About

Pages

Tuesday, June 28, 2011

Nupui Pasal si dan.

Nupui pasal si dan

Nupui pasal heh a tlangpuiin tu daih dun in nei dun kin tam i, mihrekkhat pawl in daih hnak hrilh thil lo nu le pa pisa hnak in nupa cang khai tlawm lo in um tho tho, hrekhat leh ah tu rin lo pui ambengtlawh ngah hnak bang in tawk dun khai um pah i ai, mihrekkhat i insangpui tuh feh a kawn bang mi pha ni maw tiin a si in si perpo minung khai um bial pah i sing. I hang tun tum i rel hiam hnak tu a si in si pawl insang cungcang thuhla tlawm nio in lo tarlang ve cul ang khaw.
Leilungvum heh vanram khatta i ti sing lei kin sual tam ze tuh lo hang i tunsan ah tu 1939 in 1945 raltawngpui veihnih hnak dung leh tunsan 66 sansung dun nio ah leilungvum ziang hmuah hmuah sumdawnhnak in e maw fimthiam hnak lam in e maw vansang boruak lam zir pawl, science lam Shi lam heang pawl sik sing lei tam ngai kin khang sak i hang.
Laimi te heh Pathian hlasuah co miphun i sing titu mitamsawnin a um hnak de i ai a ngai ngai i tuh i ti sing lei kin hmân tuh hlen i, a liam cia kum 100 dung ai kin Laimi nunphung pawl sik leh sing le bawngbi hmang lo mi lu lang hnam pawl i sing napui khaw tunsan ah, mifim mithiam bik bik pawl zarah hlizua hmut hnak bang in kin khangso tei to i hang. Kin hnik puan hmang dan reng reng ah kin nupang pawlin mirang pawl style maw korea style cung i ni maw skin-tigh leh angki pa hlerhlo pawl sil in mitkharh ham pui pui hmang kin tam hang ai, pasal ve thung in tu bawngbi tigh bik bik tunkua dak dawn dawn emo style kin tihnak pawl hmang in khung ah vak in khai phataktaiin vak thil lo ai kut in rin thah thah kul in kin nun khuasak zia pawl khai meiro bang rori in hleng cak i hang.
Na mi daih pawl na pawng tuh fang
Fenu tlangval kin si dun tak tak fang in kinmah kin i hnak bang nio in rel pha i. Minung hrekkhat pawl tu i daih tu seh tiin a hleifuan deuh kin i hnak pawl rel ngah kin tam ze de i. Laimi te khai tunsan ah tu Media lam pang in tawkdun kin lo um ve vivo hang ai ang kul ngai ti ing. Hebang thil pawl heh kin ti tuh teng teng hnak sawn i ai kham thil hnak i lo i a san in zir ngeu man sawn man in i.
I hang media in daih dun heh akhansa dan leh ayeahta heh phundang ve ngai I ai, a tawk ve awng lo khai um bial thei men I sing napui khaw a tawk awng tu pawl khai kin zanniat sungin khai um bial pah tuh in um hnak nei pah ing. I hang Laimi tu gtalk hmang kin tam I man gtalk leh vzo thu hla rel sing ih, gtalk in mithar in kin invite I le khaw add kio heh pha ber I add hnua ah khai pha nio tu pawn hlen pha asan tu na lo invite hlan ah na thuhla a awm tawk nio in tu lo ling cia de man in I.
Ciatin kin fenu kin uar hnak pawl kin ngiar reng reng fang in thudawn tam ze  phuah lovin ngiar pha I, ziangman ti fang in hmu dun awng lo leh tawk dun awng lo kin I man I, kin hmel te bang khai a pha lam zawng aiin a hnawm zawng in rel heh sual ze lo I ai, na zuk I kuat tu na ti ta pang in khai na zuk normal dung nio nio pawl lo kuat tu de law cia lo fang tu vzo, cam in sik dung na zuk bang in na hmel dak lo fang ciah na daih tum thah thah hnak pawl khai pai sio thei I khaw. Kin pawn dun reng reng fang khai thil dang bawn heh pha ze lo kin daih hnak nu khiah carefully rok in ziang I a pawn hnak atihsan, he nu heh a thinlung kawn bang I ni ti heh lingthiam tum tek tu lei, a thil ti ti ur phun zawng khai ling tum tu tek lei ciatin a daihzawng nio in lo pawn tu de law. Na mi uar nu/pa hnak heh a bilngawn bik khai I thei men, a pawn ak ngai khai I thei men, a mitkalh piangmawi tengkipung khai I thei men I ling fiang thei lo I si cia man gtlak in pawn dun fang khai chatting lek in daih tawk lovin call tu zurzo de na mi uar phun leh tlak phun I le khaw tu.
Media in si hnak kin ti bang pah I man in nawngdun nio ah um lo ti tu fiang ngai I man ramhla pui leh ah khuasa kin i man a gtalk leh a vzo account pawl in duhtawk ma lei, a contact number pawl khai lo ngen tu lei a email to lo can ti bang khai call tu vurvo de loin khai sms ti bang kuat tu tio de law, cangthil salei tu nikhat sms 5 dung kuat heh pha ber I, zing na tho ve leh vei 1, zingrawngei vei 1, sunsiahei vei 1, zanlam ah vei 1, mitmu tu fang vei 1 ciatih fang in tu ziangkawm in khai na heie thil tuh lo I a thin lungsungin aw aw I daih ngai ngai I bang e heap in tu a tho sawng pah in a thinlungsungah I dak fawm ciah de I bang tiin thinhiam ngaiin nah rang lek ah rinsan kul bikin kin tawk dun hlan lo tiin na iang hlen de tuh i.
Sms kin kuat ti bang fang khai mah in ruat ve kul ai I darling nu ziang heh a siar hiam phun I ti heh lingthiam kin kul I, cen nisiar in e maw nithum veikhat dung in e maw na daih ngai ing ti heh rel kin kul tio I ciatin kin rel tam na na tu I lo daih ngai ngai I ang tin lo sang ve tak tak tuh I a thinlung hmuah hmuah in. hmukhat um kin I lo manin tawkdun ben tio lo I sing kin tawk dun can online I menma hang na online tuh tibang fang helo darling online tuh ing khaw tin rel tu  hmasa de law ciatih lo fang tu a online can ah nang to lo le si khaw a thin hiam tuh bul de lo i.
Ziang can lak lak ah khai a mah heh pawimawh ber ah dah tum de lei a online to can nio ah tu. Cia tin online in na suak tuh fang khai rel loin suak hram hram ma law na darling nu a thinraw a bing in bing lio tuh I khaw hmunkhat um tlang kin I lo man carefully nio na can hmang thiam na kul I lo hei ma law. Ciatin fang tu leilungvum tu hmunkhat um tlang lo in a thinlung leh daihzawng ling thil dun sio kin I man neh hnua fang tu na hmun ah hleng tuh lo tit u ruat ze de mah na hmun hleng tuh heh 90% in um zo I hang. Thin hiam ngaiin na mi uar ngel ngo hnak nu/pa tu co thil tuh hang I si.

