hibawlhnaak khiah ningdul ii.
9 Mi phalo te thil bawn daan heh Bawipa in cim ii, Ikhalselai thil
dikcang bawntu te iit ii.
10 Thil khelh bawn lesikhaw rohngaai in cawhkuan tuar tuh ii si,
Thucuukhnaak na daih hlah lekhaw na thi tuh ii.
11 Mithi khua ai um te khai Bawipa in hmu sek ii, A kontih in, mihing
in a khuaruah khiah Pathian hmaai an thup thil tuh ii?
12 Mi hngal tein thu cuuk daih lo ii, Mifiim te ruahhnaak khai zawt awng lo ii.
13 Mihing tu aang fangin mithmaai zal ii, Ikhalselai thasia fangin a
thin nau ii.
14 Mifiim te in zir hiam ii, Ikhalselai lungmutlawm te in tu, amah te
voi hnaak thawn lungkhim ii.
15 Mi farah te tu thin rimsu in um tio ii, Mi aang te tu nun nuam tio ii.
16 Bawipa kih kong ai temniu nai heh, Lian ai thincawl tio tah in pha sawn ii.
17 Iithnaak te kawm anhnah le anthai ai heh, Cim duun hmun ai sa uur
ber ai tah in uur sawn ii.
18 Thincomhnaak in hauhnaak suahpui ii, Ikhalselai thinfualhnaak in
remhnaak hleng ruai ii.
19 Thazawng lesikhaw hmun caang ah harsa tawk tuh ii si, Mi dikcang
ilesikhaw harsahnaak nai tuh lo ii si.
20 Fapa fiim in a pa aang ruai ii, Lungmutlawm dian in a nu zohsuam ii.
21 Lungmutlawm te tu amah te voi hnaak ah thin nuam ii, Ikhalselai
mifiim in tu dikcanghnaak bawn tuh ii.
22 Ruahhnaak tam deuh mi hnen an na lang caang in hlawh na tling tuh
ii, Ciatih ai ilo fangin tu hlawh na sam tuh tio ii.
23 A niakhua thawn caang duun ai pong ngah khiah zaizah in pha ii.
24 Mifiim tu thihhnaak lam ah zuk feh lo in, Nunhnaak lamkhung ah hon feh ii.
25 Bawipa in mihngal te inn bal sah tuh ii, Ikhalselai hmaitong thilri
khiah kiil sah tuh ii.
26 Bawipa in khuaruah phalo te cim ii, Ikhalselai remhnaak ponkam ah aang ii.
27 Dikcang lo ai hnempuihnak ngah tum lesikhaw, Na innkua buai ruai
tuh ii si. Nawhthuh ai mah lai san na sau tuh ii.
28 Mi pha te’n tu mi thu sawn hlaan ah khua ruat hmasa ii, Mi pha lo
te’n tu rang roh in sawn de ai thuhnok suak ruai ii.
29 Mi pha te sawngeen fangin Bawipa in ngaai sah ii, Ikhalselai mi
phalo te sawngeenhnaak khiah hnawl ii.
30 Mithmaai pha in mi aang ruai ii, Cen thuthang pha in ruh song tian
cakhnaak pe ii.
31 Thureelhnaak phatak in hluun lesikhaw mifiim ii si.
32 Zirhtuh eel lesikhaw nangmah veve zainam lo ii si. Thucuukhnaak
saang lesikhaw na fiim deuh tuh ii.
33 Bawipa kihzah khiah fiim zirh hnaak ii, Zuulhnaak ngah thai tuh in
hniatacuh hmasa tu.

Read more »

Thufim khanpui 16

16 Mihing in bawntumhnaak ruat tuh ii, Ikhalselai a tawphnaak ai
thunaitu khiah Pathian ii.
2 Na bawn hnaak zongzong khiah pha sek ii tiin ruat tuh ii si,
Ikhalselai Bawipa in tu thin song lam siik sawn ii.
3 Na bawnhnaak zongzong Bawipa hnenah pe tu lai, Na thu ruathnaak ah
hlawh na tling tuh ii.
4 Bawipa in thil zongzong khiah a bothai in bawn ii, Ciabang in mi
phalo ai a bohnaak khiah hnawmcanhnaak ii.
5 Bawipa in mi hngal te cim ii, Ciabang te tu a cawhkuan an luat ruai tuh lo ii.
6 Pathian hnenah kuung roh le ringtlaak in um tu lai, na sualhnaak na
hlat sah ngaai. Bawipa thu ngaai tu lai, na kongcung ah phatlohnaak
hleng tuh lo ii.
7 Bawipa aang ruai lesikhaw na raal te rin, Na rualpui ah bawn thil tuh ii si.
8 A diklo pui ai tangka tampui nai tah in, A dikcang niu ai hlawh
hnaak tangka temniu nai pha sawn ii.
9 Thuruahhnaak nai tuh peu ii si, Ikhalselai na bawnhnaak ah kong na
hoitu khiah Pathian ii.
10 Kumpibawi in Pathian huthawm thawn thu reel ii. Amah suahpui hnaak
thu te khiah dik tio ii.
11 Cuai le thil tehhnaak te khiah Pathian in dikniu in bawn hiam ii,
Zuar hnaak zongzong khai dikcang ai zuar daih ii.
12 Phatlohnaak bawn heh kumpibawi te in daih lo ii, Zaimaan in ii
tifangin, uk kho ruaitu khiah dikcanghnaak ii.
13 Kumpibawi in thudik ling hiam ai, Thudik reeltu khiah hmaaipha pe tuh ii.
14 Mifiim in kumpibawi aang ruai caai ii, Kumpibawi raw lekhaw pakhat
khat thi thai meen ii.
15 Kumpibawi mithmaai pha fangin nunhnaak um ii, A ninghiohnaak khiah
khaal ruah phurtu mairo bang ii.
16 Fiimhnaak heh sui tah in pha sawn ii, Lingthilhnaak heh nguun tah
ai riil tuh hnaak ii.
17 Mi pha te in, phatlohnaak pialtu lamkhung hluun ii, Ciamaan in kon
lam hluur ing ti phatak in siik tu. Na nunhnaak na o thil tuh ii.
18 Hngalhnaak in hnawmhnaak hleng ruai ii, Tluangkhawnghnaak in
khupsukhnaak hleng ruai ii.
19 Farah niu ai hniatacuh ai nung heh, Mi hngal te kom ai a thil
ruhnaak ping ve tah in pha sawn ii.
20 Na cuukhnaak phatak in hluun tu lai hlawh na tling tuh ii, Bawipa
ringtu lai na aang tuh ii.
21 Lungmu fiim te heh thil thia thiamtu ii, Awkaa hlum in mi zeel thai ii.
22 Mifiim te caa fiimhnaak heh nunhnaak cirhti ii, Ikhalselai
lungmutlawm fiim cuuk tum khiah a cuu bo lak meenma ii.
23 Mifiim te in pong hlaan ah khua ruat ii, Ciamaan in a ponghnaak heh
a tha haat ii.
24 Ninghiohnaak ponkam khiah khoiti bang ii, Kaa songah hlum ai,
nuncakhnaak caa pha ii.
25 Lam dik ii ti ai na ruah hnaak khiah, Thihhnaak na hlenpuitu lampui
ii thai zeel ii.
26 Napertu khiah a rong caak hnaak in naa tam deuh per ruai ii,
Zaimaan tifangin a rikaamhnaak khiah riam ruai nuam ii.
27 Mi phalo tein tu, mi te harsahnaak pe tuh in lamkhung sii ii, Amah
te ponkam in rin mi kaang ii.
28 Mi phalo tein siatdunhnaak zaai ruai ii, Harsahnaak suak ruai ai,
rualpui pha te rin kheek ruai ii.
29 Mi thinsalpa tein a rualpui te zawl ai, Siathnaak lam ah hoi ii.
30 Mit na khiap le kaa na lihtu te raalring tu, Zaimaan in tifangin
phatlohnaak khuaruattu ii.
31 Sansauhnaak heh mi dikcang te ngah vo ii, Puakpaar heh
songlawihnaak lukhuk ii.
32 Thinfual khiah thahaat tah in pha sawn ii, Khualian khua uk ben tah
in, mah veve uk ben khiah a pha sawn ii.
33 Pathian bawntumhnaak ling tuh in camfung duuk ii, Ikhalselai a
thusawnhnaak tu amah Pathian in lo reel ii.

