About

Pages

Sunday, February 27, 2011

Zir kin kul

Zirhnak leh Fimthiam hnak
Minung kin i sungah tu zirhnak heh pawimawh ngai i ai, Minung heh zirhnak tel lo in ziang ziang khei thiam thil lo i sing. Tunsan cangkang so zel hnak leilungvumah zirhnak  tel lovin ziang na per pha khei ngah thil lo ai, mi bang in hlawh pha ngai ngah ben tuh ve in tu zirhnak thiamhnak kin kul ai cia ang pawl nei lo fangtu a niam ber naper ngah tuh khei har ngai i hang ram cangkang pawl hmun ah tu.
Minung kin suak sawng pah in zir hnak heh lo um sa cih ai, nu hnawi fawp in pan in zir hnak heh um cih in ciatin zir so vivo sing ai tlawngkai in fimthiamhnak zirsing ai cia mi fimthiamhnak  kin si hnak in fimhnak leh lingkau hnak tam tak kin suah pui ai zirhnak in ling kau hnak suak pui la la ai ling kau hnakin thil bawn tuh dan a phun phun lo suak ruai i, tunlai vansang ai zuang pawl vanzuang rocket a phun phun, IT lam Building, etc a phun2 heh zirhnak in kawi sio hnak i ai, zirsang mi pauh pauh heh miin hmaizah khei hlawh ai upat khei hlawh i. Fim tuh in tu Zirhnak kin kul bang pah in zirhnak heh minung hrangah pawimawh ze man in Pathian tih lo ah tu zirhnak heh no 2 hial din hmun ah um ve i. Zirhnak kin ti hnak pawl ah khai formal education leh   informal education tiin um ai, a pahnih in pawimawh ve ve in hmu ing.

Ram cangkang hmun pawlah zirhnak heh pawimawh ngaiin dah ai a tlangpuiin high school tu ben tlangpui sio i. Zir mi na na tu zirlo i ni maw ti lak sungah khai ling thiam hnak leh fimthiam hnak tu zir lo mi pawl hnakin tu tam deuh ngeu tho tho i, fim hnak tu sauk sungah um sio ai lai a siar tam pauh leh tlawng a kai rei pauh pauh in fim in lingkau hnak ngah tam ngeu i, zanniat pawn in pofim kin ti hnak heh hnamdang kin tlang mi pawn ah tu lo um ze lo ai he mi pofim khei heh hmun tam takah tu pha ngai i, i napui khaw zirhnakin bawm lo fang tu lingkau hnak leh zir in ling hnak pawl bet lo man in zirsang mi te bang tak tak in famkhim thil cuang awng lo i.

Ram cangkang so zel ram pawl ah tu naperhnak hnikpuan hmang ngah tuh tu har law law i ai, khungrawng na per ngah tu in khai certificate pakhat khat nei kul in zirhnak a nei lo pawl hrangah tu naper hmu har ngai i hang ciaman tlawngkai heh sual ti um lo ai hnua ti khai um lo i, a kai lo leh a zir hnua ze man can tam ngai sung ti sawn ngawn um bang.
 
Kin Laimi pawl leh Zirhnak
Kin Laimi te heh zirhnak lam kin khang so ve ngai hang sing ai, a biktakin Zanniat te kin khang so ngaiin hmu ve ing,  Zanniat fate khai kin mit var vivo in malay lamah delhi lam ah e maw feh in ramnuam lam pan hiam in um tlang i sing ih. Ciatin ram 1 hnak lam kin feh fang khai zirhnak lam ah lut a sing khaw fimthiam hnak si kin kul i, thu kin ling tam pauh leh lai kin siar tam pauh fang kin fim te te ai khaw, fim in tawp cin tih nei lo bang in zirhnak khai tawp tih um thil lo man zir teng teng kin kul i, ram 1 hnak pawl ah tu tlawngkai hiam le khaw asoyeah pawlin cawm sio man kinmah bentawk nio in ngawn fimthiam hnak heh si kin kul ve i hang.
Kinte pawl mifim mithiam kin tam le khaw Zanniat ti hnak khai kin unua dang pawl in kin ling ai khaw kin pawn khai kin ngaisang sah khaw Zanniat pawn pawng hiam hnak thinlung nei vei ai khaw cia tin kin lar so vivo tuh i. No 1 ah tu kinmah te heh kin pawimawh ngai i Mizoram te sik le sing khaw a ni te heh tusanah tu Manipur, Mizoram heang pawl ah mizo pawn heh Mizoram University hniaah  MA tiang in zirsuak thil in um i hang. Abikin tlangmi pawl hrang ah u mizo pawn heh kin thiam tlang ngai hnak i hang ai kin commom language pakhat dinhmun thiang ah cang ban i hang, he heh ziang dang khai i lo i zirhnak leh fimthiamhnak lamah kin hlaih ze man a ram minei ngaiin cang ai mizo hnam ngai sang kin tam man in i.
Cia man fim na hiam le khaw zirtu, zir na na tu ling ngeu tuh i sing, zirhnak um fang in lai siarthiam lai i sing zir lo in lai siarthiam thil lo i cia man lai siar thiam le sing khaw lai siar tam khai kin kul i, siar tu sauk lei tu, library ah e maw lai siar pha tam ngai um i zawngtu lei siar tu fimthiam hnak le ling kau hnak tam ngai na pe tuh i..