Monday, June 27, 2011

North lam pawl english pawn thiam ber

Scandinavian mipui pawl heh english thiam ber ram te i. He thu hla ah a rel fiang tu pawn lam zirhnak EF pawl in leilungvum ram 44 ram ai minung million 2 dung hrilkhawmhnak in than hnak i.
Hrekhat ram pawl tu english heh thiam ze hang lo ai, pawimawh in khai dah hang lo i, ciatin rual rual in north minung pawl in tu English heh leilungvum ai a thiam ber te ram dinhmun ah lo ding i. Sweden he pali hnak ah lo tel ban ve i.
Hemi Scandinavia pawl tu english in pawng le khaw amah te bang rori in pawng thil sio ai, amah te pawn ngai ngai leh english aw thluk tu lei leh van bang in dang napui khaw aw pei ti heh nei bul lo i, kin te pawl in he nu he pa heh Scandinavian minung i ti ling lo sing lei tu english te vuah thei i sing. German Russia Spain etc heang pawl thawn tehkhin pha um lo law law in a aw thluk mawi i.


Leilungvum nung rei ber pa thi zo hang.

2011 april hla ai a thi hnak pa Walter Breuning heh USA mi i ai, he pa heh leilungvum minung kum upa ber i kum 114 u pa in thi hnak i. A tar ze hang man rawng khai ei thei mumal lo hang ai nihnih ah veihnih dung iang ei ben de i.
Tuntu Japan ram aai khuasa Jiroemon Kimura he leilungvum kum upa ber dinhmun ah ding i hang. A nih khai heh april 19 2011 fang kum 114 khim ve i hang.

Ui co leh ramsan pawl in biaikin ah pungkhawm ve.