Read more »

Thufim khanpui 17

17 Remduunlo inn ai puai sim tah in, Thin dap niu ai tawhkhing khal
khat ai pha sawn ii.
2 Sal fiim in a bawipa fapa zaitlaaklo kongcung ah Thu nai ngaai khaw
ro haatlam khai co tuh ve ii.
3 Sui le nguun te heh mai in cuul ii, Mihing thinlung tu Bawipa in cuul ii.
4 Mi phalo tein khuaruah phalo hluun ai, Thudon tein thudon thu khiah ngaai ii.
5 Farah zohsuam lesikhaw a seemruaitu Pathian zohsuam ii si, Mi
bawngsia tawk fangin iim lesikhaw cawh tuar tuh ii si.
6 Hausa te bawi lukhuk khiah a tu le a faa te ii hang, Naupang te
songlawi ruai hnaak tu, a nu le a pa ii.
7 Zuul tlaak tein thu don lo ii, Lungmutlawm te in hnempui hnaak thu
reel tuh nai lo ii.
8 Mi haatlam in nawhthuh heh mitkher bangin sinsa thil tuh in ruat ii,
Zaizongza bawn thil tuh in um ii.
9 Mi in I iit sehlai ti na daih lekhaw, Mawh fangin a mawhhnaak hlat
sah tu; Mawhhnaak hih sah tio fangin rualpui thawn kheek thai ii.
10 Mivoi vai zakhat viit tah in, Mifiim vai kkhat hau hnaak in hlenben sawn ii.
11 Harhnaak suak ruai tio mi phalo te hnenah, Thihhnaak khiah zualkotu
bangin hlat ii tuh ii.
12 A faa sut hnaak vompui tawk heh, Mivoi naper hnokli teng tawk tah
in pha sawn ii.
13 Phathnaak khiah phatlohnaak thawn ruultu khiah, Phatlohnaak a inn
an suak tuh lo ii.
14 Hauhnaak pan heh tizu khamtu keh ngom thawn bang ii, Tawng duun
hlaan ah com tu.
15 Mawhlo te mawhhluuk ai mi phalo te mawhlo ai bawn heh, Bawipa cim hnaak ii.
16 Mivoi fiim zirhhnaak tuh ai tangka tampui hmang heh zai hnempui pa?
Zaimaan in tifangin, fiim tuh hluan lo ii.
17 Rualpui pha in iithnaak laar ruai tio ii, Harsa fang ai kin bawm
duun lo fangin u le nau ihnaak zai hnem pa hang?
18 Khuaruah nailo mivoi ian in mi laiba hnaak caa thu lo khaam ii.
19 Sualhnaak daih heh harsahnaak bawn nuam ii. Tluangkhawng hnelhno
lesikhaw harsahnaak ko thawn bang ii.
20 Thin phalo mihing khiah a lampui tluang lo ii. Mi zawlthai lai
khiah hnophnaak songah tlok ii.
21 Fapa voi in thasiahnaak suahpui ii. Fapa voi naitu khiah aang lo ii.
22 Thin aanghnaak khiah sii pharoh ii. Thin harhnaak in ruh ro ruai ii.
23 Dikcang lo thukhantu tein tu, Nawhthuh ai maan in a cangniu in thu
reel lo ii.
24 Mifiim te in thil pha bawn tuh ling ii, Ikhalselai mi voi te tu a
thin kaakaa ii.
25 Fapa voi in a pa hnenah thinrimhnaak hleng ruai ai, A nu khiah thin
rimsu ruai ii.
26 Mawh nailo cawh heh phalo ii, Mi pha te viit heh phalo aam aam ii.
27 Mifiim te in pong tam cel lo ii, Dapniu ai umtu khiah thilpha hmu
thiltu ii. 28 Mivoi rin in dapniu in um ai a kaa ciip lekhaw, Mifiim
camra in dah thil ii.

Read more »

Thufim khanpui 18

18 Aisu khai kom hiam lo te heh, Mah daihhnaak leek ngaaisungtu ii. Mi
ai pha ti hnaak saang thil lo ii.
2 Lungmutlawm in thu ling le ling lo khiah thupui in ruat lo ii,
Zaizah I fiim ti laar ruai tuh leek hiam ii.
3 Sualhnaak le zakthih hnaak heh feh kawm betbo ii, Zuulhnaak paai
ruai lesikhaw a tumruul ah zohsuamhnaak ngah tuh ii si.
4 Mihing ponkam heh fiimhnaak ham ii thai ii, Tipuithuanthum bangin
thuuk ai, Ti zu beetbo ruun bangin thar tuh tio ii.
5 Mi pha lo mit hmaai pe khiah dik lo ii, Mi dikcang te mawh ruai khai
dik lo ii.
6 Mivoi kahmuur an hauhnaak suak ii, A kaa in tawnghnaak ko ii.
7 Mivoi pong fangin amah veve hnawmcan duun ii. A pon in amah lala awk ii.
8 Mi siat heh uur roh ii, Hlum roh ii ai lem sek ii sing.
9 Thazawng heh mi hnawmcantu bangin phalo ii.
10 Bawipa tu a kho roh khaakber hmun inn saang roh ii, Mifiim te ciata
feh ai him ii.
11 Minai te in sum le saw khiah himhnaak ii ti in ngaaisung ii, a
saang roh a kho ngaai khuapui kulh hnaak vingpui vuah ii.
12 Aisu khai hniatacuh ben hlaanlo zuulhnaak ngah tuh lo ii, Mi hngal
te khiah hnophnaak kong ah um ii.
13 Thu na sawn hlaan ah phatak in ngaai tu. Ciatih in bawn hlah
lesikhaw mivoi na cang hluan ah, na sawn hnaak pa zohsuam ii si.
14 Mihing thinlung in uurhnaak an ben ii, Ikhalselai thin khoi tu aisu
in tuar ben pa?
15 Mifiim te in tu zir hiamhnaak thinlung nai tio ii.
16 Mi thupui tawk na nuam awm? Thil suumpha keng tu lai bainiu in tawk
thil tuh ii si.
17 Thukhanhmun zung ai thu reel hmasaber tu khiah mi dik ber baang ii,
Ikhalselai a baanghnaak khiah amah thu eeltu ai thu zawt dekdo acuu
tian leek rai ii.
18 Thu ling roh veve pahnih thukhanhmun zung ah thu eel duun lekhaw,
Camfung ian in thu khan thil ii.
19 Na unau bawm tu lai, ani in khuapui ving kho roh bangin na hup tuh
ii. Ikhalselai hau le sikhaw dawng na khaam tuh ii.
20 Na ponghnaak ai suak ruai hnaak nun bangin nung tuh ii si. 21 Na
ponkam in na nunhnaak a o thil bangpah in hnawm khai hnawm ruai thai
ii. Ciamaan in na ponkam maan ai hleng hnaak thil te khiah tuar ben
kuul ii si.
22 Nupui nai heh thil pha tawk ii si, Ciami in Bawipa phathnaak na vum
ah laar ruai ii.
23 Farah pong fangin a ngeen niu in ngeen de ii, Ikhalselai minaipa in
tu awka ho roh in mi sawn ii.
24 Rualpui haatlam tu camkhat song leek rai ii, Ikhalkhaw unau tah ai
phasawn rualpui khai um ii.

Read more »