Ram Nuam Ram

Sweden leh a thuhla cawm


 Sweden ram heh ram mawi ngai i ai minung mipui 9 million vum dung um in Stockholm heh a kawwpui ber i. A ram heh khuadap ngai ram i ai khal fur khuasik favang tiin boruak pali nei ai ram hiam ngai i ve in exprorts  lam khai tam ngai suah i Thingkung, Paper, Machine, heang pawl heh exports lam thil a nei pawl hnak i. Volvo, Saap heang pawl heh Sweden Mawtaw suak hnak pawl i ai scandinavia ah tu lar ngai i Norway Bus pawl hmuah hmuah heh Sweden Volvo company suak  hmang sio i. Ei in lam pang tu a ram heh dap ze leh a ram leilung pha lo ze man ziangkhai ci pha thil lo ai importer tu Diesel, Coffe, Hnikpuan, Ei in pawl tu ramdang in kawi hnak ciang ve thung i. A ram heh thianghlim ngai ai leilungvum ram mawi lam ah khai lo tel ben ve de in ei ti lam ah kha ti pha ber ding hmun hauh ben ve i Sweden ram ah taw raw ti khai ding thil sio khawp in thianghlum ai khawng reng reng hnawmbawrh hmu pha um de lo i, in ti heh a hran pah in conection hman lo ai ek in ai ti pawl khai ding thil sio i. Cia man sweden ah bisleri heh um ze lo ai a um sun pawl khai a man khung bai bul lo i.
Kingdom of Sweden
Tin sweden ram heh siangphahrang ram i ai USA tein awt ngai de ing. Inapui khaw Siangphahrang in Politics lam pang khel thil lo ai ana ziang khai nei ben ve lo i, i napui khaw Siangphahrang in na per thiang ve lo in a ram mipui hmuah hmuah in mipakhat ah fangkhat tiin kum siar a Siangphahrang hmunah pe tlang de i. Swedish King Carl Gustuv XVI nupui heh Sweden ram mi i lo ai Germany ramin kawi hnak i ai pawn heh phun 5 pawng thil i. Tin Sweden ramah tu English pawn heh hmang uar ze tlang hang lo ai a mah te pawn nio Swedish heh hmang sawn i, napui khaw English pawn tu a mah te bang rori in pawng thiam sio pah ai, Sweden ram sak leh hlang ah Saklam um pawl Norway ram ri pawl in Tlawng nia a pawn heh dialogue thah ve ai Finland pawn hmang tlawnm lai khai um ve pah i napui 90% in tu Swedish hmang sio i. Finland ah tu Swedish pawn heh hmang thil hmun tam ngai um i. Tin Sweden pawn heh har ngai i ai thiam thil hang lo i kin Asia lam mi pawl hrangah tu a pawn heh khim law law i ai english pawn hnak in khai khim sawn ni maw tih tluk in khim ve i, scandinavia pawl tu a pawl heh lingthiam dun sio ai Norway leh Sweden pawl tu english in pawn dun de hang lo in a mah te pawn ve ve nio in pawn dun de i a danglam hnak tu Mizo leh Falam pawn bang dung i. Tlawngin lam ah Freanch, Germany, Spain, heang pawn heh zir thil i, tin sweden heh french word tam ngai zawng ai spaing pawn khai tam ngai um i english heang pawl pawn rawi khawm pawn pakhat i cia man english, french, spain Germany etc. Heang pawn thiam pawl hrangah harsa hnak um ze de lo i.
Fimthiamhnak lam
       Fimthianhnak lam heh uar ngai ngai I ai naupang kum 6 in tlawng pangai kai ve in hight school tu ben teng teng tuh in Sweden asoyeah in dan bawn hnak nei i, Ciami hight shool  ben fang tu hiam le khaw university peh thil hiam lo le na per thil hang. Tin Sweden ram heh ram cangkang ngai i ve bang in zir hnak lam pang heh ngaipawimawh ngai ngai ai tlawng zirsang lo pawl hrangah tu na ngah tuh hnak tu har ngai de i, ciamanin lai thiam lo ramdang mi hrang tu naper ngah tuh hnak har ngai i. Na per ngen tibangfang a zawt tam ber de hnak tu ziangmi I na certificate, document, driving license ti bang heh a zawt ber de hnak i. Sweden ramah driving license heh vangram ticket bangin sunglawi I, a ngah khai hrang law law i.
