About

Pages

Friday, February 21, 2014

Khuapui thawn thei


Lawng ham ber (Freedom Ship)
 Leivum kin thiam hnak sang te te ai kin ruat ban lo hnak pawl suak cek co i hang. Tunttum ai kin sik tuh hnak tu khuapui thawn thei ti hnak sik a sing.

Mithiam pawl in leivum lawng hamber bawn tum i heheh a project pawl khai 1990 dung lai ah lo bawn sio zo cia hnak i. He lawng thar Freedom Ship heh a ham ze hleihlawr i le Queen Mary II hnak in a let li lain ham sawn tuh i.

He mi project ai a bo tu hnak zah heh a hmasaber in a ttuak dan ah tu dollar billion ruk lai bo tuh in ttuat aung i. Inapuikhaw 2002 ah ttuat sal fang hetah in a lethnih laiin bo kul tuh ti sal i, ciamitu a dawngkham nio nio pawl leh thil dang dang ttuat tel sio cih hnak i. Inapuikhaw ciami hnua kum hra fang a bo tuh zat a ciah caih in ttuat ben i lai. 2013 November fang in dollar hra lai bot uh in relcat i hang.

He lawng pui heh mawi leh pha ngaiin bawn tum hnak i ai a sau lam meter  1 317, a kau lam meter 228,6 cen ti vum in a sang lam meter 106,7 tuh i cen tthat 25 um hnak lawng pui i tuh i. Freedom Ship heh bawn ben sio i le khaw ton 2,7 million dung rit i tuh i. He lawng heh hmun 33 000 dung in khan tuh i le, inn 18 000 leh hotel 10 000 dung cen bank, dawr, gym, swimming pool, casino leh restaurant pawl khai um tuh i. He lawng heh ti vum ah rei ze um tuh man in a sung ah sizung pawl khai um tuh fawm i cen tlawnginn university level , office, gallery, library, theater, hall, parking, tennis sal hmun, cykel dah hmun leh thil dang dang a kul sam hnak pawl hmuah hmuah um sio tuh i.

Khual a tlawng tuh dan

Freedom Ship heh Florida ai Palm Harbor in suak pan tuh in ruat tlang i ciatin nuam nio nio in Europe ah lut ai khaw, south Affica lam the cap of good hope ah, cia hnua fang Australia ah lut aih. Ciahnua fang Southeast Asia lam ai minung pawl rut diam do ai khaw pacific tipuithuanthum lam ah feh tuh i South America lam pan in. Ciabenfang Argentina lam feh ai khaw Brasil lam khai tlawh cih sio tuh i a feh tuh hmun ah a feh ben sio fang Florida ah let leh salt uh i. He khuapui thawn thei heh ti vum ah kum 2-3 dung rei in khual si tuh i leivum nuamhmuncang ah feh fawm in. (Ti vum ah kum 3 rei um tuh i)

He lawng heh a pha ze man in milian tawp khawk pawl lek in ian to thil tuh i. He lawng in khualsi heh kum rei thah tuh man in dun leh dan khai bawn sio ai, naupang pawl khangso hnak tuh, leisure ( mancan) leh mipui a nun khua za hiam thei hnak tuh pawl um sio i. He lawng heh bawn suak ben ngai ngai ni maw tih heh mipui pawl ruat hnel hno de hnak i tunlai ah.

Lawng vumah vanzuangkuarawn

He lawngpui ah mi 40 000 dung um ai khaw mikhual heh 10 000 dung um tuh de i.  30 000 dung visitor nei de ai khaw, mi 20 000 dung in mahte nio in inn nei tuh i. He teng sung ai um pawl in fee pe tuh de i invenhim hnak ah polis leh mitat pawl hrang ah. Freedom Ship a cung ah vanzuangkuarawn um tuh i heheh meter 1 158 sau tuh i le vanzuang he khawp khai thil ai khaw zuang khai thil tuh i. He lawng heh a rit ze man in a feh pan tuh fang khai fung law law tuh i.

Wednesday, February 12, 2014

Vanboruak leh leilungvum

Kin kristian pawl sang dan ah kin leivumpui heh kum 6 000 dung upa i hang tiin um tlang de i sing. He heh baibol ai Adam leh Evi san siar dan Genesis in sik fang hmu thil i sing.