Thufim khanpui 19

19.1 Farah dikcang khiah mivoi awkrawl tah in pha sawn ii.
2 Linhnaak nailo ai daih leek daih li heh pha lo ii, Thin fual lo
hnaak in harsahnaak ah na hlenpui tuh ii.
3 Mihing in amah voi maan in hnophnaak tawk de ii, Cia fangin Bawipa
mawh hluuk ii.
4 Minai te in rualpui thar tampui nai ii. Ikhalselai farah te in tu
rual naih sa rin khawl ben lo ii.
5 Thukhanhmun zung ah thu don lesikhaw, Cawhkuan tawk tuh ii si, na
luat tuh lo ii.
6 Mi tampui in mi thupui te mithmaaipha ngah tuh caai ii, Mi rawlthiam
caa tu aisukhai rualpui pha ii sek ii.
7 Farah tu a suahpui unau rin in hnawl de ii. Rualpui meenma tein tu
kontih in hlum lo in um aam tuh ii. Kontih bang ai ko leh li inkhai
let nawn lo ii.
8 Nangmah veve daih duun tu lai, Fiimhnaak khiah na thiam tawp in zir
tu. Na zir hnaak khiah hih tu tio lai, Na thil bawn hnaak ah
hlawhtling tuh ii si.
9 Thulingpuitu diklo khiah cawhkuan luat tuh lo ii., Thudon reeltu
khiah hnawmral tuh ii.
10 Mivoi khiah nunnuam roh ai nung tuh tlaak lo ii, Sal ai a bawi uk
tuh khiah tlaak aam hlah.
11 Na fiim lekhaw na thin uk ben tuh ii si, Mi mawh hlat sah heh songlawi ii.
12 Kumpibawi thinraw heh kiosa huuk bang ii. Ikhalselai a ninghiohnaak
heh hampa vum ai naidawh bang ii.
13 Fapa voi in hnawmral hnaak ah a pa hlenpui ii. Awlcom lo ai
phunciar thai nupui khiah a cat lo ai sii hnaak ruah bang ii.
14 Inn le sumsaw te khiah nu le pa hnen an ngah hnaak ro ii,
Ikhalselai nupui fiim tu Bawipa hnen an ngah hnaak ii.
15 Thazawng in it meenma tio lesikhaw, Rii na kaam tuh ii.
16 Pathian thukhaam hluun tu lai san na sau tuh ii, Zainam loin um
lesikhaw na thi tuh ii.
17 Farah kongcung ai ninghio nai khiah Bawipa hnen ai thil pe bang ii,
Bawipa amah in na pe leh tuh ve ii.
18 Na faa te a seen lai pah thu cuuk tu, Reel lo fangin tu amah te
veve hnawmcan duun tuh bawm ii si.
19 Thinraw roh zetu khiah cawhkuan tawk tuh ii, Harsahnaak songan vai
khat o khal silai, o not na kuul tuh ii.
20 Khuaruah pe hnaak ngaai zuam in zir nuam lesikhaw, Ni khatkhat ah
tu mifiim cang tuh ii si.
21 Mihing in tu a thin in bawntumhnaak ruat tuh napui ii, Ikhalselai
Bawipa reel hnaak ian bawt ii tuh ii.
22 Pamhap heh zakthihkuul ii, Farah te heh thudon reeltu tah in pha sawn ii.
23 Bawipa kihzah tu lai san na sau tuh ii, Hnawmralhnaak tawk loin na
muang tuh ii.
24 Mi haatlam tu thazawng ze maan in, Kaa song ai rong baar rin zuam lo ii.
25 Mi hngal cawh tu lai, khuaruah tem tein fiimhnaak ngah tuh ii,
Mifiim thu cuuk tu lai fiim tuh aam aam ii.
26 A pa viit ai inn an a nu hnawntu fapa khiah, Zakthih le mualpho um
ruaitu ii.
27 I fapa, zirhhnaak com le sikhaw na linsa khiah hai leh tuh ii si.
28 Mi hnophnaak leek ngaaisungtu thulingpuitu hnenah thudik um lo ii,
Mi phalo tein sualhnaak bawn hiam ii.
29 Mi hngal te in vih tawk tuh ii. Mivoi te tu vih hlawh tuh ii.

Read more »

Thufim khanpui 20

20 Zu ding heh mi zohsuam tawk hnaak ii, Pong tam ruai ai hauhnaak
suak ruai ii. Zu kham heh voi hnaak ii.
2 Kumpibawi thinraw khiah mi ngertu kiosa bangin lau tu; A thinraw
ruaitu khiah mah veve reek thawn bang ii.
3 Zaibang mivoi inkhai hauhnaak suak ruai thai ii, Hauhnaak cang ben
heh zuul tlaak ii.
4 Faang pawi cuu ai lo vaai thazawngtu khiah, Rongkhawm cuu fangin
rong khawm pha nai tuh lo ii.
5 Mihing in a thin song ai a naih hnaak khuaruah khiah namkum thuuk
song ai ti thawn bang ii. Ikhalselai mifiim pa in khaai in suak thil
tuh ii.
6 Aisu inkhai mah kuung hnaak thu reel teen ii. Ikhalselai a kuung
peupeu aisu tawk ni sing?
7 Pa heh mi dikcang le mi kuung ilekhaw, A faa te bawngpha ii.
8 Thukhanhnaak tohkham ai totu kumpibawi in, Thil pha lo zongzong a
mit in thia thil sek ii.
9 Aisu in, “I khuaruah ciang ruai zo ing, I sualhnaak ciang zo ii,” ti
thil ii si?
10 Bawipa in cuai le thil tehhnaak dik lo te cim ii.
11 Naupang rin in a ihnaak khiah a bawn hnaak in laar ruai ii, A dik
le diklo, a pha le phalo ling thil ii si.
12 Khua hmuhnaak mit le khua zaahnaak bil heh Bawipa in kin bawn sah ii.
13 Na tikcu hmuah it le mitmu in bo ruai lesikhaw farah tuh ii si, Naa
per tu tio lai rong tampui nai tuh ii si.
14 Thil laitu in, “Thil man khung ze ii,” tiin cam de ii. Ikhalselai
thilri lai ben feh hnua ah tu, “A bai roh in lai ing,” ti ii.
15 Sui tampui um ii, lungvaar khai tampui um ii, Ikhalselai fiim
ponkam khiah a man khung sawn ii.
16 Lin awng lo hnaak pa caa thu khaam sah tu khiah, A thilri
thukhaamhnaak caa langsah tuh ii.
17 Dikcang lo ai ngah hnaak rong uur ii, Ikhalselai zaicamlo pah a kaa
songah siatnawi bang cang tuh ii.
18 Khuaruah pha naitu thu lang tu lai, Na thil bawn hnaak hlawhtling
tuh ii. Phatak ai pai rinrian lo pah raal tawng mah.
19 A thupniu ai mi reeltu in thupruuk thu phuang de ii. Ciaiimaanin,
mi reelthai khiah kom mah.
20 Na nu le na pa awrsiat lesikhaw, Khuathim lak ai maifaar dit bangin
na nunhnaak bo tuh ii.
21 A baainiu ai na ngah hnaak sumsaw khiah na caa hnempuihnaak tem tuh ve ii.
22 Phatlohnaak khiah phatlohnaak thawn ruul mah, Bawipa ring tu lai na o tuh ii.
23 Cuai le thil tehhnaak diklo hmangtu te Bawipa in cim ii.
24 Kal kin suan ruaitu khiah Bawipa ii, Kin feh hmun tuh lamkhung
kontih in ling thil tuh ii sing?
25 Pathian hnenah pe tuh ai thu na tiam hlaan ah phatak in ruat hmasa
tu, Cialo fangin na sir leh thai ii.
26 Kumpibawi fiim in misual khiah sii ai ninghio loin cawh de ii.
27 Bawipa in khuaruah le asia-apha thia thiamhnaak lungmu kin pe ii,
Kin thinlung an konnah relh thil tuh ii sing?
28 Kumpibawi in a kuung, a pha le dikcang niu in uk lekhaw, a uk hnaak
kho tuh ii.
29 Khangngom te songlawihnaak heh thazaang ii. Hausa te mawihnak heh a
puakpaar ii.
30 Kin ziaza thuul thai hnaak tuh in Ni khatkhat ah harsa tawk kin kuul ii.

Read more »

Thufim khanpui 21

21 Kumpibawi thinlung heh Bawipa kut songah um ii, Rawnti bangin amah
daih hmun ah zu ruai ii.
2 Na bawnhnaak zongzong khiah pha sek ii tiin ruat tuh ii si,
Ikhalselai Bawipa in tu thinlung lam sawn siik ii.
3 Thu dikcang le thumawi bawn heh, Hibawl tah in Bawipa in daih sawn ii.
4 Mi phalo te tu tluangkhawnghnaak le puarhnaak in uk ii; Hemi heh sualhnaak ii.
5 Phatak ai khuaruat hnua in naa per lesikhaw hlawhtling tuh ii si,
Ikhalselai rang ze in per lesikhaw khopkham nai tuh awng lo ii si.
6 Awkrawl ai ngah hnaak sum le saw heh camkhat in paai leh ii;
Thihhnaak kaa songah na hoi ii.
7 Mi phalo te khiah amah te bawn hnaak phatlohnaak in hnawmcan tuh ii,
Zaimaan in tifangin thil dikcang zaikhai bawn hiam lo ii.
8 Mi phalo te lampui tu a kawn ii, Ikhalselai mi cianghlim in thil dik bawn ii.
9 A phunciar tio nupui thawn innpui song ai um kawm tah in, Innphu
ningnawi vum ai mah leek um pha sawn ii.
10 Mi phalo te in tu thil phalo bawn hiam tio ii, Aisu vum ah khai
ninghiohnaak thinlung nai lo ii.
11 Mi hngal cawh fangin mivoi in fiim ngah ii, Ikhalselai mifiim tu
cuuk fangin a fiimhnaak khang ii.
12 A dikcang Pathian in mi phalo te inn ah zai cang ii ti ling sek ai,
Mi phalo khiah hnophnaak ah hleng ruai tuh ii.
13 Farah te auhnaak aw ngaai zuam lotu khiah, Amah au leh fangin aisu
inkhai ling sah tuh ve lo ii.
14 Thupruuk ai pe hnaak laksawng in thinraw dap ruai ii, Pon hnia ai
pe hnaak nawhthuh in thinraw neem ruai ii.
15 Thu pakhat khat cang ngaai ai reel fangin mi dikcang te caa
aanghnaak ii, Ikhalselai mi phalo te caa thasia hnaak ii.
16 Fiimhnaak lamkhung an tliartu te khiah thihhnaak in bawh ii.
17 Nunnuam hiamtu khiah farah tuh ii, Zu le sa duhtu khiah nai tuh awng lo ii.
18 Mi phalo tein mi pha te kongcung ai hleng ruai hnaak anhnaak khiah,
Amah te kongcung ah hleng leh de ii.
19 A cam tio le mi hau thai nupang thawn um kawm tah in Ruunsiat ram
ah dapniu ai um pha sawn ii.
20 Mifiim umhmun ah naih le nuamhnaak um ii, Ikhalselai mivoi in tu,
tangka ngah suangpah hmang sek ii.
21 Dikcanghnaak le ninghiohnaak nai tu lai na san na sau tuh ii, Mi in
khai na zuul tuh ai, phatak in na tuamhlawm tuh ii.
22 Mi fiim in, mi cak te kiil hnaak khuapui khiah lang ben ai, Amah te
ring hnaak vingkulh khai bal thil ii.
23 Mah lai le kaa kiil bentu khiah harsahnaak an luat tuh ii.
24 Mi puar, tluangkhawng le hngal roh ai nungtu khiah, A hming ah,
“Mizohsuamtu,” ti ii.
25 Naa per nuam lo thazawng pa tu, Amah veve reek duun beetbo ii.
26 Suunnivui ai a khuaruah hnaak tu zai ngah ni ngaang ti leek ii,
Ikhalselai mi dikcang te in tu, paamhaih loin siang roh in pe ii.
27 Mi phalo bawlhnaak khiah Bawipa in ning dul ii, Khuaruah phalo
thawn a bawn hnaak khiah ningdul aam aam ii.
28 Thulingpuitu dikcanglo khiah paai tuh ii, Ikhalselai thudik reeltu
ai thu khiah mi in saang tuh ii.
29 Mi dikcang in amah veve ring duun ii, Ikhalselai mi phalo in tu thu
bawn de ii.
30 Bawipa tawng lesikhaw, mihing fiimhnaak, thiamhnaak le
lingthilhnaak in na bawm ben tuh lo ii.
31 Raal tawng nia caa ai saai te heh ringlep in dah cia ii, Ikhalselai
raal nehhnaak tu Bawipa hnen an kawi ii.