         Sweden ramah tlawngkai hiam hrang pawl buai hnak um lo ai asoyeah in a kai hiam sung hmuah cawm sio i. Naupang phun riat tan hnia hmuah hmuah tu tlawngin ah lunch te bang breakfast ti bang heh a free in ai thil man tlawngta naupang hrangah eiin buai kul lo I, heh dan tlawngin ah naupang free in rawng ai thil ram heh leilungvumah Sweden leh Finland ram he te pahnih lek i. phung riat ben le khaw tu hight school pehin asoyeah hmun ah CSN tiin a ko hnak tlawngta pawl hrang tangka zawng thil I, Sweden ramah nu leh pa in fa te tlawng tauh ti um lo ai asoyeah in tauh hnak sio i. Ciatin mah uar phun zawng subject lang in ram dan ah khai CSN tangka zawng in kai thil pah i.
Partuah hank lam leh thuamhnaw lam
                               Partuah hnak lam heh ram cangkang a i bang in sang ngai ngai I ai a hnikpuan pawl heh ramdang in kawi hnak lo lek I india ti bang in maw China ti bang in maw kawihnak tawr leh cheng in um napui a size tu Europe size in bawn hnak sio I man kinte hrang tu thuamhnaw ah buaihnak tam tak nei I ing. A nupang pawl heh mawi ngai ngai ai sik men ma in khai cakhnak suak thei i ti sing lei kin sual tuh ze hang lo i. a fenu tlangval pawl heh daih dun in hlun dun ze um lo ai sex lam pang ah tu zalen law law I shoping center sung toilet tibang ah khai bawn zut ti bang tam ngai um ai Sweden ah tu sex heh ziang khai in siar lo ai, Sextoy ti pawl khai hmu pha um bial I. Inapui khaw Sweden ah asoyeah in sianghnak Arnu zuar dun tu um bul ve lo thung i. Tunlai khangthar pawl in tu hnik puan heh fit a ngai ciat law law hmang uar ngai. Pasal in  bawng bi  ciat ngai pawl heh style ngai hnak tak tak ah hmang uar ai, nupang in sikart cawm nio sungah mawca sau pa ngai pawl  hmang ai  cen angki hngawng kawr thah sun glasses hampui hmai dim sio heang pawl hmang uar ngai ngai I. val u leh fenu upa thah pawl in tu a thuam hnaw care hang lo ai um hnak pauh pauh hmang de napui a tlangpuiin 70% in tu thuam hnaw taksa dim thiah2 heang pawl heh hmang tlangpui i. tin Sweden ah tu hnikpuan man thum ti um lo ai discount, sale can ti bang lo bak tu a man I thum tu titu hmaisawn kul ngai i.
        Tin Sweden ram heh a dap ze man hla 9 sung deuh thaw tu ni hmu pha tak tai um de lo ai, sun khai nei taktai de lo i. Cia man summer can hleng le khaw tu a ni te hrang ah paradise bang in sunglawi ai naper nei pawl in naper cawm ai holiday lang in Thailand lam tibang maw ram cang cang ah khual si murh mo in ni lum ai de i. Holiday ram dang feh lo pawl in khai a ram heh Ti li leh tipuithuanthuam in dim sio man tipuithuanthum ham ah feh in tak hlu in ni lum ai murh mo ai , cia tam beatch ah a hla tel tel in nuam cen de i. Summer can fang tu a ram mipui hmuah hmuah heh thinraw khai nei thil lo bang in hni siam so tio tam ai ni heh a uar ta law law ai a ram mipui a ti ti tam ber khai heh boruak weather thu rel heh a ti ti tam ber hnak I tunnia can tiang ah . Man le si Sweden ah summer hmang tum ve tu maw.