Ramsa pawl tiang in khai hnikpuan thianghlim nio sil in biakin feh thei hnak right lo nei ve I hang, minung te kin cang ze hang lo i bang hang Pathian tang a lungawi ni maw aw? Masaya Nigaragua khua ai  Santa Maria Magdalena biakin sung ah ramsa leh ui co pawl thawn pungkhawm hnak nei tlang i Tholehpuai ah.
Hi nia heh mitamtakin biakin lam feh tlang ai. Biakin sung khang vum ti bang ah khai leipua burh bial ai ziangman ti fang ramsa pawl in amahte in bangin a ngam thil tuh hnak in i. Ciatin zing lam ah ramsa nei tu pawl leh a nei tu pawl pakhat leh pakhat kawm dun hnak nei tlang ai, he ang pawl heh ram cang cang in kawi hnak i.
Cia biakin sungah mi farah tawpkhawk Lasarus zuk um ai, Ui co pawl in ang ki sil ai ciatin ramsa a nei tu pawl in sawngen tlang ai pathian thil ropui kutcak a dak thei tuh in a mah te inkuaza ten ah, he kum sung ah.
Thuanthu ah Lasarus leh Uico khiah Bible ah hmu thil i sing ih, Lasarus tu farah ngai awng in mineipa rawngei a theh bang nghak in thi hnak ti tu ling i sing i. Arikam awng dan tawmsawl in awng de i. Ui co pawl in a meihma pawl liaksak in ei sak napui ning heu hnak nei bul awng lo i mineipa in Lasarus hmun ah. Lasarus thin kio ai vanvum ah kai in, mineipa ve thung tu helram ah feh ve awng thung i.

Saturday, June 25, 2011

It hnak leh Ciatpawng

It hnak leh Ciatpawng

               Nu pumsung kin um laiin kin it tu leh kin daih tu heh mi pahnih um ai cia ang pawltu kin nu leh kin pa te i. ciatin nu pumsungin naungek in kin suak fang tu it tu za leh hua tu za nei hang i sing.
Ciatin kum te herliam vivo in kin kum te upa zian zo ai fenu tlangval it hnak heh zir kul lovin kin thinlung sung ah po de i hang. Minung kin i bang pahin fenu tlangval te bang ah khai tam ngai ngai nei thei bial i sing ai, mi hrekkhat dau nei ngai ngai khai um thei i sing.

It hnak heh bawn cawp thil awm?
Yes. Mitamtakin tu it hnak heh amah thu nio in kawi hnak I ti ai bawncawp thil I lo I titu khei kin bo lo I, tehkhinhnakin mipakhat hmu ve leh uar suang  thi dawn bing liau in heang pawl heh thil cang thil sio hnak I, it hnak tu a kham in kham thil lo hnak tisuar tuk ngai thawn bang pah i.
Leh lam theo ah tu tlangval pakhat in fenu pakhat heh nasa liau in tlak dek ai ngiar dek de napui fenu in daih thil bul lo emaw khai um de pah I ai, napuikhaw a rei a rei fang tu ningheu hnak thinlung in e maw it hnak mangbangza heh lo suak thil de pah I, hemi thil pahnih in a kawi hnak it hnak a thu um dan tu a bang pah I ai a rok deuh leh a pin deuh ti heh thiadanglam thil cuang lo i.

It hnak heh pai thil awm?
It hnak heh ciatpawng bang pah I ai kum rei ngai tiang tu kho tial in rin thil hlen I, tehkhinhnakin fenu tlangval – a tlangvalpa harsa ze man in e maw zir hnak man e maw khuahla ram hla puiah kum rei ngai khek dunin tawk dun thil bul lo selai a kawn tih I ni? Minung tu hmunkhat lengtlang tam fang it hnak heh a ni ni in lo khang ve de ai he pa tu a hmel hmu khai I awk tum kin ti hnak pawl khai a rei a rei fang in tu a mawi hnak leh ahmuai iang nei ngai hnak tep thiam de I hang sing.
Kin mi uar leh daih ngel ngo hnak pawl thawn kum rei pui khek dun tuh ti thuhla kin za fang minung thinlung in tuar ben de lo ai biang ah mithli far zutzo tiangin rauh ngaiin tuar de I sing. Ciatiin thutiamkam dun hnak pawl bawn in na iang hleng ang nang lo tu tiin mangpha pe dun de sing khaw. Ni siar a zunngai tuar in kin daling pawl kin mithla ah a hni lai in e maw  a riahsia thinhnawm ngaiin kin kang ah a um lai pawl ngai ruah ro de I sing ih.
Ciatin hnua ta ta fang tu minung um kawm lo rei na na na tu kin thinlungsun in khai hla vivo ai sum leh pai harsa hnak in e maw asettuai bawn lo vivo kin tam ai napuikhaw kin thinlung sung ah tu ziangkawm in khai hei thil lovin bek ngeu pah de I, napuikhaw minung thinlung tu ti a luang bialbo hnak rawnpui bang pakhat I ai kin thinlung pawl kin kum upa dan zirin hleng rian ro ai hnua ta ta fang in tu kin hmailam hrang ruat in khung a pha thei ang ber in sial kin lo tam de I hang “ ciatin ciatpawng bang in rei ze rin ngeu thil ve lo ai it hnak khai heh” ciatin a power bo in tlawm nio nio in cat phut pho de I hang. Ciamanin na mi daih ngai pawl heh a hamah um pui ben tuh in lo zuam tu ten to de law.