Read more »

Thufim khanpui 22

22 Naihhnaak tah in phathnaak riil tuh hnaak sawn ii, Ninghiohnaak
khiah sui le nguun tah in pha sawn ii.
2 Farah le minai bang duun hnaak teng um ii, Ciami tu, Bawipa ai
seemruaihnaak veve ihnaak ii.
3 Mifiim in tu, harsahnaak hmu fangin pial ii, Ikhalselai mivoi in tu,
fon tlaptlo ai a hnua leh fangin sir leh ii.
4 Hniatacuh in Bawipa kihzah tu lai, Naihhnaak, zuulhnaak le
sansauhnaak ngah tuh ii si.
5 Mi phalo te lamkhung tu hling le thang thawn diim ii. Nung hiamtu in
hlaapui an pial tu seh.
6 Naupang khiah nundaan dik cuuk tu lai, A hausa tian cia lamkhung an
tliar tuh lo ii.
7 Farah heh minai sal ii, Tangka zawng tu lai na zawntu sal ii si.
8 Thu dikcang lo cimu ciing lesikhaw harsahnaak khawm tuh ii si, Mi na
reem thil hnaak khai bo tuh ii.
9 Rawl thiam tu lai na rong khiah farah te khan tu ve, Hmuifu ngah tuh ii si.
10 Mi hngal hnawn tu ihlai thuhnok bo tuh ii, Hauhnaak le zohsuam dun
hnaak khai bo tuh ii.
11 Thinlung ciang nai ai awkaa hlum nai te in, Kumpibawi rual kaih
ngah tuh ii si.
12 Bawipa in thudon reel te hnawn sek ai, Thudik reeltu te him in kiil ii.
13 Thazawng khiah inn ah um meenma ii, Sumpua suak le ingkhaw kiosa in
I kai tuh ii ti ii.
14 Tisazuarnu kaa khiah khur thuuk bang ii, Bawipa thinraw ruaitu te
khiah cia khur ah tlok tuh ii.
15 Naupang thin song ah huatsuahhnaak um tio ii, Thucuukhnaak rawpeek
in ngawn pha deuh in cuuk ben tuh ii.
16 Nai hiam maan ai farah reemtu le Minai thil suumtu khiah farah tuh ii.
Mifiim Te Thufiim Sawmthum
17 Na bil I tun tu, mifiim te thu reel hnaak na cuuk ngaang. Cen, I
fiimthiamhnak na lungmu ah khawi tu.
18 Na lungmu ah khawi lesikhaw na aang tuh ii, Na hmurkaa ah a ciasa
in um tuh ii.
19 Bawipa ringtu ti na daih ing, Ciamaanin hemi thu te tuunnia ah na cuuk ing.
20 Nangmah caa thufiim sawmthum na ngaan sah ing. He thufiim te heh
fiimhnaak le khuaruah pha thawn dim ii.
21 Cen, he thufiim te in thudik na ling ruai tuh ai, Sii na ruai ngaai
khaw a dikniu in sawn thil tuh ii si. Thukhanhmun zung ah khai reem
mah.
22 Mi farah khiah farah iimaanin a thil sut mah,
23 Zaimaanin tifangin Bawipa in amah te khiah phiar tuh ai, Amah te
hnawmcantu te nunhnaak khiah hnawm ruai tuh ii.
24 Thinraw thai le thincom thai kom mah,
25 Zaimaanin tifangin amah te nuncan cuung ngah lesikhaw, Thuul thil
tuh nawn lo ii si.
26 Mi laiba caa thu lo khaam mah,
27 Ruul ben hlahlesikhaw na khuahluan rin na lang sah tuh ii.
28 Ning pu le pa te ai bir ciahnaak rii khiah thawn mah.
29 Naa phatak ai per thiamtu mi pakhat I hmuh tu Amah khiah mizaraan
hnen ah iloin kumpibawi hnenah naa per tuh ii.

Read more »

Thufim khanpui 23

23.1 Uktu bawi thawn rong na ai fangin, Na hlaan ah aisu um ii ti phatak
in siik tu.
2 Rongham ilesikhaw suup tu deuh.
3 Rong uuruur na suah cia khiah iir mah, Zaimaanin tifangin na
zawlhnaak rong ii thai ii.
4 Na nunhnaak hnawmcan tiantian in minai ituh caai mah, Awlcom thiam in fiim tu.
5 Zaimaanin tifangin na tangka tu mitkhep lakah paai thai ii. Ko thiat
vual ngaaikhaw mupui bangin zuang tuh teu ii.
6 Rawlsia te rong ai sah mah, rong uur na do hnaak paamhaih mah.
7 Zaimaanin tifangin a thinlung bangin a nundaan khai ii. “Ding tu, ai
tu,” na ti tuh ii. Ikhalselai a thin tak in na ti hnaak ilo ii.
8 Na aih hnaak hmuah awk leh sek tuh ii si, Aan si cia te khai
thulovaang ii sek tuh ii.
9 Mivoi lin in thu reel mah, Zaimaanin tifangin fiimthu na reel hnaak
khiah zohsuam tuh ii.
10 Hlaanlaai ai bircia rii thawn mah, Nu le pa nai lo te lo khai sut mah.
11 Zaimaanin tifangin, Bawipa heh amah te phiartu ii ai Thukhanhmun
zung ah amah te lam phiar in thu reel sah tuh ii.
12 Na thu cuuktu te thu phatak in ngaai tu lai, Na zir thai tawp in
fiimhnaak zir tu.
13 Naupang thu cuuk loin um mah, Rawpeek thawn viit maanin thi tuh lo ii.
14 A nunhnaak khiah thihhnaak an o ngah sawn tuh ii si.
15 I fapa, fiim lesikhaw I aang roh tuh ii.
16 Fiim thu na reel hnaak I zaa fangin thin I nuam roh tuh ii.
17 Misual te ot mah, Na nun song Bawipa kihzah in nung tu sawn.
18 Ciatih in nung lesikhaw na hmaai vaar ngaai khaw, Na uumhnaak paai tuh lo ii.
19 I fapa, ngaai tu, fiim tu, Na nuncan khiah roh ngaai in ngaaisung tu.
20 Zu le sa ham te kom mah.
21 Zaimaanin tifangin zuham saham te khiah farah tuh ii, Ai le it in
na cuu bo ruai lesikhaw, Zaicamlo pah ponher sil tuh ii si.
22 Na hingtu na pa thu ngaai tu, Amah um hlah sehlai na po tuh lo ii.
Na nu a hausa fangin zohsuam mah.
23 Thutak khiah lai tu, zuar mah hang, Fiimhnaak, thucuukhnaak le
linhnaak te lai tu lai zuar leh mah hang.
24 Mi dikcang ai pa khiah aang roh tuh ii, Fapa fiim naitu a fapa vum
ah aanghnaak nai ii.
25 Na nu le pa aang ruai tu, Na teetu na nu khiah aang in um tu seh.
26 I fapa, na thin tak in I ngaai tu, I nuncan khiah hluun tu.
27 Tisazuarnu le nupang phalo heh thihhnaak thang ii.
28 Ruko bangin mi lo bawh ai, Mi tampui hnawmcan ai, mi nun kuung lo
ah can sek ii.
29 Thinpit le khuaruah paai in aisu um de ii? Aisu tha sia de ii? Aisu
heh mi thawn hau de ii? Aisu cam de ii? Aisu heh a thu um loin hmaihma
an de ii? Aisu ii, mit san riai ai um de?
30 Zu ding tio te pawl ii.
31 Hai songah san roh le so lianglo ai um hnaak ding fang ai dang
songah naal zurzo ai tlum tuh mawi zu khiah siik mah.
32 A tawphnaakah tu ruun ai ruul bangin mi cik ii.
33 Mit na am ruai ai thil phuncang hmu ii si. Phatak in khuaruat ben tuh lo ai, A fian niu in
pong thil tuh lo ii si.
 34 Cia fangin khuahu ai sep hnaak khawm puisong ai ittu bang in, Khat lam khat lam ah na leu tuh ii.
35 “I viit khalselai uur lo ii, I seu khalselai ling lo ing, Ikhalselai zaikhai
linglo ing, Zaimaanin I phawk lo ii? Zu I duh bang laai,” ti tuh ii
si.