Biakhnak lam leh Sakhua lam
             Kin ling bang pahin Mirang ram pawl tu Pathian thu leng ze lo hang ai, mah hiam hiam in um tam i sweden khai heh biakhnak lam ah tu Christian ram i ai tunhlanah tu Christian ram cak tak i ve i  hlan lai 1250 kum dungah tu Biakhnak lam in sweden ram pui heh lo uk ve awng de ai mithi reng reng khai Biakin hmun, vuan ah phum sio de i, Cia dan tu tusan tiang hmang de lai i. Svenska kyrka heh Sweden ram biakhnak ham ber i ai thu nei ve ngai i. Cotholic he um ze hang lo ai Baptist ti khai tam ze lo i. Tun hlan ah tu tlawngin ti bang ah khai Bible thu lam subject zir teng teng kul de napui leilungvum cangkang so zel in man ai tunsan ah tu zir ngah lo hang i. Hlanlai ah tu Nau nei in khai Biakin ah pastor pawl in hmin pe fek fo de ai, ziang ziang khai Biakhnak lam in tawl rel hnak sio de awng i. I napui khaw tunsan ah tu Sweden ram heh a hmin men ma in Christian ram i ai Biakin te bang khai heh a sungah tu mawm bu in dim bial ai, Pathian um lo i ti tu khai tawr leh cheng in um i hang.  Pastor ti bang in khai naper kal tam ngai ai naper pakhat lek per ti heh Sweden minung pawlah tu har ngai i lai zirsang lo pawl in tu naper kal um hang ve lo thung i. Sweden mi tamtaktu biakin hleng lo tam ngai ai Christmas tibang zawng heh sunglawi ngaiin leh urhsun ngaiin hmang ve de i.
         Tin sweden ah Sakhua biakhnak heh za leng ngai i ai, stannic kohhran ti bang khai um ve bial pah i. Muslim heh iran iraq afghanistan, pakistan etc tibang in kawi hnak tam ai, a ci pung cak ngaiin tunah biakin khai musque khai sweden khawpui pawimawh tak tak ah um bial ve i hang, tlawmlai nio ngawn ral ring ngai ve de pah .Sswedish minung nupang pawl khai muslim lut tam ngai i ziangman ti fang in nupang tu zei khai bawn thiang lo man leh naper kul lo man i. Sweden ah ziang bang sakhua khai i tuh seh open tak in welcome sio i. Cia man pathian thu heh sweden ah tu um lo bang tluk i hang khawm tik cu can khai heh lin thiam har ngai de i, kin lam bang in zarhsiar nipuinia cang khawm ti khai um ve lo ai. Kum tluan ai khawm programs heh nei sio cia de i, tin pungkhawm heh hiam ngai i kin lam bang in na haih ngaiin au murh mo um ve lo ai, piano heh kitha hnak in khai hmang sawn de i, a hla pawl khai heh sa har ngai ngai ai napui khaw lungleng thei ngai ngai i. Pungkhawm laiah aisu bang khai i tuh seh sum pau toilet lut ti bang um lo bak tlukin mipuiin can heh sunglawi ngaiin hmang ve thung de i. A pathian thu rel heh hnih suah sai hmang ve de lo i kin Laimite bang in, sawngen te bang fang khai mit sing fek fo ti nei cuang lo ai Amen ti tuh khai ralring ngaiin um cia kul de i ziangman tifang kin laimi bang in sawngen ben tuh fang na Fapa Jesus hmin in na ngen ing ti hmang hang de lo man i.