Hlanlai mifim pawl in: Minungte kin fim cekco ai mifim (scientist) pawl in baibol hmang lovin in leivum heh kum ziangzah upa hang i ni tiin ttuat tteitto de ai a hmusuak hnak tu kin leilungvumpui heh baibol sung ai tah hnakin kum tam ngai upa sawn zo i tiheh hmusuak tlang i. Hlan lai mifim Charles Darwins fapa George Darwin in he kin leivumpui heh kum million 53 lai upa zo i tin ti aung i. Ciahnua Newton leh Lord Kelvin tein kum million 20-400 karlak dung upa hang ti ve lala i. Inapuikhaw kin leivumpui tu cia tah hnakin kum tam ngai upa sawn tho tho i lai.
kum 1956 fang Clair Cameron Patterson in leivumpui tu kum billion 4,55 i hang ti aung i, ciamitu tunsan ai mifim pawl ttuat dan thawn khai bang dun thah ngai i. Ciahnua fang mifim pawl in leivumpui leh vanboruak (universe) hnak tehkhin lala ai vanboruak tu leivumpui tahhnak in kum ziangmawzat tar sawn i tih hmu suak leh thio i.

Tunali mifim pawl in: European Space Agency pawl in planck satellite hnak lo hlat aung ai, ciami hnak astronomer pawl in vanboruak pui khiah a kum tam ngai sung a zingzoi hnua fang vanboruak heh kum billion 13,81 upa i hang tih hmusuak i. A hlan ah tu kum billion 13,78 dung i tin um aung i.
Ciaman kin baibol ai lei leh van ziang hmuah hmuah ni 6 ah bawn ben sio ti hnak tu genesis in a tiang tiang kin rel lo, genesis in thil tam ngai thup bial i ti thil i sing. Tehkhinhnak in Noah lawng a pil lai khai ni 40 leh zan 40 ruah si man leilungvumpui tiin cim sio tihnak khai heh tunsan mifim pawl in a ttuat leh sal fang van ai meiro hmuah hmuah ruah ah cang in tipuithuanthum ti pawl tilian dek in khai leilungvumpui khawmual pui ti in a khuk thil thei sio tuh hnakin tu leipua sung ai ti pawl suak kul i tiin ti tlang i. (Leipuasung ah ti um bial i, cia mi tu leipua ai ti um hnak hmuah hmuah hnak tahin tam in) Ciaman genesis heh thil thup um bial i. (Noah 2014 film sik tu leh)
Kin leivumpui (earth) tu a um hnak heh atunbai deuh ze man ziangkawm in pan ziangkawm ah ben ti heh a ciah ciah in ttuat thil lo i sing. Inapui vanboruak (universe or space) tu a um hnua rei ze zo hang le a ciah ciah in mifim pawl in ttuat thil lo i. Big Bang puak (explosion) hnak man vanboruak (universe or space) arsi le van ai thil umhnak hmuah hmuah cen kin solar system heang pawl heh Big Bang in kawi hnak i. Big Bang a puak hnua kum billion tam ngai liam hnua fang tunai kin solar system heh um pan hnak lai i, ciaman mifim pawl in kin leilungvum pui heh amahte ca nio in ttuat thil i.

Solar system le vanboruak: Tunah tu vanboruak heh theory zawng in ttuat le sing khaw a liam cia kum 13 812 021 864, cen April 18 zan nazi 8:47:03 (kin ram nazi can in) ah vanboruak heh um pan hnak i tin ttuat tlang i mifim pawl in.

Solar system tu kum billion 4,6 dung upa i ai ciatah kin leilungvumpui khai lo tel ve i. Kin leilungvumpui tu van lam in sik le sing khaw mawi ngai cuang ce a rang color leh a pawl color in hmu de i sing, a rang tu meiro a pawl ti tipuithuanthum i. Kin umhmun leivumpui leh ni heh kilometer million 150 lai hla dun i le leivumpui heh a um hmun a fuh ngai i yiangman ti fang he hnakin hla deuh selai dap ze tuh, cen hetah in nawng khai selai sa ze tuh man in i. Aican kul hnak - ni leh leivumpui hla dun ngai napui nitleu tu leivumpui ah speed 186, 000 miles (300.000 meter) per second cak in kap ben i, cen leivumpui in nitleu a hmu thil tuh hnak ah minit 8 lek iang kul i. Kin leilungpui in ni heh nisiarin hel mual mo ai ni heh ni 365 fang hel suak de i..

Thil dang ling lo pawl hrang
  1. Hlapui 81 fang leivumpui thawn a rit lam bang dun tuh i.
  2. Hlapui tu leivumpui thawn kum siar cm 3 dung hla ah thawn cekco i.
  3. Vanboruak ah galaxy heh siar cawk lo a lawi in lawi lio in um bial i.
  4. Tipuithuanthum hnia ai mitawng hrekkhat (volcanoes) pawl tu Mount Everest hnak in sang sawn i.
  5. Galaxy ti hnak hmin tu Greek in kawi hnak i, 'gala' a umziatu kawlpawhnawiti (milk).
  6. Leilungvum ai siatnawi, thingkung, lungto, thinghnah, minung leh ramsa leilungvum ai thil um hnak hmuah hmuah tahhnak in van ai arsi a let siar cawk lo in tam sawn ilai.