Read more »

Thufim khanpui 24

Thufiim 24 : 1-34

24:1 Mi phalo te ot mah; Amah te thawn kom duun mah ih.
2 Ani te tu mi hnawmcan tuh thu ianian ruat ii, Mi hnawmcan hnaak tuh thu leek reel ii.
3 Inn khiah fiimhnaak in sa ai, Lingthilhnaak in kho ruai ii.
4 Inn khan zongzong khiah lingthilhnaak in, A songlawi le a mawi thilri thawn dim ii.
5 Tha haat tah in fiim pha sawn ii. Haat tah in lingthilhnaak thupui sawn ii.
6 Raal tawng hlaan ah raalring roh in pai tu cia, Mi hnen an khuaruah pha tam ngah lesikhaw raal neh tuh ii si.
7 Fiimhnaak heh mivoi caa ah saang ze ai ling thil lo ii, Thil thupui reel fangin zaikhai reel tuh nai lo ii.
8 Thil phalo bawn tuh ianian reeltu khiah, A hming ah, “Harsahnaak Bawntu,” ti ii.
9 Mivoi bawntumhnaak caangcaang heh sualhnaak ii, Mi zohsuamthai tu khiah mi zongzong in cim ii.
10 Harsa niakhua ah thin hnawm baai lesikhaw, Zaitlaaklo taktak ii si.
11 Reh tuh ai duuk hmu lesikhaw, a rang in o tu.
12 Kai per tuh ii lo ii tiin um meenma mah, Zaimaanin tifangin Pathian in na thu khiah ling ai na bawn tumhnaak khiah cuul tio ii. Na bawnhnaak bangin na ruul tuh ii.
13 I fapa, khoiti ai tu, pha ii; A hnaar an tlok hnaak khoiti hlum bangin,
14 Fiimhnaak heh na nunhnaak caa thil pha ii, Fiimhnaak nai lesikhaw na hmaa vaar tuh ii, Na uumhnaak paai tuh lo ii.
15 Mi pha pa bawh ai a inn bal tumtu, Mi phalo bangin nung mah.
16 Zaimaanin tifangin, mi dikcang tu vai sarih sawn khal sehlai tho leh tuh ii. Ikhalselai mi phalo tu bawng siathnaak in hnawm tuh ii.
17 Na raal bawngsiahnaak tawk fangin aang mah, A bah fangin iim mah.
18 Aang lesikhaw Bawipa in na hmu ngaai khaw aang tuh lo ii. Ciatih fangin cawh loin um mah ngaai.
19 Mi phalo te maan in thin nuam loin um mah, Mi phalo te ot mah.
20 Zaimaanin tifangin mi phalo tein uumpha zaikhai nai lo ii, Mi phalo te maivaar tu dit tuh ii.
21 I fapa, Bawipa le kumpibawi khiah zuul tu, A tawngtu te khiah kom mah.
22 Zaimaanin tifangin amah te kongcung ah harsahnaak hleng vut tuh ii, Cen, Bawipa le kumpibawi hnen an zaibang hnawmhnaak hleng tuh ii ti aisu in ling ii?
          Thufiim Samdang Te
23 Hete khai mifiim te reel hnaak thu ii. Thu khan fang ai mi phiar hnaak nai heh pha lo ii.
24 Mi phalo khiah mi pha ii titu thukhantu bawi khiah Mi in awrsiat tuh ai, mihin caang in cim tuh ii.
25 Ikhalselai misual cawhtu khiah hon khangso tuh ai, Mi zuulhnaak co tuh ii.
26 Thupeu ai sawn hnaak khiah rualpui takngaai ihnaak laar ruaitu ii.
27 Lo le ram phatak ai na nai hnua ah le, Pumcawmhnaak tuh na ham kho hnua ian ah inn sa tu.
28 Thula ling ciang loin mi mawh hluuk mah. Mi ai lingkhelh tuh hnaak in thu reel mah.
29 I kongcung ai a bawn bangin a kongcung ah bawn tuh ve ing, A bawn bangin ruul tuh ing tiin ti mah.
30 Mivoi thazawngpa lo le cabit vuan ah vaak ing.
31 Siik tu! Hling dim ai laipua khiah hampa in khuk sek ii. Cen a reen hnaak khan khai min sek ii.
32 Phatak in siik ai khua I ruat fangin, He bangin fiim zirhhnaak ngah ing.
33 Camkhat niu zau rih ngaang, camkhat niu it rih ngaang, Camkhat niu com rih ngaang na ti tengah,
34 Farahhnaak khiah ruko bang le damiah bangin hleng tuh ii.

Read more »

Thufim khanpui 25

Thufiim 25 : 1 - 28

Solomon Thufiim Samdang Te

25:1 A hnialam ai te khai Solomon thufiim ii ai, Judah kumpibawi
Hezekiah mihing te ai ngaan siin hnaak ii.
2 Pathian a songlawihnaak heh a thil thup hnaak ii. Ikhalselai
kumpibawi te songlawihnaak tu a thil phuanghnak ii.
3 Kumpibawi in zai ngaaisung ti khiah ling thil lo ii sing, A saang
roh vaan le a thuuk roh tipuithuanthum bangin ling baan lo ii sing.
4 Nguun khiah a eek ciang ruai tulai, pumsu in thil mawi roh ah bawn tuh ii.
5 Kumpibawi hnenai thu phalo petu khiah hnawn tu teu ihlai, A ukhnaak
khiah dikcanghnaak thawn kho ruai tuh ii.
6 Kumpibawi hmaai ah upa hiam mah, Upa te dinhmun ah khai ding mah.
7 Zaimaanin tifangin mi ai tohhmun pha na pe heh, Tohhmun pial ruai
tah in pha sawn ii.
8 Thil na hmu hnaak khiah rang ze in thukhantu zung ah reel mah,
Zaimanin tifangin tetti sam pakhat in na thulinhnaak diklo ii ti ben
sehlai zai bawn nga si?
9 Na innhneen thawn ning khuaruah bang thil hlah lekhaw ningmah niu in
rem tu ih, ning thuthup khiah phuang mah ih.
10 Phuang lesikhaw mi te in thu thup thai lo na ling tuh ai, Na zakthi
bo tuh nawn lo ii.
11 A cuu le a caang teng niu ai pong hnaak ponkam heh, Na hleeng
songai sui thingthai bang ii.
12 Mifiim roh ai reel hnaak thucuukhnaak khiah a ngaaitu caa, Sui
zungruat le sui hlawnthil bang ii.
13 Nalaang nunkuung khiah a hlattu caa thin dap ruaitu ii, Rong khawm
cuu ni sa teng ai rialti bang ii.
14 Thil pe tuh tiam napui ai a pe nuam lotu heh, Ruah umlo mairo le ti
paai lo hlivua bang ii.
15 Thinfual ai mi uktu bawi rin zawl thilh ii, Awkaa neem in thin
kuruh rin neem ruai thil ii.
16 A kuulzah tah in tam sawn khoiti ai mah, Tam ze ai lesikhaw na awk tuh ii.
17 Na innhnen leeng tam ze mah, Leeng tam ze lesikhaw na rim ngaai
khaw na cim tuh ii.
18 A ilopui mi mawhhluuk heh, Mi reek thai tumbel, vaangfiim le
cankiang bang ii.
19 Harsa teng ai ringtlaaklo ring khiah, Kam hliin thawn rong kial le
kawngbaai thawn bang duun ii.
20 Thasia thinhar hnen ai laa sa heh, Khuasik cuu ai pon hawk sek le,
Hmaihma ai ci phulh thawn bang ii.
21 Na raal riikaam lekhaw aihtuh rong pe tu, Ti haal lekhaw dintuh ti pe tu.
22 Ciatih in bawn lesikhaw, a siip ah mailing dah sah ii tuh ii si,
Bawipa in perman na pe tuh ii.
23 Saklam hlivua in ruah koih bangin, Mi reelsia hnaak in thinrawhnaak
suak ruai ii.
24 A cam tio nupui thawn innpui song um kawm tah in, Innphu ningnawi
ai um pha sawn ii.
25 Ram hlapui an thuthang pha zaa khiah, Dangro tihaal teng ai tidap
ding thawn bang ii.
26 Mi dikcang in mi phalo pa khiah neh ruai lekhaw, Thihsii rawi hnaak
namkum, ihlahle, cirhti riim bang ii.
27 Khoiti tam ze ai heh pha lo ii. Cia bangpah in mi aanhnaak tam ze
ngah khai pha lo ii.
28 Mah thinraw suup ben lotu khiah, Khua reen hnaak vingpui min ai
hnawm hnaak bang ii, Raal te baainiu in tlum tuh ii.