Human rights in sweden
      Human right ah tu sweden heh pha law law ve i, Minung a nu pum sungin a suak pah in right nei in suak ai personal number <staff number> nei sio i  naupang lai pah in cia mi a personal number in a thi tiang control sio i hang a nu sung thuhla hmuah hmuah. Sweden ah naupang vit heh khap ngeu I ai, pawngkasia khai fate cungah hmang khai khap ngeu i. Fate vik ti bang I le khaw nu le pa thawng tauh thil ai fate thawn khai hmun khat um siang lo in a fate khai BRIS ti hnak organization pawl in a fate sut sah thil kio I, Cia man kin ang ramdang in ram cangkang lo in kawi hnak pawl tu kin fate khai luhlul sio ai nu leh pa thu cawk thil lovin kin um sah tam ngai I right heh Swedish pawl bang in hmang thiam lovin a sual zawng in hmang hnak ngawn pawi ti ngai ing.
        Tin Sweden heh Beer ding ngai ngai I ve ai, nupang in Kuak fawp pasal in Sadah hmuam ve thung, napui khaw kum 18 khim lo in dawr ai alcohol leh Kuak pawl lei siang lo ai, kum 18 a khim fang in tu a right pawl heh full in hmang thil sio i hang cen driving license kha phi thil I hang. Alcohol pub ai lei thil, kuah ti bang sex lam pang, nupui pasal khai nei thil I hang cia hlan tu ziang khai bawn ngah lo i. napui kum 22 fang in tu systembologet a ti hnak zu dawr ai ai alcohol sang ngai ngai ziang hmuah hmuah lei thil sio I ai, kum 18 khim le khaw nu leh pa hmun in in dang cer thil vet hung i. Pasal aiin nupang heh right neiin bawi sawn ai nupang in kuak fawp in night club ti bang feh suaksual ngai in sex lam ah hmang ngai napui khaw Sweden ramah nupang hmin sia ti um ve lo I, zawlfa pai ti khai um lo I, living together heh uar ngai ngai ai nupa tak tak tu tlawm nio lek I I napui khaw nupa tuh tak tak ti bang fang tu Biakin rori ah kutsih hnak bawn ve de I an kul ai. Living together in um liang lo a nupui in khai pasal dang kawp, a pasal in khai nupui dang kawp tibang tam ngai i ai, a nupui in fa dang pa 2 nei a pasal in khai fa dang 3 < Fa ken> nei ti tam ngai i. kin lam dan into pasal nei lo fa nei tu Zawlfa ti napui a ni te in tu nei ve lo i. tin fenu leng ti um ve lo ai leng dun in khai fenu room ah lut ai hiam bang bang in um de ai nu leh pa in hau thil hnak nei lo i.
    Nupang leh pasal hlaihdan dun hnak um lo ai a tlangpuiin pasal in insang lam na per tam sawn I a pasal pawl a hmel tu pa ngai ngai napui tattoo ti bang thawn napuikhaw nau len,innawt rawngsuang  ti bang heh nupang hnakin pasal in per tam sawn ai, a fate in khai a nu te pawl hnakin a pa te heh daih sawn ngeu tho I, a nu pang pawl suak sual ze ze man in tunsanah tu a pasal pawl Thailand lam feh in Thai nupui nei morh mo khai tam ngai I hang, I napui khaw a nupang pawl in tu ramdang mi tuai dek ti tu hmu pha um lo bang tluk I, tuai in khai zankhat dung tuai ai a tlangpui in Bar Casino Pub ti bang ai tangka nei lo fenu luk lak pawl in Muslim tlangval pawl tuai de i.