Thursday, June 16, 2011

Na Siar hiam phun i ni maw Aw

                       He facebook heh leilungvum social network hmang tam ber leh lar ber ti sing lei kin sual ze tuh hang lo i tin um ing. Kei khai 2009 dung fang hmang pan ve ing khaw cia lai tu kin laimi pawl in hmel lin ze hang lai lo i sing ti sing lei kin sual tuh ze hang lo i. Tunai SP/ B malsawmtluangi, Michael M Sailo, Daduhi, Mimi rentlei etc heang pawl in rin a friends tlawm nio ian nei awng i khia lai ah tu. Napuikhaw 2011 kum rori fang tu friend ah add tuh in khai thil lo hang  rualpui lawilio in nei tlang i hang ziangtluk in mipuiin hmang i sing ti tu rel kul lovin ling tlang tuh in ning um ing.
He facebook heh leilungvum minung ti ti deuh thawh in hmang tlang i sing ai a veksen in million 700 dung in hmang tlang I sing kum 2009 dunglai ah tu million 500 dung in hmang tlang awng i.
Kin ram in khai 2009 dunfang hmang thawk ve i sing ai cia kum pahin facebooking 70000 lai kin hleng tio man i. Facebook hmang a luar kai hmun ram pawl tu USA, CANADA, UK,  NORWAY heang ram pawl I ai Norway ah tu a ram minung hmuah hmuah pitar in nau nget tiang nei ti sing lei kin sual tuh lo i. Napui khaw he heh neh hnua fang tu hmang hiam hnak thinlung lo tlawm vivo ai kin hnua nio ah America mipui million nga dung in facebook heh lo hlum sio zo i.
Facebook hmang tangkai dan
  He social network heh a hmang tu zirin tangkai pui i sing kin hmang dan heh bang dun thei lo men i. Mirang tlawngta naupang pawl in a hmang ve dan thungtu Mobile e maw phone in pawn dun leh sms dun tih um lo hang ai Facebook in thuhla ziangkim rel dun i cen message tibang ah e maw homework te bang kuat dun de i. Hrekkhat company ham pui pui or thuamhnaw dawr ham pui pui te bang in khai Facebook ID nei sio ai khia bang ah a dawr products leh information pha ngai ngai dah sio sawn de i hang.
Facebooking heh pha ngai i ai. Hrekhat  hlanlai kum tam ngai pah in Fa te leh nu leh pa khek dun kum tam ngai tawk dun lo in um ai, napui khaw Facebook ah tawk dun leh sal cen address te zawng dun leh sal  ti heh siar cawk lovin um ve thio thung i, he man in facebook a hmang tu khai lo tam sin sin i tuh i ti um hnak nei de ing. Veikhat tu German fenu in a nu hmu awng bul lo hnak facebook ah a nu lo tawk ai ang hnak thu na men lovin rel awng i.
Facebook a phat lo hnak
    Thil tam tak heh a pha rual rual in pha lo hnak khai um bial de i ai. Tunlai leilungvum minungte can a bo ruai hmun ber tu facebook ah I ai chating in e maw game sal. “pakhat khai Facebook ai game a khel ze man a fanio zilung ah takhluh  in hlum kio ai a fa nio tu zilung nio ah lo thi kio awng I”  Cen hrekkhat pawl in status ah “what’s on your mind” tibang ah thil mawi lo ngai ngai polictic zawng in e maw a tlawng ai sayamah te thuhla pha lo in ngan man e maw Tlawng in in suah leh thawng tiang to tuar awng khai um bial i, hrekkhat leh thio ah tu  pornstar pawl in mi invited ve de cia computer ah virus lo lut thei bial de la la fawn i.  
Hrekhat leh thio ah tu kin zuk tar hnak pawlin kin mizia lin sio ai he nu he pa heh kawnbang minung i? ziang bang heh a thil daih zawng I tibang, hlah le khaw kin zuk pawl lo copy sio ai khaw mual kin pho ruai thei pah I cia man in facebook ah zuk khai kul ze lo fang in tam ze ze tar lo sing lei pha I, Laimi tein zuk tar kin uar dan zuk 200/ 300 tar khai kin tlawm lo i.
Friend tam ze nei khai pha hang lo I ling dun hlawng lo pawn dun cuang lawi lo, miin na zuk na sik ai khaw, mi hmuah hmuah in na um dan na mizia hmuah hmuah na ling sio ai khaw heang thil pawl man in Facebook in suak minung khai lo tam ngai zo I hang News paper tibang Facebook ai I ID pawl I lo phiat sah tu I ti te bang in.
A pawi ber hnak tu can tam ze Facebook ah kin sung hnak a nei tu pa Mark Zuckerberg in daih lo ai April 2011 fang lo phiat tum awng i, napuikhaw tunnia tiang tu lo hmang thil hlen lai I sing.
Thalai deuh pawl kin tlei ber hnak facebook I ai comment sik sah dun heh kin uar ber hnak tuh I, cia tih rual rual in tum lo pui pui kin nu leh pa  or pi leh put e facebook account bawn ve ai lo lut ve fang in tu minung I hnak ah mi kin comment tibang e maw kin rualpui pawl ziang bang I tih ti bang pawl kin sik sah de man Facebooking hiam hnak thinlung nei lo pawl khai lo um bial de I.
Hrekkhat thio ah tu Mi hmin zawng in Facebook bawn tu khai lo tam roh I, abikin kawlram mi te kin tuang cuang ce Minta, Mintami hmin zawng, Mizo pawl khai um tuak ve de i. Mirang Hlasa thiam milar deuh pawl am am Facebook ID a nei tam dan dan tu lo ruat tu men ma hang.