Read more »

Thufim khanpui 26

Thufiim 26 : 1 – 28

26:1 Khuakhaal cuu ai vur tlok, rongkhawm cuu ai ruah sii bangin, Thangphat zuulhnaak heh mivoi caa tu remcaang lo ii.
2 Suullam nailo ai mi awrsiat hnaak heh, Kawlva le paipi zuang bang, umhmun nai lo ii.
3 Rawpeek khiah saai viit hnaak ii; kakharh khiah laak kaa kharh hnaak ii, Mivoi khiah rawpeek thawn viit na kuul ii.
4 Mivoi khiah mivoi bangin pon mah, Na pon cia bangin pon ve lesikhaw, amah thawn camra tuh ii si.
5 Mivoi khiah amah thawn caaduun in pon tu, Ciatih in ti hlah lesikhaw I fiim ii tiin ruat duun mawh ngaai.
6 Mivoi khiah nalaang tuh ai hlattu khiah mah le mah ke tan duun bang ii; harsa tawk tuh ii.
7 Thufiim khiah mivoi te kaa ah tu, A khaai liatluat kawngbaai ke bang ii; Zaikhai hnempuihnaak nai lo ii.
8 Mivoi zuul khiah, Saili ah saihual peen ngio bang ii. Hnempuihnaak nai lo ii.
9 Mivoi ai mifiim thusaanteh hmang khiah, Zukhampa hlingkuang thawn mi riit tum thawn bang ii.
10 Naper petu in mi vaak, zukham le mivoi tawk hnaak hmuah naper pe lekhaw, Misam te hmuah thin uur ruai tuh ii.
11 A voi hnaak bawn nottu mivoi khiah, Mah awk aitu uico bang ii.
12 Mah le mah I fiim ti ai ruat duuntu tah in, Mivoi ber caa uumpha um sawn ii.
13 Zaimaanin thazawngpa sumpua suak hiam lo ii? Zai ber lau ii? Kiosa te lau iim?
14 Thazawngpa tu kopza vum ah dawngkhaam mer beetbo bangin, A khuahluan ah mer li meenma ii.
15 Mi haatlam tu tha zawng ze maanin, Kaa song ai rong thun rin nuam lo ii.
16 Mi thazawngpa in tu, khelh thai tuh lo ai mi sawn thiamtu mifiim pasarih tah in, Amah veve uar duun hnaak ah tu fiim sawn ii.
17 Mah thawn paaipawh lo hnaak hauhnaak ai lo teltu khiah, Lamlak ai tawk hnaak uico bil rin sah thawn bang ii.
18-19 Mi zawl ai, “Na sal meenma ing,” titu khiah mi thiruaithai li le thal thawn saltu mi-am thawn bang ii.
20 Zaanthing um hlah lekhaw mai dit ii, Thupruuk ai mi reeltu um hlahlekhaw hauhnaak dap ii.
21 Maihol in mai ling ruai ai, Thing in mai ko ruai bangin, Mi tawng hiam tein hauhnaak suak ruai de ii.
22 A thup ai mi siattu ponkam khiah rong uur bang ii, Pum song tian tlum ngerngo ii.
23 Awkaa hlum dengdo ai thin phalo te khiah, Naal roh ai maathnaak laibeel bang ii.
24 Mi cimtu in awka pha in mi pon de ii, Ikhalselai a thinlung tu mi zawl tuh in dim ii.
25 Mi ninghio roh bang ai pongtu khiah sang mah. Zaimaanin tifangin a thinlung tu ningdulkuul thil thawn dim ii.
26 A mi cimhnaak tu thup bawn napui ngaai khaw, A thilphalo bawn hnaak tu zapui in hmu tuh pah ii.
27 Mi tlok tuh ai humkua cotu khiah ciata amah tlok tuh ii. Mi net tuh ai lungto ciintu khiah cia lungto in amah ciin tuh ii.
28 Thudon reeltu lai in thudik cim ii, Mi zawlthai kaa in hnawmhnaak suak ruai de ii.

Read more »

Thufim khanpui 27

Thufiim 27 : 1 – 27

27:1 Thanghla thu ah tluangkhawng mah, Cia nia in zai na koihsah ngaai
ti linglo ii si.
2 Zaikom inkhai nangmah veve lawm duun mah, Misam ihlahle, mikhual in
na lawm tu sawn seh.
3 Lungto le siatnawi te rit daan heh, Voi thu maan ai tawk hnaak
harsahnaak thawn saanteh fangin, Zaikhai ilo ii.
4 Thinraw heh liansia rohin mi hnawmcan thai ii, Ikhalselai
irsiikhnaak thawn saanteh fangin zaikhai ilo ii.
5 Zaikhai I nam lo ii ti ai na ruat tuh tah in, Mi pakhat khiah
hmaaicaang ai a mawhhnaak rem sah khiah pha sawn ii.
6 Rualpui pha in thin na uur ruai khalsehlai na pha tuh daih ii,
Ikhalselai na raal in na kuah lekhaw raalring tu.
7 Rong na kham fangin khoiti rin duh tuh lo ii si, Rii na kaam tengah
tu rong kha roh rin hlum ii ti tuh ii si.
8 Mah iinsaang an vaaivaaktu khiah, A buu ai um lo vaaniu bang ii.
9 Rimhmui le sathau in thin na nuam ruai napuikhaw, Thin harhnaak in
na lungngamhnaak hnawm ruai sek de ii.
10 Na rual pha ii seh, na nu le pa ai rual pha te ii seh hai mah;
Harsa tawk fangin na nau reel mah; Hlaa pui ai um na unau tah in, na
nong ai um na innhneen in na bawm ben sawn ii.
11 I fapa, fiimniu in um tu lai I aang tuh ii, I sawitu te sawn ben tuh ing.
12 Mi fiimhlio te in tu harsahnaak hleng hmu ai pial ben napuikhaw,
Zai ruat cel lo te tu, harsahnaak khiah vun ai sir leh de ii.
13 Lin awng lo hnaak pa laiba caa thu khaam ngamtu heh, A naih hnaak
thil khiah thukhaam hnaak in laang sah tuh ii.
14 Khua hnua tian mitmu tu na rual pha aw cawm in pon lesikhaw, Amah
awrsiat thawn bang ii.
15 A cam thai nupui khiah, Niakhua hnawm ai ruahti far betbo thawn bang ii.
16 Ciami nu tu kontih in dapniu in um ruai thil tuh ii si? Hlivua kham
thil aw sim? Ihlahle, na kutzaphak in thau huam thil aw sim?
17 Thiir le thiir taat duun bangin, Mihing khai khat le khat hnen an
fiimhnaak zir ii.
18 Thaikuang khiah phatak in dawl lesikhaw thai aihtuh nai tuh ii si,
A bawipa siikthiamtu omhlawh in zuulhnaak ngah tuh ii.
19 Ti song ai na hmel na hmu bangin, Na ihnaak khai na thin songah hmu ve ii si.
20 Mihing daihhnaak le hiamhnaak heh mithi khua bang ii, Hiamhnaak
khiah bo nia um lo ii.
21 Sui le nguun khiah mai in cuul thil ii, Mihing ziaza khai
nunnuamhnaak in cuul thilh ii.
22 Mivoi khiah thi dawn in viit khal silai, A voi khiah viit sah sek
thil tuh lo ii si.
23 Na tuu rual khiah phatak in dawl tu lai, Na kawlpaw rual khiah
raalring thai tawp in siik tu.
24 Zaimaanin tifangin naihhnaak heh kumzaangza in kho lo ii; Kumpibawi
lukhuk rin kumzaangza rai ve lo ii.
25 Lo pangkhaai ah rong kuang te na fom ben kiak na rawt laai ah rong
kuang sam po ii.
26 Na tuuhmul thawn pon tak thil ii si, Na me haatlam zuarh manin
loram lai thai ii si.
27 A vaal lai hnaak me te in na innsaang le, Na nupang-omhlawh te din
tuh hnawi na pe tuh ii.