Social leh bawm hnak lam leh a mi sik dan
          Sweden ram ah naper hlawh man heh sang ngai ram pakhat I ve ai a tlang pui in mi pangaiin Swedish crown 18000, 20000 heh mipui hlawh pangai I ciatu India 120000 dung I, cen tax nei sio ai 30% tu tax ah feh de I. Cia mi tax ai tangka a lut hnak pawl heh hmun tam tak ah leh a phun phun in hmang ai, Sizung lamah e maw Bus, Putar Pitar, refugee, mibang lo , naper nei lo, tlawngta zirlai mi hrang  tiin etc a phun phun in hmang ai, cia man refugee pawl hrang ah tu eiin lam na na tu buai hnak um lo I, naper nei lo in khai Social pawlin cawm sio ai thazawng pawl hrangah tu Sweden heh vanram tluk in hiam i. I napui khaw practice heh na per kin tawk hlan tu practice per kul de ai naper nghah tuh le ducoment pha ngai nei kin kul I man beisei um lo bang tluk I cia man practice ah khai ram dang mi pawlin buai hnak tam ngai tawk de I ing. Sweden heh leilungvum miharsa bawm ben ngai tu ve I ai Haiti hlin hlin lai khai kr 700,000,000 lai bawm ben ve i. A tlang puiin refugee in kawi hnak pawl in naper nei lo kin tam ai social cawm ring kin tam ngai I Sweden ah laimi na per nei tu um lo law law bang tluk I napui khaw kin thinhiam ngai pah I asoyeah pawlin kin cawm hliang man, ram dangah he bang naper lovin asoyeah in cawm sio ti bang um ve de ni maw.
A ram mipui pawl
              A ram mipui pawl heh thu dik thu hman daih ngai minung I ai, thu dawn khai rel hmang lo I, pakhat leh pakhat zawl dun khai nei bul lo I. thuthimhnakah fenu pakhat na bawk I hiam na hiam ve awm ti tu lei, daih le khaw e law na ti men ma tuh khia tih bang rori in frank tlang ngai ngai i. tin a ram minung pawl heh pawng tam minung I lo in dap khep nio in um de  I a tlangpuiin, canlawng ti heh nei de lo i a canlawng ber ah news paper siar, lai siar tu a hiam ta law law i men ma, a kawn teng Train, Bus, Air etc tibang ah khai minung heh to men ma ti um lovin News siar teng teng de I, tin a ram heh paper suak bial ai leilungvum laihnah suah tam ber hial din hmun khai hauh ben I, cia man a ram tu laihnah lo lek in dim ai News tibang khai leikul lovin asoyeah in free in zem de i cia heh mipui pawl in tangkai ngaiin siar de ai caiman Swedish pawl thu ling hnak ngai ngai i.
      Tin a thalai pawl heh tlawngta sio a i man tangka lam ah tlasam ngai de ai, pocket money tu harsa ngai ve de i. Cen news  siar tu a  hiam reng reng man weekend ti bang fangin sumpuaah suak ze lo in in sungah News siar tibang in can hmang tam sawn de i. weekend ti bang heh a sunglawi ngai de ai Friday night ti heh sunglawi takin hmang tlang de i Friday le khaw zudawr ah feh hiam ngai de I zu ding murh mo in um tlang de napui buaihnak suak titu um awng bul lo i, tin Sweden heh a kawn teng hmun hmuah hmuah ah beer ding te bang tu siang sio napui, kuak heh station, office, school area ti bang mipui pungkhawm hmun ah tu siang lo ve thung  i, cia man beer ding heh hiam ngai i ai a man khai bai nio I redbull pakhat hnak in leh tithianhlim bur liter 1 hnak in khai bai khua khua lai i. minung zu ri khung lai ah sawn kio in khai phawr ti um lo ai buai hnak pe siang de lo I, a harsa ngai in khai please I bawm tu ih ti fang lek in ian bawm de lai i.

Scandinavian ah
       Scandinavian ah Laimi kin tlawm ngai ai Zanniat mi am am tu a siar khawp nio lek ian I ing. Napui khaw Scandinavian sung na na tu daih bang in tlawng dun thil i ing, cia mi heh kin bawng pha ngai hnak de i. Scandinavia heh leilungvum ram 1 hnak pawl rori I ai standard khai sang ngai ngai i ai a pawn khai heh nawn dun nio nio, kin Laimi te pawn bang dung ai English hmang lo hnak ram pawl I man. Scandinavian ai um pawl tu English lamah kin tlasam ngai ngai i, napui khaw tlawngkai minung theuh theuh ah ngawn Scandinavia ai um pawl heh tluk tu um tuh lo i ziangman tifangin Scandinavia um pawl tu spain,german, French ti bang English pawl heh thiam sio a tlawngpui tlawng zirsang pawl in tu. Cia man Malay in e maw India in e maw foreign lam feh le si khaw hril thiam ngai tu law Scandinavian hleng le si khaw a mah te pawn zir teng teng na kul tuh i ai English pawn tu hmang tuh hang de lo i si i napui khaw English tu kin mah tawk nio nio ling sio ve I ing ziangman tifang a pawn nawng dun ze ze man i. cia le khaw he hmuah in ca hrih ang Scandinavian lam thuhla ling tu pawl in I lo comment leh tu hang ih.

       


 
Design by Free WordPress Themes | Bloggerized by Lasantha - Premium Blogger Themes | cheap international calls