Mi UK Tan Sui

Kawl Ram Mi Uk Tan Sui

Bochuk hmuci Tan Sui
“Tan Sui” kin tihnak pa heh zirhnak lam ah lo sang z eve hang lo I bang. 1933 fang CokSe ေက်ာက္ဆည္ၿမို႔ ah suak in 1956 fang tlawng phunhra awng ai ciatin 1951 fang Cok Se khua ai အစိုးရစာတိုက္ pakhat ah laingantu in na lo per awng i.
1952 hleng vivo ai ralkap lamah lut zianzo in အမွတ္ (9) ah khaisang hnak lo co rian ro i. Ralkap pawl ai ရာထူး pawl a ni ni khang cak vivo man in (11.7.53) fang in tu ralkap bawi ဒုတိယ ရာထူး lo ngah te i hang. (7.9.72) "ဒု" ဗိုလ္မူးၾကီး ရထူး din hmun tiang ngah in (2.5.77) fang tu ဗိုလ္မူးၾကီး  din hmun ngai ngai ngah kio i hang. Ciatin feh vivo ai (16.8.84) tiang ဗိုလ္မူးၾကီး per ai ( 18,3,98) fang tu ဗိုလ္ခ်ဳပ္မူးၾကီး réng tiang ngah ban i hang.

Tuesday, June 7, 2011

Suahnihla um zia pawl

Suah nia leh symbol thu um zia pawl







21/3-20/4
Ram- tuu ki hampui nei paw l
A ni te heh anun sung hmuah hmuah ah ang ngai de I, ralpha leh idea pha pha nei i.

News daih ngai ngai napuikhaw cam khat nio siar pah in kham beng bo de.

Pianpui  leh sport lam ah hiam ngai ngai napui neh tak tak tih nei awng lo i.

Thil ziangkim heh anite hrang tu sung sio bai nio i.







21/4-21/5
Bull- Lawi tu
Fim ngai ngai leh practical minung i.

Tangka leh thil neuh neuh daih ngai i.

Mithinlian, ngaihdan awlsam rouh thil peng hiam cen thinsau ngai ngai i.