Ekinn pahnih

Tunkum Russia khua Sochi ai a bawn hnak Winter Olympic heh ropui ngaiin bawn i ai, inapuikhaw a pawi hnak tu a cozah te in he bang puai sunglawi lak ah ekinn heh phun dang ngaiin lo bawn hnak i. He ekinn heh a lai teng in a khan hnak um lo ai nong dun nio in bawn hnak i.

He Sochi ai double ekinn heh puai hmang tu mipui pawl in a ti ti tam ber hnak i he Olympic ah. He Winter Olympic tuh hnak ah mipui pawl in tangka zei maw zah lai liam ve ai kin cozah pawl kin tangka pawl a kawn ah dah i i ni tiin ti tlang i.

Sunday, February 9, 2014

Computer Shortcut key hmang dan

                            Computer shortcut key a hmang dan a thupui deuh hnak pawl sik cul a sing i.


 A hmasa in computer ah folder heh ziang bang bang in folder hmin pe in khai folder bawn thil sio napui a thil lo hnak um sun tu con tin folder hmin pe tu lei folder bawn thil tuh lo i si, Microsoft in daih lo :P

Ctrl+N =   New browse open
Ctrl+A =   Select
Ctrl+C =   Copy
Ctrl+V =   Paste (kû)
Ctrl+Z =    Undo (ti sal lo)

Ctrl+ (plus +) hnak a vum ai zuk bang in hmet le si zoom in (zoom  hnak i).

Ctrl+ (minus -) zoom out.

Alt +Tab = Aero 3D dak tuh i.

Windows key + Tab = Aero 3D thawn a bang pah napui phun dang deuh.

Ctrl+Shift+Prt Sc SysRq =computer screen datpung zaih hnak i. Ciatin na hmet ben paint hnak open tu le Ctrl+V ti dun lei screen ai datpung na zaih hnak dah tuh i.

He hmuah i hang thupui tin i ruat hnak pawl tu.

Thursday, February 6, 2014

Leivum ai tun ham ber

Nupang te tu tun lian fang in a hmel mawi hnak famkhim de i, ciabangpah in nupa hmuah hmuah tun ham daih thah sio i ti sing lei kin sual tuh ze lo i.

Amerika mi Vanity Wonder tu dan lo (illegal) in dollar 15, 000 lai bo in a tun heh a ham thei ang ber in bawn sio i le tunnia ah tu he nu heh leivum ah tun ham ber tin ling i hang sing.
A tun heh a hma ze hleihlawr man in 'bott shots' tiin hmin pe i.

Ahmasaber a tun bawn hmun tu Detroit ti hnak ai hotel pakhat ah i ai ciatin hmun dang dang ah bawn zian zo hnak i. A tun heh a ham ze man haihfu a sawt fang ling dun de lo i.

Mawtaw nem

Mawtaw cin tio man tuahmawh lau kul lo hang in Japan ram ai mithiam pawl in Mawtaw a ngem law law pawl bawn i hang.

He mawtaw heh iSave-SC1 tin ko i ce a sung ah mi pahnih lek to thei tuh in bawn hnak i. Mawtaw heh a to hiam ngai i le a cakber in mawng in nazi pakhat ah 50km dung hleng ben ve i, inapuikhaw a hla lam km 30 dung tian lo bak feh siang lo i.
Mawtaw heh puannem nio nio bawn hnak i man in accident ta pang in khai minung pawl ur thil lo in bawn hnak i.