Read more »

Thufim khanpui 28

Thufiim 28 : 1 – 28

28:1 Mi phalo tu aisu hnawn lo hnaak in tlaan ii, Ikhalselai midik mifel tu kiosa bangin raalpha ii.
2 Rampui pakhat sual fangin uktu pakhat hnua pakhat thuul zianzo ii, Ikhalselai rampui pakhat in mifiim le khuaruat thiam hoitu nai lekhaw, cia ram khiah cak ai raipui kho ii.
3 Farah te reem ai harsahnaak petu ram uktu heh, Lo rong hnawm ruaitu ruah saarha thawn bang ii.
4 Daan zainam lo in um lesikhaw mi phalo phiar ii si, Ikhalselai daan hluun lesikhaw, mi phalo tawngtu ii si.
5 Misual te in thudik heh zaibang ii ti ling lo ii, Ikhalselai Pathian biatu te in a fian in ling ii.
6 Dikcang lo pui ai minai ii tah in, Dikcang ngaai ai farah pha sawn ii.
7 Daan hluuntu tlangvaal heh mifiim ii, Rong-aak komtu in a pa hmaai riim ruaitu ii.
8 Mi hnen an tangka puu le miat lang ai na lian ilekhaw, Na naih hnaak khiah mi farah te ninghiotu hnen ah hleng leh tuh ii
9 Daan hluun hlah lesikhaw na sawngeen hnaak khiah Pathian thinraw ruaitu sawn ii.
10 Mikuung pakhat nun sual tuh in zawl lesikhaw, Nangmah veve cia sualhnaak ah tawi duun tuh ii si. Zai mawhhnaak khai nai lo tu in laksawng pha ngah tu ii.
11 Minai te in amah te veve mifiim roh in ngaaisung de ii, ikhalselai mi thin lingtu farah pakhat khiah fiim sawn ii.
12 Mi pha pakhat khiah uktu bawi cang fangin mi zongzong aang ii, Ikhalselai mi phalo te mi uktu cang fangin mi zapui te relh sek ii.
13 Na sualhnaak thup caai lesikhaw, na nun song zaikhai bawn pet tuh awng lo ii si, Na sualhnaak phuangtu lai lon tu, Ciafangin Pathian in ning na hio ngaai.
14 Pathian khiah kihzah tu tio lai thin na nuam ngaai, Na thin kuruh lekhaw na nunhnaak hnawm tuh ii.
15 Mi-uk phalo te kut hnia ah farah te in phiartu nai lo ii, Ciabang mi uktu tu, kiosa huuk, le vom vaak te bang in laukuul ii.
16 Khuaruah nai cel lo mi uktu khiah mi phalo mi siakha ii. Diklohnaak cimtu in raipui tian ram uk tuh ii.
17 Laai reektu heh amah hlaankua rang roh ai cotu ii. Kham tuh hnaak ilo ii.
18 Tluangtlam tu lai na him tuh ii. Na khuaruah tluang hlahlekhaw rinlopui in khurkua ah na tlok tuh ii.
19 Lo vaai kol te in aihpha tampui nai ii. Tikcuu lovaang ai bo ruaitu khiah farah tio tuh ii.
20 Mi dikcang le mi kuung in nuam le khimliang nunhnaak nai ii Ikhalselai rang ze ai nai na hiam lekhaw na cawh tuh ii.
21 Mi thia nai heh pha lo ii, Ikhalselai mi haatlam in tu nawhthuh tlawmniu daih maanin thu reel khelh de ii.
22 Pamhap tein a rang ai nai hiam ze maanin, Farahhnaak kin hleng dawn ii hang ti ling duun lo ii.
23 Mi pakhat khelhhnaak rem sah tu lai, A hnualam fangin na zawl hlelhlo tah in aang tuh sawn ii.
24 Nu le pa thil ru khiah khelh lo ii ti ai ngaaisung tu khiah ruko thawn dang duun lo ii.
25 Pamhaphnaak in harsahnaak leek suak ruai ii, Pathian ring tu lai na hnem sawn ngaai.
26 Mah khuaruah leek ring heh voi thu ii, Na tah ai fiim sawn te cuukhnaak hluun tu lai na him tuh ii.
27 Farah te thil suum tu lai, zaikom in khai na sam tuh lo ii, Farah te zaangtaak lesikhaw mi tampui in awr na siat tuh ii.
28 Mi phalo te bawi cang fangin zapui te relh sek ii, Ikhalselai mi phalo te nau fangin midikcang le mikuung te in ram uk leh tuh ii.

Read more »

Thufim khanpui 29

Thufiim 29 : 1 – 27

29:1 Na nuncan na tiam caang in thin na lian lekhaw, Ni khatkhat ah tho leh thil nawn loin na hnawm tuh dah ii.
2 Uktu pha fangin ram song te nun nuam ii, Ikhalselai uktu phalo fangin ram mi te rimsu ii.
3 Fiimhnaak daihtu fapa in a pa aang ruai ii, Tisazuarnu hnen ai tangka hmang sektu khiah mivoi ii.
4 Kumpibawi in dikcang niu in ram uk lekhaw, a ram kho ii, Ikhalselai sum le saw ian ruat lekhaw, a ukram hnawm sek tuh ii.
5 Na rualpui te aan hlaihlawr lesikhaw, Amah te caa thang tawi hnaak thawn bang ii.
6 Midik mikuung te aang ai haaihawh nuam tengah, Mi phalo te tu amah te mawhhnaak thang ah awk ii.
7 Mi pha in farah te ai a ihnaak lin sah ii, Ikhalselai mi phalo te in tu, ciabang lin sah thil lo ii.
8 Mi zainam lotu in khuapui hnok ruai ii, Mifiim te in thuhnok dap ruai ii.
9 Mifiim in mivoi zunghlenpui fangin, Mivoi pa in hnihsan ai rohpui in awrsiat ii
10 Mi thisan suah tuh zai poi lotu in, Midik, mipha caangcaang cim ii; Ikhalselai mi kuungpa in tu, midik nunhnaak hup sah ii.
11 Mivoi te in tu thinrawhnaak khiah laar ruai vual ii, Ikhalselai khuaruah nai te in tu, thinfual in suup ii.
12 Ram uktu in thudiklo thuthang sang lekhaw, a naper upa zongzong khiah thudon reel ii tuh ii.
13 Farah ii seh, farah reemtu ii seh, Bang veve ai a naihhnaak um ii, Pathian in khua hmuhnaak mit pe veve ii.
14 Kumpibawi in farah te ngah tuh hnaak lo phiar bawm lekhaw, Raipui tian ram uk tuh ii.
15 Naupang nuncan remsah le thu cuuk heh a pha ii, Mah daihdaih ai nungtu naupang khiah a nu zakthi ruaitu ii.
16 Mi phalo te bawi cang fangin sualhnaak pungzaai ii, Ikhalselai cia mi phalo te nau tete khiah mipha te’n hmu tuh ii.
17 Na fapa khiah daan pha hluun tuh cuuk tu lai, Amah maanin na hmaai na pha tuh tio ii. Ani tu zaikom inkhai, na zakthihpha bawn tuh lo ii.
18 Pathian konghoihnaak um lo fangin, Mi zapui heh vaai sek ii. Pathian daan hluuntu heh mi hmuifu ii.
19 Omhlawh pakhat khiah kaa in reel meenma lesikhaw, a nuncan rem thil tuh lo ii, Na reel hiam hnaak ling tuh napui ai, sang tuh hluan lo ii.
20 Khua ruat hmasa lo ai pongtu pa tah in, Ruat leplo ai pongtu mivoipa caa uumpha tam sawn ii.
21 Na omhlawhpa daihhnaak hmuah a seenlaai pah pe tio lesikhaw, Ni nikhat ah na naih hmuah na lang sah sio leh tuh ii.
22 Thinbahlak te in tu, hauhnaak le thuhnok tampui suak ruai ii.
23 Puar le hngalhnaak in hnawmhnaak ah na hlengpui tuh ii, Ikhalselai hniatacuh niu in um lesikhaw mi zuulhnaak ngah tuh ii si.
24 Ruko phiarpui khiah amah lala caa laukul raal ii, Thukhanhmun zungah thudik reel lekhaw cawhkuan tuar tuh ii, thudik reel hlah lekhaw Pathian in awrsiat tuh ii.
25 Misam te ai na hmu daan poi ruai ze khiah laukuul ii, Ikhalselai Pathian ring lesikhaw lau tuh um lo ii.
26 Mi zongzong in amah te uktu bawi mithmaai pha ngah hiam teen ii, Ikhalselai Pathian hnen ian an a cang ai thukhanhnaak ngah tuh ii si.
27 Mipha, mikuung in miphalo cim ai, Miphalo in mipha mikuung cim ve ii.