Natural daih thei bik i.
Music lam uar pawl i.

Romantic minung ngai napui thikthu suak thut tho de i rinlo pui pui in.






22-5-21/6
Twins- Phir
Thuruat hiam ngai minung I cen pawnkam mawi hmang thei minung i.

Thil pawimawh leh thilmaksak rouh rouh uar i.

Khualtlawng hiam ngai I, pawng khai thiam bai ngai ngai de i.

Naper thilbawn kal thei sio, veikhat bawn in bawn thei sio minung i.

It hnak lam pang tu amahte phunpui deuh lam pang si thei mi i.






22/6-23/7
Crab, kaikuang


Midang pawl hnakin a khuaruat hnak hleng lek lo sawn deuh de.

Mima leng thei ngai I napui khaw inn ah um heh hiam ti sawn de i.

A hluak pha ngai ngai, cen thil ngaihtuah hnak maktara nei de i.

Mizuk suai lam pang hiam ngai de i.

Fenu tlangval lam luck thei ngai napui, it hnak lamah famkhim in co ben de lo i.






24/7-23/8
Lion, pawpui
Mi thinhiam thei ngai I, porh dun thei dek leh miralpha i.

Thil reng reng a pha zawng leh rem thlap thlap in um daih de.

A chit ci thei bik bik i.






24/8-23/9
Virgo
Khuaruatthiam roh le fimthiam ngai i.

Naper teima minung i cen thil ziangkim heh ruat fefo in bawn thei de i.

Lai siar leh lai ngan hiam bik bik fawn i.

Ataksa pumpui heh ngaihsak ngai ngai i.

It hnak (fenu tlangval) luck thei ngai napui chhukchhe  ze it hnak tu daih lo vet hung i.





24/9-23/10
Cuai khai
Thuruat thei ngai i le âng thei rouh leh rualpui tam ngai nei hiam i.

A ruat hnak pawl leh a daih hnak pawl hmuah hmuah rel sio hiam de i.

Thil tluangtlawm lo fair lo ngai pawnkam( thil bawn) tibang pawl hua ngai i.

Mah leh mah thu relcat har ti ngai thei de i.

Kut thilthiam (zuksuaithiam) uar I cen thil reng reng a mawi daih i.

It hnak diktak si thei minung I a pyaw ti bang in mi tuai ve hmang lo i.






24/10-22/11
Scorpion, kâng
A thilruat hnak pawl mite ling ruai siang thei lo I, napui khaw a khuaruat hnak pawl tu maksak ngai ngai de i.

Zei heh pawimawh ber ni tiheh a nun sung ai a khuaruat hnak ber de i.

Buai hnak leh harsat  hnak reng reng fix sio hiam thei minung i.

A darling pawl heh a ham nio ah um daih de i, napui a thikthu sia law law ve thung i.






23/11-21/12
Sagittarius or Archer   
Mi tluangtlawm, thinhiam leh mi ning hio thei cen rualpui khai tam ngai nei i.

Motion (lih cinh) leh zalen ngai in can hmang heh uar i.

Pakhat leh pakhat thu ruah dun khai a hiam phun roh i.

It hnak lam ah a dau pha ngai napui pengseng ti tu har ngai i a hrangah.





22/12-20/1
Capricorn
Mifim, khuaruah hiam, zéi leh thilziangkim bawn hnakah tuar ngam hnak, mawhphur ngam hnak nei i.

Sum pau ti bang suak thei ze I hang lo i.

A naper ah can tam ngai bo ruai pawl I.

Rualpui khai nei de napui camkhat nio lek hrang ian daih de i.

A darling pawl tu ngaih ve ngai de ve thung thio i.






21/1-19/2
Aquarius
Midang hnakin khai nel om sawn ngai de i.

Thil danglam ngai ti bang pawl uar i.

Knowledge lam pang pawl ngaihsak ngai i.

It hnak lam pang fehpui ze hang lo pawl i.






19/2-20/3
Nga
Maktara in khuaruat thiam i le sikkuyin thei minung i.

Thil reng reng heh i lo tin rel heh har a ti zawng ngai de i.

Datpung zaih e maw lam e maw heh a uar phun zawng i.

Hmunthiam ngai I le mi khai bawm hiam thei rouh i.

It hnak lam pang heh ngah bai nio napui, a it hnak pawl zawl tuang rouh thung i.


 
Design by Free WordPress Themes | Bloggerized by Lasantha - Premium Blogger Themes | cheap international calls