Tuesday, February 4, 2014

Tunnia post hnak

  1. Microsoft neitu Bill Gate tu nikhat million 608 dung ngah de i.
  2. Leivum raldohnak man mi million 16 lai thi. War 2 lai weapon leh si hmang hnak man thi tam cuang ce i.
  3. Nazi pawl ai concentration camps tu 1933 march 22 fang German ram Dachau tihnak hmun Munich ah hawn pan hnak i.
  4. Jeepsy tu raldopui II hnak ah USA ralkap pawl in transpot hnak in hmang aung de hnak i.
  5. Nazi pawl ai a ttasik iron cross tu Hitler hlan 1810  lai ah German ah hmang zo.
  6. German pawl in 1933-1945 tiang leilungvum pui uk diam do aung.
  7. Molotov cocktail ti hnak (palang bung) bomb tu 1939-40 fang Finland in Soviet Union ral a do fang Finland pawl in hmang pan hnak i.
  8. Molotov cocktail bomb hmin a kawi hnak hmun tu Soviet mi ralbawi Vycheslav Molotov in kawi hnak i.
  9. Japan leh US Pearl Harbor raldo lai ah US mi 2 459 leh Japan mi 464 thi.
  10. Hlanlai Rome ralkap a bur pui khat tu mi 5000-6000 karlak dung de i.
  11. Tangkanawi (coin) tu a liamcia kum 5000 ah Iraq pawl in hmang zo hang.
  12. Archaeological lam ai mithiam pawl in hlanlai mi pawl ai saileng thawn raltawng a thiam hnak tu a liam cia kum 4000 dung in thok zo i ti i.
  13. Colosseum ah mi 50 000 dung tham.
  14. Gladiator sal hnak tu tangka tham kul loin sik aung de i.
  15. Democracy tu zisuh suak hlan kum 500 dung ah Athen khuapui mi pawl in hmang zo hnak i.
  16. Rome siangphahrang hnakumber tu Romulus Augustulus.
  17. England leh France tu 1337-1453 tiang do dun i.
  18. USA mi John D Rockefeller tu 1911 lai ai standard Oil nei tu i ai, 1916 fang leilungvum billionaire hmansaber tu i.
  19. French Napoleon nupui hmin tu Maria Louise i Austria mi.
  20. Zorro tihnak thuanthu tu um aung ngai ngai maw ngai2 lo tih lin i lo. USA ah 1919 lai ah zarh siar suak news All Story Weekly ai suak de hnak thuanthu menma i.
  21. 1874-1895 ai Winston Churchil tu nikhat ah cigar (kuak hampui) pawl zual 6 in zual 10 fawp de i.
  22. Leilungvum ai Doctor hmasaber tu Egyp (Igip) pawl i Zisuh suak hlan kum 2 600 ah um zo.
  23. Underground (leikuasungkhung) tu 1863 fang London ah um zo i.
  24. Compass tu 1086 fang Taluk pawl in hmang zo hang.
  25. Submarine (tisunglawng) tu 1776 ah David Bushnell in bawn hnak i.
  26. Nupang in Nobel prize ngah hmasabertu tu French mi Marie Skoldowska Curie.
  27. Titanic ah mi 2207 to ai mi 1514 lek nung i.
  28. Titanic Captain Edward John Smith tu tunnia tiang a ruang tawk lai lo.
  29. Hlanlai middle age lai ai knightly armor (ralphaw) tu thir leh dar in bawn hnak i le kg 23-30 dung tiang rit de i.
  30. French mi Napoleon tu 168cm dung lek i.
  31. Drinking Bloody Mary (juice phunkhat) tu Paris ah 1920 dung fang ding pan zo i.
  32. Egypt (Igip) pawl in Pyramid sa hnak ah camel (kalauk) hmang lo.
  33. 1912 ai pil hnak Titanic tu 1985 fang tipuithuanthum hnia meter 3 800 hnia ah tawk i lai.
  34. Radio in a hlat hmasaber hnak hla tu Oh Holy Night i.
  35. Guillotine (Hngawng tan lio hnak) tu 1977 ah Marseille khua ah Hamid Djandaubi rek hnak in hmang hnuakumber i.
  36. Mawtaw (car) mawng hmasabertu tu William Morrison.
  37. Guillotine (Hngawg tan lio hnak) tu kum 1792 dung ah French pawl in dantat hnak in mi rek hnak in hmang de i. France ah kum 1977 tiang hmang.
  38. 1900 fang New York ah Mawtaw 2 300 um zo i.
  39. Vaccine (kakuaisi) tu kum 1796 fang British mi Edward Jenner in hmusuak hnak i.
  40. Ahmasaber computer hmin tu ENIAC i ton 30 dung rit.
  41. Vang leh keu thawn rawng ei dan tu kumzabi 17 dung fang um i lai.
  42. Necktie tu Franch pawl in kumzabi 16 fang hmang zo i. French in kawi hnak.
  43. Ahmasaber picture story (zuk ah lai ngan cih) tu French mi Rodolphe Töpffe in 1820 fang bawn pan i. 
  44. kutsuihzungruk (wedding ring) tu a liamcia kum 4800 lai ah Egypt pawl in hmang zo i.
  45. Push chair (nautauhkham) tu kum 1 900 fang um i lai.
  46. England tu postage stamp hmang hmasaber ram i, 1840 fang hmang zo.
  47. Taluk pawl in Ice-cream ei hmasaber tu i leivum ah.
  48. Nobel Prize December 10 ah a bawn hnak tu Alfred Nobel thi nia man in i.
  49. UN day puai October 24 ah a bawn hnak tu UN heh October 24 1945 famg ding pan hnak man in i.
  50. Hlanlai zisuh suak hlan kum 600 dung ah tu tun ai kin hmang hnak lai Latin lai heh cafang a ham lo lek in hmang de i.
  51. 1843 fang Great Britain pawl in Christmas gift pe dun de zo i.
  52. Millions 2 lai minung lak ah bawngsia in bah leh khuahluan in tlawk man thi tu mi pahnih dung lek de i. 

 
Design by Free WordPress Themes | Bloggerized by Lasantha - Premium Blogger Themes | cheap international calls