Read more »

Thufim khanpui 30

Thufiim 30 : 1 – 33

Agur Pong Hnaak

30:1 Hete heh Jakeh fapa Agur pong hnaak ii: “Aw Pathian, thin I cawl ii, I thazaang khai cawl sek ii hang. Zaikhai bawn ben nawn lo ing.
2 Kai tu ramsa bang ii hang ing, mihing bang ii lo hang ing. Mihing thinlung khai nai nawn lo ing.
3 Fiimthiamhnaak khai zir awng lo ing, Pathian thu zaikhai ling awng lo ing.
4 Vaancung thula ling sektu aisu um ii? Aisu in hlivua pom thil ii? Ihlahle ponher thawn ti fuun thiam aisu um ii? Ihlahle aisu in lai le vaan rii khan thil ii? Ciami pa aisu ii? Ling aw sim? A fapa tang aisu ii?
5 “Pathian ponkam caang in dik ii; Amah khiah khaakber siitu caa raalphaw ii.
6 Pathian ponkam lo beet mah, Na hau ngaai khaw na thudon hnaak laang ruai tuh ii.”
 
 Thufiim Samdang Te

7 “Aw Pathian, na hnen an thil pahnih na ngeen ing, I thih hlaan ah I co ruai tu:
8 Thudontu ii tuh loin I kiil tu; Farah ze le lian ze in khai I bawn mah lai, I kham tuakteng leek rong I pe tu hraam.”
9 Thil tampui nai le ingkhaw ‘Bawipa I kuul lo ii,’ ti khelh mah ngaang, I farah ze lekhaw ruu ko ngaang khaw, I Pathian hming thangsia ruai sual mah ngaang.
10 Zaikom in khai omhlawh khiah a bawipa hmaai ah sawi mah, Sawi lesikhaw omhlawhpa in awr na siat ngaai khaw zak na thi tuh ii.
11 Pa te awr siat ai, Nu le pa thin khing lotu um ii.
12 Riim roh napui ai mah veve I cianghlim roh ii ti ai ruat duuntu um ii.
13 Mi pha roh ing ti ai ruat duuntu um ii, amah te veve mi phaber in ruat duun ii!
14 Farah le nun har te kongcung ah liansia ai nungtu um ii, Ciatih in pum cawm duun ii.
15 Vot in fanu pahnih nai ai, a hming tu “I pe tu” ti veve ii. Kham ti nia nai lo thil pathum um ii, “Tuak zo hang” ti awng lotu thil pali um ii:
16 Ciate tu, mithi khua, fanailo nu cing, Ruahti haal roh laipua ro le, hmit thilh lo maiko te ii.
17 Aisu khai a pa hnihsa ai reeltu le, A nu hausa fang ai zohsuamtu khiah, Langtar in a sa ai tuh ai, lang-aak in a mit kuat tuh ii.
18 Kai caa ngaihtampha thu thuuk pathum um ii; I ling thil lo hnaak thil pali um ii:
19 Vaan hlivua lak ai zuang mupui ai a lamkhung, Lung vum ai vaak ruul lamkhung, Tipui vum ai feh khawm pui lamkhung le, Nupang le pasal tlaak duun hnaak lamkhung te ii.
20 Nupui nun kuunglo mer daan tu hetih ii: Pasal sam thawn sual ai takhlu ben hnua ah “Zai sualhnaak khai bawn lo ing,” ti ii.
21 Laipua ai a hlawngpui hnaak thil pathum um ii, Laipua ai ong ben lo hnaak thil pali um ii:
22 Kumpibawi hon cangtu sal, Rong duhduh aihtuh nai mivoi.
23 Mitkamkuul napui ai pasal nai ben thotho nupang le a bawinu umhmun suttu omhlawhnu te ii hang.
24 A ciik roh napui a fiim roh ramsa pali laivum ah um ii:
25 Ciami te tu: tha haat lo napui ai Khaal ah rong khawl ciatu sirsing;
26 Haat napui lo ai khu lak ai kua bawntu samaingaan.
27 Kumpibawi nai napui lo ai, A rualrual ai thawntu khokhuak,
28 Na kut inkhai huam thil ai, Kumpibawi inn song ah khai na hmu thil hnaak dildiit te ii.
29 A vaak teng ai hmuh nuam thil pathum um ii;
30 Cia te tu ramsa lak ai a haat ber le zai khai kih lo kiosa.
31 Mecang, arcang puar le a kuthnia te hmaai ai vaak hngualhngo tu kumpibawi te ii.
32 Voi thu maan in na puar ai, Thil phalo bawn tum lesikhaw, Com tu lai, ngaaisung tu rih.
33 Hnawi cawk dekdo lesikhaw thawphaat ngah ii si, Mi pakhat ai hnaar viit sah lesikhaw thii suak ii. Na thin so ruai lesikhaw thu hnok harsa tawk ii si.

Read more »

Thufim khanpui 31

Thufiim 31 : 1 – 31

Kumpibawi Hnenai Khuahruah Pha Pe Hnaak


1 Hete heh kumpibawi Lemuel hnen ah a nu ai cah hnaak thufiim ii.
2 “Nang heh I iit ze hnaak I fapa, I sawngeen hnaak maan ai ngah hnaak fapa ii si. Zai thu ber na reel ngaang?
3 Tisa hiamhnaak lamah na thazaang hmuah hmang sek mah, Na sum le saw hmuah khai nupang kongcung ah hmang sek mah; Cia te in kumpibawi tampui hnawmcan ii.
4 I ngaai tu, Lemuel. Kumibawi te khiah zu ding tuh hnaak ilo ii, Zu ding hiamhnaak nai tuh hnaak khai ilo ii.
5 Zaimaanin tifangin zu ding fangin daan khiah hai ai, Mi nun har te ngah tuh vo khai ling nawn lo ii.
6 Zu heh mi thi dawn te le thin nuam lo khuaruah har te caa ii.
7 Ciabang te in ding tu seh lai thin nuamlohnaak le farahhnaak hai tu seh.
8 “Mahte thu ai reel thiam lo te caa reel sah tu, Bawmtu nai lo te ngah tuh vo khiah khawi sah tu.
9 Amah te caa reel sah tu lai, thukhantu dik ii tu hraam. Farah le nun har te ngah tuh vo khawi sah tu.”


 Nupui Pha

10 Nupui pha ngah tuh heh zaibang in har pa! Rubi lungvaar mankhung tah in man nai sawn ii!
11 A pasal in ring roh ai, A pasal tu zaikom inkhai rimsu tuh lo ii.
12 A nun song hmuah a pasal kongcung ah thil pha bawn tio ai Hnawmhnaak bawn awng lo ii.
13 Um meenma nai lo in tuuhmul le voding pon tak de ii.
14 Sum le saw bawn te khawm pui bangin, Ram hlaapui an a innsaang caa rong phur de ii.
15 A innkua caa rong pai tuh in le, A omhlawh te naper sem tuh in, ziingkhuan in tho de ii.
16 Loram sii ai lai ii, a hlawh hnaak sumsaw in cabit vuan lai ii.
17 Naper zuam roh ii, Haat ai tha kol fawn ii.
18 A thil bawn hnaak zongzong man naih daan ling ai, Zaan hnuapui tian innsaang naa per ii.
19 Amah thu in vo zuuk ai a kongvon khai tak ii.
20 Farah le nun har te kongcung ah rawl thiam ii.
21 A innkuaza in kor lum nai teen ai, Khuasik cuu hleng inkhai zaipoi lo ii.
22 Hniaphah khuk tak khaw, sandup mawi roh ai tak hnaak thawn khuk ii.
23 A pasal heh khua songah mi zapui lin hnaak mi hoitu ii.
24 Kongvon le taaipeen te bawn ai sum bawn te zuarh ii.
25 A tha haat ai mi in zuul ai hmaailam caa thin cawlpha nai lo ii.
26 Fiim niu le neem ngaai in pong de ii.
27 Um meenma loin a innsaang kuul hnaak per tio ii.
28 A faa te in thangphat ai a pasal inkhai aan roh ii.
29 A pasal in, “Nupang tampui heh nupui pha ii teen napui, Nang heh a tumce in na pha ii,” ti ii.
30 Aai nai heh mi zawl thai ii; mawihnaak khai ria thai leh ii, Ikhalselai Bawipa kihzahtu nupang tu lawm le aan tlaak ii.
31 A bawn hnaak thil zongzong maan in amah khiah thangphat tu ih, Mi zongzong ai zuul tlaak nupang ii.

Read more »